Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղեկատվություն 03.02.2015
2015 թվականի հունվար ամսվա ընթացքում ՀՀ Վայոց ձորի մարզի առողջապահական հաստատություններում ընդունված ծնունդների մասին` ըստ տարածաշրջանների
Տեղեկատվություն 03.02.2015
ՀՀ Վայոց ձորի մարզի Եղեգնաձոր, Վայք և Ջերմուկ քաղաքների ՍԾՏԳ-ներում 2015 թվականի հունվար ամսին կատարած աշխատանքների մասին
ՌԴ Արխանգելսկի պատվիրակության այցը ՀՀ Վայոց ձորի մարզ 02.02.2015
ՀՀ Վայոց ձորի և ՌԴ Արխանգելսկի մարզերի միջև բազմակողմ համագործակցության շրջանակներում ս.թ. հունվարի 29-ից փետրվարի 1-ը Հայաստանում էր գտնվում Արխանգելսկի մարզի պատվիրակությունը` նահանգապետի տեղակալ Ալեքսեյ Անդրոնովի գլխավորությամբ: Պատվիրակության կազմում էին նաև մարզի հայ համայնքի ղեկավար Մամիկոն Գեկչյանը, Արխանգելսկի օդանավակայանի տնօրեն Վահե Պետրոսյանը, ,,Տաշիր,, հոլդինգի Արխանգելսկի մասնաճյուղի ղեկավար Արտյոմ Ստեփանյանը: Հունվարի 29-ին պատվիրակությունը հանդիպում ունեցավ ՀՀ Վայոց ձորի մարզպետ Հարություն Սարգսյանի հետ: Հանդիպմանը ներկա էր նաև մարզպետի տեղակալ Սամվել Թարվերդյանը: Քննարկվեցին մարզերի միջև համագործակցության ներկա վիճակը, ստորագրված Համաձայնագրի կատարման ընթացքը, այդ ուղղությամբ իրականացվող աշխատանքները: Շնորհավորելով մարզպետին պաշտոնը ստանձնելու կապակցությամբ, նահանգապետի տեղակալ Ա. Անդրոնովը բարձր գնահատեց արդեն ձևավորված գործընկերությունը, մասնավորապես կարևորեց ձեռք բերված պայմանավորվածությունները՝ զբոսաշրջության ոլորտում համագործակցությունը խորացնելու ուղղությամբ
Արմեն Երիցյանը Վայոց ձորի սահմանամերձ գյուղերում 02.02.2015
Հունվարի 30-ին ՏԿԱԻ նախարար Արմեն Երիցյանն այցելեց Վայոց ձորի մարզ: Նախարարը մասնակցեց Վայոց ձորի մարզխորհրդի նիստին, այնուհետև, ամփոփելով նիստի աշխատանքները, Ա. Երիցյանն այցելեց սահմանամերձ գյուղեր՝ Նոր Ազնաբերդ, Խնձորուտ, Սերս և Բարձրունի: Տեղում զրուցելով համայնքների բնակիչների հետ և ծանոթանալով նրանց առաջ քաշած հիմնախնդիրներին՝ ՏԿԱԻ նախարարը, հենց տեղում առաջարկելով մի շարք լուծումներ, խոստացավ քննարկման ներկայացնել և լուծումներ գտնել նաև բարձրացրած մյուս հարցերի համար՝ սահմանամերձ գյուղերն առավել ամրապնդելու, նրանց անվտանգության և բարեկեցության մակարդակը բարձրացնելու ուղղությամբ:
ՀՀ ՏԿԱԻ նախարարի մասնակցությամբ տեղի ունեցավ ՀՀ Վայոց ձորի մարզխորհրդի 2015 թվականի անդրանիկ նիստը 30.01.2015
2015 թվականի հունվարի 30-ին, Վայոց ձորի մարզպետարանի նիստերի դահլիճում ՀՀ ՏԿԱԻ նախարար Արմեն Երիցյանի մասնակցությամբ և ՀՀ Վայոց ձորի մարզպետ Հարություն Սարգսյանի նախագահությամբ տեղի ունեցավ ՀՀ Վայոց ձորի մարզխորհրդի 2015 թվականի անդրանիկ նիստը: Նիստի օրակարգում ներառված էին հետևյալ հարցերը. 1. ,,Մարզում ամառային զորակոչի արդյունքների և ձմեռային զորակոչի ուղղությամբ տարվող աշխատանքների մասին,,: 2 . ,, ՀՀ Վայոց ձորի մարզպետարանի աշխատակազմի վարչությունների և բաժիների պետերի հաշվետվությունը 2014թ. կատարած աշխատանքների մասին,,: 3. ,, ՀՀ օրենսդրական և գերատեսչական իրավական ակտերում կատարված փոփոխությունների մասին,,: Հայտարարություններ 1. ,,Զորահավաքային նախապատրաստության և քաղաքացիական պաշտպանության աշխատանքների արդյունավետ կազմակերպման վերաբերյալ,,: Առաջին հարցի վերաբերյալ զեկուցումներով հանդես եկանԵղեգնաձորի և Վայքի տարածքային զինկոմներ Արմեն Սարգսյանը և Կամո Հակոբջանյանը: Այնուհետ ելույթ ունեցավ 4-րդ բանակային կորպուսի հրամանատար, գեներալ-մայոր Անդրանիկ Մակարյանը և ՀՀ պաշտպանությա
Միջոցոռումներ նվիրված Բանակի օրվան 29.01.2015
Բանակի օրվա կապակցությամբ հանդիսավոր միջոցառում էր կազմակերպվել մարզկենտրոն Եղեգնաձորի ավագ դպրոցում: Ներկա էին Վայոց ձորի մարզպետարանի, Երկրապահ կամավորների միության, մարզի տարածքային զինկոմիսարիատի, ոստիկանության մարզային վարչության, հասարակական կազմակերպությունների, ԶԼՄ-ների ներկայացուցիչներ, ուսուցիչներ, զինվորներ: Ողջունելով ներկաներին, ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը շնորհավորեց բոլորին` Բանակի օրվա կապակցությամբ և նշեց, որ Հայոց հաղթանակած բանակն այսօր առավել մարտունակ է, որի պահպանումն ու հզորացումը բոլորիս պարտքն է, ինչի ապացույցն այս ոգու արիության դասն է: Դպրոցի աշակերտների ուժերով ներկայացված ցերեկույթին հնչեցին հայրենիքին, բանակին, հայ զինվորին ձոնված հայրենասիրական տողեր ու երգեր: Նշենք, որ աշակերտները հադիսավոր երդումով համալրեցին պատանի երկրապահների շարքերը: Նրանց, Հայոց ազգային բանակի կազմավորման 23-րդ տարեդարձի և Պատանի երկրապահներ կազմակերպությանն անդամագրվելու կապակցությամբ, ՀՀ ՊՆ 4-րդ բանակային կորպուսի հրամանատար Անդրանիկ Մակարյանի անունից պատվոգրեր հանձնեց ԲԿ հրամանատարի ԱՀՏԱ գծով տեղակալի ժամանակավոր պաշտոնակատար, փոխգնդապետ Վահագն Շահբազյանը: Հայոց ազգային բանակի կազմավորման 23-րդ տարեդարձի և բանակաշինության գործում ներդրած մեծ ավանդի համար ՀՀ Վայոց ձորի մարզպետ Հարություն Սարգսյանի անունից պատվոգրով պարգևատրվեցին Երկրապահ կամավորական միության մի խումբ անդամներ: Միջոցառման մասնակիցներին ողջունեց և 4-րդ բանակային կորպուսի հրամանատար Անդրանիկ Մակարյանին, ՀՀ ԶՈՒ վետերանների, Եղեգնաձորի երկրապահ կամավորների միության բաժանմունքին, Եղեգնաձորի ավագ դպրոցին տոնի առթիվ պատվոգրեր հանձնեց Եղեգնաձորի տարածքային վետերանների խորհրդի նախագահ, պահեստազորի գնդապետ Պետրոս Առաքելյանը: Հայոց բանակի զորության ու պահպանության համար աղոթքով առ Աստված և օրհնության խոսքով հանդես եկավ Եղեգնաձորի Սուրբ Աստվածածին եկեղեցու հովիվ, տեր Վազգեն քահանա Հովհաննիսյանը: Միջոցառման ամփոփիչ խոսքով հանդես եկավ ավագ դպրոցի տնօրեն Կարինե Հարությունյանը, ով որպես միջոցառման կազմակերպիչ արժանացավ 4-րդ ԲԿ հրամանատարի շնորհակալագրին: Հավելենք, որ մարզի հանրակրթական և արվեստի բոլոր դպրոցներում կազմակերպվել են նույն կարգի հանդիսություններ:
