Պաշտոնական էլ. փոստ
(միայն www.e-citizen.am համակարգով ծանուցումների համար)
Բարի գալուստ ՀՀ Վայոց ձորի մարզպետի աշխատակազմի պաշտոնական կայք
Հարգելի բարեկամ:
Ողջունում եմ Ձեր մուտքը ՀՀ Վայոց ձորի մարզպետի աշխատակազմի պաշտոնական կայք եւ շնորհակալ եմ ցուցաբերած հետաքրքրության համար: Որպես ՀՀ պետական կառավարման տարածքային քաղաքականությունն իրականացող կառույցի ղեկավար, կարևորում եմ թափանցիկ և հրապարակային գործունեությունը:
Հարգելիներս, Ձեզ՝ կայքի այցելուների հետ, առավել ակտիվ շփումների լավագույն հարթակ կարող է հանդիսանալ մարզպետի աշխատակազմի պաշտոնական կայքը, հնարավորություն ընձեռելով պաշտոնական լրահոսի միջոցով առաջինը տեղեկատվություն ստանալ մարզպետի գործունեության եւ մարզի մասին:
Կայքի տարբեր բաժիններում ներկայացվող եւ պարբերաբար թարմացվող տեղեկատվությամբ կարող եք ծանոթանալ մարզի ընդհանուր նկարագրին, մարզում իրականացվող ծրագրերին, պաշտոնական փաստաթղթերին, մարզպետի աշխատակազմի կառուցվածքին, աշխատանքային գործունեությանը եւ գործառույթներին: Կայքում տեղադրվում են մարզպետի, մարզի համայնքների ավագանիների ընդունած որոշումները և մարզին վերաբերող այլ իրավական ակտեր:
Համոզված եմ, որ մարզպետի աշխատակազմի աշխատանքների նկատմամբ ցուցաբերած Ձեր ուշադրության արդյունքում, խնդիրների լուծման վերաբերյալ արտահայտած կարծիքներով, արված առաջարկություններով մեծապես կնպաստեք մարզպետի աշխատակազմի ավելի արդյունավետ և թափանցիկ գործունեության ապահովմանը:
Միասին աշխատենք, Վայոց ձորի մարզը ավելի լավը դարձնելու համար:
Հարգանքով՝
ՀՀ Վայոց ձորի մարզպետ
Արարատ Գրիգորյան
