Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Մարզպետարան

Մարզպետարանի մասին

 Ձևավորվել է 1996թ.`   ''ՀՀ վարչատարածքային բաժանման մասին'' օրենքի համաձայն։ Ինչպես բոլոր մարզերում, այնպես էլ Վայոց ձորի մարզում, ՀՀ սահմանադրության համաձայն, իրականացվում է պետական կառավարում։ Այս ոլորտի հարաբերությունները կարգավորվում են Սահմանադրությամբ, օրենքներով, ՀՀ նախագահի` ''Հայաստանի Հանրապետության մարզերում պետական կառավարման մասին'' հրամանագրով և այլ իրավական ակտերով։ Հայաստանի Հանրապետության Վայոց ձորի մարզում պետական կառավարումն իրականացնում է Վայոց ձորի մարզպետը` մարզպետարանի միջոցով։ Մարզպետարանն իրագործում է կառավարության տարածքային քաղաքականությունը, համակարգում հանրապետական գործադիր մարմինների տարածքային ծառայությունների գործունեությունը։ Մարզպետարանը կազմված է մարզպետից, մարզպետի տեղակալներից, խորհրդականից, օգնականներից, եւ մարզպետարանի աշխատակազմից։ Համաձայն ՀՀ վարչապետի 2002թ. 19 -ը սեպտեմբերի N 1794 - Ն` ''ՀՀ Վայոց ձորի մարզպետարանի աշխատակազմ'' պետական կառավարչական հիմնարկ ստեղծելու, Վայոց ձորի մարզպետարանի կանոնադրությունը և աշխատակազմի կառուցվածքը հաստատելու մասին որոշման` Աշխատակազմը բաղկացած է 6 վարչություններից, քարտուղարությունից, 9 բաժիններից, և 2 առանձնացված ստորաբաժանումներից / ՍԾՏԳ - ներ /։ Մարզպետարանի համակարգում ընդգրկվում են պետական ոչ առեւտրային եւ մարզային ենթակայության այլ կազմակերպություններ։

  Մարզպետարանի կանոնադրության համաձայն` կանոնակարգվել են մարզպետի տեղակալների, մարզպետարանի աշխատակազմի ղեկավարի կողմից մարզպետարանի աշխատակազմի կառուցվածքային և առանձնացված ստորաբաժանումների աշխատանքների համակարգումը։  Աշխատանքները կազմակերպվում են մարզպետարանի աշխատակազմի կառուցվածքային և առանձնացված ստորաբաժանումների կանոնադրությունների աշխատանքային ծրագրերին համապատասխան։ 
2016 թվականին մարզպետարանի կառուցվածքային և առանձնացված ստորաբաժանումների համար սահմանվել է 90 հաստիքային միավոր, որից` 73-ը՝ քաղաքացիական ծառայության պաշտոններ, 7-ը` մարզպետի գրասենյակի աշխատակիցներ, 10-ը` տնտեսական սպասարկում իրականացնող անձնակազմ:

 

Որպես Վայոց ձորի մարզպետ պաշտոնավարել են՝

1. Աշոտ Բագրատի Սարգսյան՝ 1996-1996թթ.
2. Պանդուխտ Հմայակի Մանուկյան՝ 1997-2001թթ.
3. Վաղինակ Գետեոնի Մաթևոսյան՝ 2001-2003թթ.
4. Սամվել Ֆրունզիկի Սարգսյան՝ 2003-2007թթ.
5. Վարդգես Գետեոնի Մաթևոսյան՝ 2007-2010թթ.
6. Սերգեյ Պապաշի Բագրատյան՝ 2010-2012թթ
7. էդգար Ֆերդինանդի Ղազարյան՝  2012-2014թթ.
8. Հարություն Վաչագանի Սարգսյան՝ 2014 թվականի նոյեմբերի 6-ից պաշտոնավարում է առ այսօր:
 
 

ՀՀ Վայոց ձորի մարզպետարանի աշխատակազմի ներքին գործավարության կարգը և այն հաստատող իրավական ակտը

 ՀՀ Վայոց ձորի մարզպետարանի պաշտոնատար անձանց մասին տեղեկատվություն ՀՀ ՏԱ օրենքի 7-րդ հոդվածի 3-րդ կետի 4-րդ բաժնի պահանջի համաձայն

ՊՄ-ի և նրա պաշտոնատար անձանց որոշումները կամ գործողությունները (անգործությունը) վիճարկելու վարչական կարգը սահմանված է <<Վարչարարության հիմունքների և վարչական վարույթի մասին>> ՀՀ օրենքով: Այն կարող է կատարվել վերադասության, ինչպես նաև դատական կարգով: 

 ՊՄ-ի և նրա պաշտոնատար անձանց որոշումները կամ գործողությունները (անգործությունը) վիճարկելու դատական կարգը սահմանված է Վարչական դատավարության և Քաղաքացիական դատավարության օրենսգրքերով:

 ՊՄ-ի և նրա պաշտոնատար անձանց որոշումները և գործողությունները վիճարկվում են, ինչպես նաև չեղյալ են համարվում <<Վարչարարության հիմունքների և վարչարարական վարույթի մասին>> ՀՀ օրենքով և Վարչական դատավարության օրենսգրքով սահմանված կարգով:

ՊՄ-ի խորհրդատվական ու խորհրդակցական, այդ թվում՝ հասարակական մարմինների իրավասությունը և նրանց կազմերը կարգավորվում են <<Հայաստանի Հանրապետության մարզերում պետական կառավարման մասին>> Հայաստանի Հանրապետության Նախագահի 06.05.1997թ. ՆՀ 728 հրամանագրով:

ՀՀ Նախագահի 2013 թվականի սեպտեմբերի 30-ի ՆՀ-245-Ն հրամանագիրը  ՀՀ Նախագահի 1997 թվականի մայիսի 6-ի ՆՀ 728 հրամանագրում փոփոխություններ կատարելու մասին:

 

 

Հասցե` ՀՀ Վայոց ձորի մարզ, 3601, ք. Եղեգնաձոր, Շահումյան 5.

Հեռ. (+374 10) 287401, (+374 281) 22522

Ֆաքս. (+374 10) 281832
 
Էլ.փոստ` marzpet.vayotsdzor@mta.gov.am
 
 


  Կայքը պատրաստված է Helix ընկերության կողմից 

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-11-22 17:33:41