Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Դիտարկվել են Վայք համայնքի Գոմք բնակավայրում իրականացված և ընթացքի մեջ գտնվող ծրագրերը 11.09.2026
Սեպտեմբերի 9-ին Վայոց ձորի մարզպետ Վահագն Արսենյանը, մարզպետի տեղակալ Վասիլ Ասլանյանը, Վայքի համայնքապետ Մխիթար Մաթևոսյանն այցելել են Գոմք բնակավայր՝ տեղում դիտարկելու բնակավաjրում իրականացված և ընթացքի մեջ գտնվող ծրագրերը։ Բնակավայրի համար կարևոր ձեռքբերում էր 2024 թվականին ՀՀ կրթության, գիտության, մշակույթի և սպորտի նախարարության պատվիրատվությամբ ՀՀ քաղաքաշինության կոմիտեի կողմից կառուցված Գոմքի միջնակարգ դպրոցի նոր շենքը՝ 144 տեղ հզորությամբ և 725.300.000 ՀՀ դրամ նախահաշվային արժեքով։
Սեպտեմբերի 9-ին ՀՀ Վայոց ձորի մարզպետ Վահագն Արսենյանն ընդունել է ԱՄՆ Խաղաղության կորպուսի հայաստանյան գրասենյակի տնօրեն Ուիլյամ Օրորկին, ծրագրերի և դասընթացների գծով տնօրեն Անդրե Բոյերին և Խաղաղության կորպուսի աշխատակից Մերի Առաքելյանին։ Քննարկվել են Վայոց ձորի մարզում իրականացվող կրթական և երիտասարդական ծրագրերը, կամավորների գործունեությունն ու համագործակցության ընդլայնման հնարավորությունները։
Տեղեկացնում ենք, որ ՀՀ ՏԿԵՆ-ը հայտարարել է Հ-48, /Մ-2/-Վերնաշեն-Գլաձորի պատմական հուշարձան հանրապետական նշանակության ավտոճանապարհի կմ0+000-կմ15+500 հատվածի հիմնանորոգման աշխատանքների ձեռքբերման մրցույթ։ Հանրապետական նշանակության ճանապարհի հիմնանորոգման ծրագրի շրջանակներում կընդգրկվեն Եղեգնաձոր համայնքի միջով անցնող տարանցիկ ճանապարհահատվածները (այդ թվում` նաև Եղեգնաձոր քաղաքի Միկոյան, Սևակ, Մոմիկ, Նարեկացի, Վ. Գևորգյան, Շահումյան և Ավագյան փողոցները)։
ՆԳՆ Փրկարար ծառայության hարգելի՛ փրկարարներ, հպարտությամբ շնորհավորում եմ ձեզ մասնագիտական օրվա առթիվ։ Փրկարարի օրը ևս մեկ առիթ է արժևորելու ձեր նվիրումն ու սխրանքը մասնագիտական ամենօրյա պարտքն իրականացնելիս՝ կանգնած մարդկային կյանքի, առողջության և անվտանգության պաշտպանության սահմանագծում։ Փրկարարի առաքելությունը լոկ մասնագիտություն չէ։ Այն բարձր կոչում է և ապրելակերպ, անձնվիրություն և խիզախություն, պատրաստակամություն՝ հաղթահարելու վտանգն ու անորոշությունը, ամենադժվար, հաճախ ճակատագրական պահին օգնության հասնելու, կյանքի նոր հնարավորություն պարգևելու և սատարելու նրանց, ովքեր հայտնվել են բարդագույն իրավիճակում։
ՀՀ Վայոց ձորի մարզպետ Վահագն Արսենյանի շնորհավորական ուղերձը Գիտելիքի և դպրության օրվա առթիվ 01.09.2026
Սիրելի՛ մանկավարժներ, աշակերտներ, ուսանողներ, կրթության ոլորտի նվիրյալներ, ի սրտե շնորհավորում եմ բոլորիդ Գիտելիքի և դպրության օրվա առթիվ: Այս օրը պարզապես տոն չէ, այլ կրկին գիտելիքի մասին խորհելու, նրա կարևորությունը գնահատելու, արժևորելու առիթ է, լավագույն փորձը ամրապնդելու, տարածելու, նոր նպատակներ ու ծրագրեր նախանշելու մեկնարկ։ Մեր հասարակության մեջ գիտելիքի և կրթության նկատմամբ սերն ու ակնածանքը, առանձնակի վերաբերմունքը մշտապես համարվել են առաքինություն, ժամանակների հոլովույթում՝ ազգային դիմագծի և ինքնության պահպանման ուրույն դրսևորում։
ՀՀ էկոնոմիկայի նախարար Գևորգ Պապոյանն օգոստոսի 31-ին ստորագրել է «Ամուլսարի ոսկու հանքի ծրագրի» շրջանակում Համայնքային զարգացման համաձայնագիրը, որով նախատեսվում են տարեկան 7-9 մլն ԱՄՆ դոլարի, իսկ առաջին 18-ամսյա ժամանակահատվածի համար՝ 10.5 մլն ԱՄՆ դոլարի համայնքային զարգացման ներդրումներ։ Համաձայնագիրը ստորագրվել է «Լիդիան Արմենիա» ՓԲԸ-ի, ՀՀ կառավարության՝ ի դեմս ՀՀ էկոնոմիկայի նախարարության, և Ջերմուկ, Վայք ու Սիսիան համայնքների միջև։
