Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետը մասնակցել է Գրադարանավարի օրվան նվիրված միջոցառմանը 08.10.2013
Հոկտեմբերի 7-ին Գրադարանավարի օրն է: Հայաստանի Հանրապետության բազմաթիվ գրադարաններ այդ օրը բաց էին ընթերցողների համար: Վայոց ձորի մարզային գրադարանը նույնպես իր դռներ էր բացել ընթերցողների և հյուրերի առջև: Տոնին ընդառաջ՝ հոկտեմբերի 5-ին, մարզային գրադարանում անցկացվեց արդեն ավանդական դարձած ,,Հանդիպան վայրը` գրադարան,, ծրագիրը, որին ներկա էին ՀՀ Վայոց ձորի մարզպետ Էդգար Ղազարյանը, մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության պետը և այլ պաշտոնյաներ: Երեկոյի բացման խոսքով հանդես եկավ մարզային գրադարանի տնօրեն Ռոզա Լևոնյանը: Այնուհետև սկսվեց առակագիր Մկրտիչ Կորյունի ծննդյան 100-ամյակին նվիրված գրական-գեղարվեստական երեկոն ,,Սիրո և համակրանքի ջերմ առակագիրը,, խորագրով:
ՀՀ Վարչապետը Ջերմուկում մասնակցել է համայնքների խնդիրների քննարկման նպատակով հրավիրված համաժողովին 07.10.2013
Վարչապետ Տիգրան Սարգսյանը Ջերմուկում մասնակցել է հոկտեմբերի 3-ից մեկնարկած Գյուղական համայնքների երրորդ համաժողովի աշխատանքներին: Ողջունելով համաժողովի մասնակիցներին` կառավարության ղեկավարը կարևորել է նման միջոցառումների անցկացումը և նշել. ,,Մեզ մեծապես հետաքրքրում են տեղական ինքնակառավարման մարմինների խնդիրները, և դրանց լուծման ուղղությամբ ձեր առաջարկությունները: Տեղյակ եք, որ կառավարությունը հաստատել է 2014 թվականի պետական բյուջեի նախագիծը: Այդ տեսակետից, մեզ հետաքրքրում է, թե ինչպիսին է վիճակը ավագանիներում, ինչ խնդիրներ եք տեսնում, ինչ հարցեր են լուծվել, ինչպես է վիճակը աշխատավարձերի բարձրացման քաղաքականության տեսակետից: Տեղյակ ենք, որ շատ համայնքներում կա ֆինանսական միջոցների սղություն,,: Վարչապետը վստահեցրել է համայնքների ղեկավարներին, որ կառավարությունն անում է ամեն ինչ, որպեսզի պետական բյուջեով հնարավորություն լինի օժանդակել համայնքներին` աշխատավարձերի բարձրացումը մեր երկրում սահուն կազմակերպելու համար:,,Աշխատավարձերի բարձրացումը պետք է կրի շարունակական բնույթ:
ՀՀ Նախագահ Սերժ Սարգսյանի աշխատանքային այցը Վայոց ձորի մարզ 07.10.2013
Նախագահ Սերժ Սարգսյանն այսօր աշխատանքային այցով մեկնել է Վայոց ձորի մարզ: Հանրապետության Նախագահը Ջերմուկ քաղաքում մասնակցել է ս.թ. հոկտեմբերի 3-ից մեկնարկած Գյուղական համայնքների 3-րդ համաժողովին, որի ընթացքում քննարկվել են տեղական ինքնակառավարման համակարգի և գյուղական համայնքների ամենաարդիական խնդիրները` ոլորտում ներգրավված բոլոր շահագրգիռ կողմերի` պետական, տեղական ինքնակառավարման մարմինների (ՏԻՄ), մարզերում տարբեր ծրագրեր իրականացնող տեղական և միջազգային կազմակերպությունների ներկայացուցիչների, փորձագետների մասնակցությամբ: Համաժողովի ընթացքում հնչած զեկույցներից հետո տեղի է ունեցել մտքերի փոխանակում համայնքների արդյունավետ կառավարմանն ուղղված վարչատարածքային բարեփոխումների, ակնկալվող արդյունքների ու խնդիրների վերաբերյալ: Հանրապետության Նախագահն ընդգծել է, որ իրականացվելիք բարեփոխումների հիմքում պետք է առաջին հերթին դիտարկել բնակիչների հարմարավետությունը, նրանց կենցաղային պայմանների բարելավումը, համայնքներում կրթական, առողջապահական և այլ ծառայությունների որակյալ մատուցումը:
ՀՀ Վայոց ձորի մարզպետ Էդգար Ղազարյանի ուղերձը Գրադարանավարի օրվա կապակցությամբ 07.10.2013
Գրադարանային համակարգի հարգելի աշխատողներ Ջերմ շնորհավորանքներս ու բարեմաղթանքներս եմ հղում Վայոց ձորի մարզային գրադարանի, համայնքային և դպրոցական գրադարանների աշխատակիցներին մասնագիրական տոնի` Գրադարանավարի օրվա կապակցությամբ: Գրադարանները գրքի ու գրականության շտեմարաններն են, մտքի գանձերի պահպանման սուրբ օջախները, այն օջախները որտեղ ամբարվում են հանճարների ստեղծած մտավոր գանձերը: Գիրքն է, որ հնարավորություն է ընձեռում ընթերցողին հաղորդակցվելու անցյալի փորձին, ճանաչելու աշխարհն ու շրջակա միջավայրը, պատկերացումներ կազմելու, ապագայի մասին, իմանալու ,,Բանն հանճարոյ,,:
ՀՀ Վայոց ձորի մարզպետը մասնակցել է Ռինդ համայնքում կայացած ,,Համայքնի օր,, միջոցառմանը 07.10.2013
Ս/թ հոկտեմբերի 4-ին ՀՀ Վայոց ձորի մարզպետ Էդգար Ղազարյանը և մարզպետի տեղակալ Սամվել Թարվերդյանը ,,Գինու փառատոնի,, շրջանակում մասնակցել են Վայոց ձոր մարզի Ռինդ համայնքում կայացած ,,Համայնքի օր,, միջոցառմանը: Փառատոնի պաշտոնական բացման ժամանակ մարզպետը ողջունել է ռինդցիներին և մաղթել առատ բերք ու բարիք: Միջոցառման ժամանակ տեղի է ունեցել տնական արտադրության գինիների մրցույթ, արժեքավոր իրեր, ընտանի կենդանիների խաղարկություն: Միջոցառումն ավարտվել է համերգային ծրագրով:
,,Բերքի տոն,, Եղեգնաձոր համայնքում 07.10.2013
Ս/թ հոկտեմբերի 6-ին ,,Գինու փառատոնի,, շրջանակում Եղեգնաձոր համայնքի ամֆիթատրոնում տեղի ունեցավ ավանդական ,,Բերքի տոն,, միջոցառումը, որի մասնակիցներին ողջունեց ՀՀ Վայոց ձորի մարզպետ Էդգար Ղազարյանը: Ստուգատես մրցույթին ներկայացված բերք ու բարիքն օրհնեց Հայ Առաքելական Եկեղեցու Վայոց ձորի թեմի փոխառաջնորդ Տ. Զարեհ վարդապետ Կաբաղյանը: Ներկա էր նաև Հայաստանում Արգենտինայի արտակարգ և լիազոր դեսպան ԴիեգոԷ. Ալվարես Ռեվերան, տիկնոջ հետ: Ամֆիթատրոնին հարակից Նարեկացի փողոցում տեղադրված տաղավարներում կազմակերպվել էր Վայոց ձորի մարզի համայնքների բերքի ցուցադրություն: Մարզետը հյուրերի և մարզպետի տեղակալների, մարզպետարանի աշխատակազմի ղեկավարի հետ շրջայց կատարեցին Նարեկացի փողոցում, ծանոթացան տաղավարներին և համտեսեցին ցուցադրվող բերք ու բարիքը:
