Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետարանի աշխատակազմի ղեկավարի 27.08.2015թ. N163 հրամանով Արամ Գրիգորյանը նշանակվել է ՀՀ ՎՁՄ աշխատակազմի ընտանիքի, կանանց և երեխաների իրավունքների պաշտպանության բաժնի պետի պաշտոնում
Տեղի ունեցավ գործակարգավարական հերթական խորհրդակցությունը 31.08.2015
Այսօր ՀՀ Վայոց ձորի մարզպետ Հարություն Սարգսյանը մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական գործակարգավարական խորհրդակցությունը: Ստորաբաժանումների ղեկավարները ներկայացրեցին նախորդ խորհրդակցությանն արձանագրված հանձնարարականների կատարման ընթացքը, անցած շաբաթվա ընթացքում կատարած աշխատանքները և ընթացիկ շաբաթում իրականացվելիք անելիքներն ու ծրագրերը:
ՀՀ Վայոց ձորի մարզպետ Հարություն Սարգսյանի ուղերձը Գիտելիքի և դպրության օրվա կապակցությամբ 31.08.2015
Սիրելի աշակերտներ, հարգելի մանկավարժներ և ծնողներ: Սրտանց շնորհավորում եմ ձեզ Գիտելիքի և դպրության օրվա կապակցությամբ: Նոր ուսումնական տարվա մեկնարկը մեզանում միշտ էլ եղել է սպասված, հաճելի պահերով ու տոնական տրամադրությամբ առլեցուն, քանզի այն ծնողների համար նորացված սպասումներին, նվիրական երազանքներին ու նպատակներին հասնելու մի նոր տարեշրջան է հանդիսանում, աշակերտների համար՝ նոր ձեռքբերումների ճանապարհին գիտելիքների հարստացման անկրկնելի հնարավորություն: Իսկ դպրության, գիր-գրականության և որակյալ կրթության հանդեպ սերը մեր ժողովրդի մեջ գալիս է դարերից և փոխանցվում է սերնդե-սերունդ: Յուրաքանչյուր մեկնարկող ուսումնական տարին մի նոր հնարավորություն է` մեր ոսկեղենիկ այբուբենը յուրացնելու, խորը ու կայուն գիտելիքներ ձեռք բերելու, կարողություններն ու իմացությունը բազմապատկելու համար, որոնց շնորհիվ կարելի կլինի օժանդակել մեր մարզի տնտեսական զարգացմանն ու մեր օջախների շենացմանը: Սիրելի դպրոցականներ, ես հավատում եմ, որ ձեր գիտելիքներն ապագայում ի նպաստ եք բերելու ձեր դպրոցի, ձեր համայնքի, մեր մարզի զորացման ու հզորացման գործընթացին: Հարգելի մանկավարժներ, բարձր գնահատելով ձեր ներդրումը մարզի կրթական համակարգի զարգացման գործում` համոզված եմ, որ ձեր սաների հոգում վեհ ու համամարդկային գաղափարներ սերմանելու համար արել եք և այսուհետ անելու եք ամեն հնարավորը, որպես կրթության ու դաստիարակության գործի նվիրյալներ: Ի պատասխան Ձեր նվիրական աշխատանքի, հավաստիացնում եմ, որ մարզային իշխանություններն ամեն ինչ անելու են ձեզ համար աշխատանքային նորմալ պայմաններ ստեղծելու և ուսումնական տարվա խաղաղ ու ռիթմիկ ընթացքն ապահովելու համար: Սիրելիներս, ամենայն սիրով, ու ամենաջերմ բարեմաղթանքներով ուզում եմ շնորհավորել առաջին դասարանցիներին: Թող գիտելիքի տաճար նրանց մուտքը բարեբեր լինի: Բարի երթ եմ մաղթում նրանց գիտության բարձունքներ տանող լուսավոր այդ ճանապարհին: Կրկին շնորհավորում եմ բոլորիս նոր ուսումնական տարվա մեկնարկի, Գիտելիքի և դպրության օրվա կապակցությամբ, քանզի այս տոնն իր բովանդակությամբ տոնական տրամադրություն է բերում բոլորիս ընտանիքներին, թակում է յուրաքանչյուրիս դուռը և հյուրընկալվում առանձնահատուկ սիրով: Բարի երթ նոր ուսումնական տարում:
Շախմատի հուշամրցաշար նվիրված Հրանտ Կարապետյանի հիշատակին 28.08.2015
2015 թվականի օգոստոսի 26-ին Եղեգնաձոր քաղաքի մանկական ստեղծագործության կենտրոնում մեկնարկեց Հրանտ Կարապետյանի հիշատակին նվիրված արագ շախմատի հուշամրցաշարը: Հուշամրցաշարի մասնակիցներին ողջունեց ՀՀ Վայոց ձորի մարզպետի տեղակալ Մելս Հարությունյանը: Մ. Հարությունյանը հաջողություն մաղթեց մրցաշարին մասնակցող շախմատիստներին: Հուշամրցաշարին մասնակցում էին տարբեր տարիքային խմբի 17 շախմատիստներ, ՀՀ Վայոց ձորի մարզի տարբեր բնակավայրերից:
Այսօր ՀՀ Վայոց ձորի մարզպետարանի նիստերի դահլիճում տեղի ունեցավ մարզի հանրակրթական հաստատությունների ղեկավարների օգոստոսյան ամենամյա խորհրդակցությունը, որը վարում էր ՀՀ Վայոց ձորի մարզպետ Հարություն Սարգսյանը: Խորհրդակցությանը մասնակցում էին ՀՀ ԿԳ նախարարի տեղակալ Կարինե Հարությունյանը, ԿԳՆ ԾՒԳ-ի տնօրենը, մարզպետի տեղակալները, մարզպետարանի աշխատակազմի ղեկավարը, կառուցվածքային ստորաբաժանումների ղեկավարներ, մարզի կրթական հաստատությունների տնօրենները և փոխտնօրենները: Խորհրդակցությանը բացման խոսքով հանդես եկավ մարզպետ Հ. Սարգսյանը: Նա նախ ներկայացրեց հյուրերին, ապա շնորհավորեց ներկաներին նոր ուսումնական տարվա մեկնարկի կապակցությամբ՝ մաղթելով արդյունավետ ուսումնական տարի:
Բաց դաս՝ Եղեգնաձորում գործող ամառային ճամբարում 26.08.2015
,,Շուշան,, հասարակական կազմակերպությունը ,,Ֆրանս-հայկական զարգացման կենտրոն,, հիմնադրամի ֆինանսական օժանդակությամբ հուլիս-օգոստոս ամիսներին Եղեգնաձորում կազմակերպել է ամառային ճամբար, որտեղ երեկ տեղի ունեցավ բաց դաս: Միջոցառմանը մասնակցում էին ՀՀ Վայոց ձորի մարզպետարանի պաշտոնյաներ, իրականացվող ծրագրին սատարող անձիք, ծնողներ: Ճամբարական երեխաներն աշխատում էին ըստ նախասիրած խմբերի, որոնք կատարում էին ձեռքի աշխատանքներ, օգտագործելով բազմատեսակ պարագաներ: Երեխաներն աշխատում էին տարբեր տարիքային խմբերով, համագործակցված: Ամենուրեք ցուցադրվում էր ճամբարականների ձեռքի աշխատանքները:
