Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետն այցելել է Գնդեվազի թռչնաբուծական ֆաբրիկա 21.08.2015
Օգոստոսի 21-ին ՀՀ Վայոց ձորի մարզպետ Հարություն Սարգսյանը ՀՀ Վայոց ձորի մարզպետի տեղակալ Սամվել Թարվերդյանի ուղեկցությամբ այցելել է Գնդեվազի թռչնաբուծական ֆաբրիկա : Թռչնաբուծարանի տնօրեն Արմեն Խաչատրյանի ուղեկցությամբ Հ. Սարգսյանը շրջայց է կատարել ֆաբրիկայում, ծանոթացել ձեռնարկության գործունեության պայմաններին: Մարզպետին ներկայացվել է, որ ֆաբրիկայի 105 հազար թև թռչուններից 80 հազարը ածան հավեր են, որոնք օրական տալիս են 60-65 հազար ձու: Արտադրված ձվի ամբողջ խմբաքանակն իրացվում է ներքին շուկայում: Տեղում քննարկվել են նաև ֆաբրիկայի հիմնախնդիրները, մասնավորապես հարց է բարձրացվել վարկերի տրամադրման պայմանների վերաբերյալ: Խոսվել է նաև սեփական կերարտադրության հնարավորության մասին:
Համայնքային այցելությունները շարունակվում են 18.08.2015
Օգոստոսի 18-ին ՀՀ Վայոց ձորի մարզպետ Հարություն Սարգսյանը` ՀՀ Վայոց ձորի մարզպետի տեղակալ Սամվել Թարվերդյանի ուղեկցությամբ այցելեց Քարագլուխ և Աղնջաձոր համայնքներ: Քարագլուխ համայնքում մարզպետը ծանոթացավ կերերի կուտակման աշխատանքներին, դիտարկվեցին Քարագլխի ջրամբարի լրացուցիչ սնուցման հնարավորությունները: Աղնջաձոր համայնք կատարած այցի ընթացքում մարզպետը ծանոթացավ կերերի կուտակման աշխատանքներին, որից հետո գյուղապետարանում հանդիպում տեղի ունեցավ գյուղապետարանի աշխատակազմի հետ: Համայնքի ղեկավար Ահարոն Գաբրիելյանի կողմից հարց բարձրացվեց ոռոգման ջրագծի կառուցման, էլեկտրաէներգիայի անխափան մատակարարման և հանդամիջյան ճանապարհների մաքրման աշխատանքների կազմակերպման վերաբերյալ: Հանդիպումների ընթացքում մարզպետ Հ. Սարգսյանը Քարագլուխ և Աղնջաձոր համայնքների ղեկավարներին հորդորեց անասնապահության զարգացման համար ակտիվ աշխատանքներ տանել կոոպերատիվների ստեղծման ուղությամբ:
ՀՀ վարչապետ Հովիկ Աբրահամյանի այցը ՀՀ Վայոց ձորի մարզ 17.08.2015
Արարատի մարզից Հովիկ Աբրահամյանն ուղևորվել է Վայոց ձորի մարզ: Առաջին կանգառը Վայք քաղաքն էր, որտեղ վարչապետը հանդիպել է բնակիչներին, ծանոթացել նաև նրանց հուզող խնդիրներին և նշել, որ կառավարությունը կքննարկի դրանց լուծման տարբերակներ: Այնուհետև վարչապետն այցելել է Գնդեվազ համայնքում գործող ,,Էկոֆարմ,, ՍՊԸ: Խոշոր եղջերավոր կենդանիների բուծման, հում կաթի և պանրի արտադրության համար նախատեսված անասնապահական այս համալիրը հիմնադրվել է 2013 թ. սեպտեմբերին և հիմնականում ունի կաթի արտադրության ուղղվածություն: Այդ նպատակով այստեղ բուծվում են Գերմանիայից ներկրված տոհմային կաթնամսատու երինջներ: Ընկերության մոտ 300 գլուխ տոհմային խոշոր եղջերավոր կենդանիներից նախատեսվում է տարեկան ստանալ մինչև 1.16 մլն կգ կաթ: Համալիրը նախագծված է սննդի անվտանգության միջազգային ստանդարտի պահանջներին համապատասխան և տեխնիկական հագեցվածությամբ չի զիջում եվրոպական որակի և կառավարման չափորոշիչներին: Այն ունի 15 մշտական և 45 սեզոնային աշխատող, որոնց միջին աշխատավարձը կազմում է 100-120 հազ. ՀՀ դրամ: Հովիկ Աբրահամյանի այցի հաջորդ կանգառը Ամուլսարի ոսկու հանքավայրն էր, որի հանքային իրավունքը պատկանում է ,,Լիդիան ինթերնեյշնլ,, ընկերության հայաստանյան մասնաճյուղը հանդիսացող ,,Գեոթիմ,, ընկերությանը: Վարչապետը շրջայց է կատարել Ամուլսարի ոսկու ծրագրի իրականացման վայրում: Ընկերության հանքարդյունաբերական, բնապահպանական և սոցիալական թիմերը կառավարության ղեկավարին մանրամասներ են ներկայացրել ծրագրի ներկա փուլի, Բնապահպանական և սոցիալական ազդեցության գնահատման ընթացքի, պլանավորվող ներդրումների և ծրագրի շինարարական ու գործառնական փուլում ստեղծվելիք աշխատատեղերի վերաբերյալ: Մասնավորապես՝ ,,Գեոթիմ,, ընկերության գործադիր տնօրեն Հայկ Ալոյանը նշել է, որ սպասվող կապիտալ ներդրումների ծավալը կազմում է 426 մլն ԱՄՆ դոլար, ակնկալվող մուտքերը պետական բյուջե`մոտ 488 մլն ԱՄՆ դոլար, աշխատատեղերի թիվը շինարարության ընթացքում` 1300, հանքի շահագործման ընթացքում՝ 770: Մինչ օրս իրականացրած սոցիալական զարգացման ծրագրերի մեջ ներդրվել է արդեն 2 մլն ԱՄՆ դոլար, միջազգային չափանիշներով Բնապահպանական և սոցիալական ազդեցության գնահատման հետազոտության համար ծախսվել է 5 մլն ԱՄՆ դոլար: Ամուլսարում վարչապետին ուղեկցում էր նաև Հայաստանում ԱՄՆ դեսպան Ռիչարդ Միլսը: Նա ողջունել է ՀՀ կառավարության՝ ,,Արդյունահանող ճյուղերի թափանցիկության նախաձեռնությանն,, անդամակցելու որոշումը, որը հնարավորություն կտա ապահովել ավելի մեծ հասարակական թափանցիկություն հանքարդյունաբերության ոլորտում և կնպաստի այս ճյուղի կայուն զարգացմանը: Վայոց ձորի աշխատանքային այցի հաջորդ օրը կառավարության ղեկավարն այցելել է Ջերմուկում գտնվող թիվ 2 արվեստի դպրոց և ,,Զատիկ,, մանկապարտեզ, ծանոթացել վերանորոգման աշխատանքների արդյունքներին: Համայնքային զարգացման այս երկու ծրագիրն իրականացվում է ,,Լիդիան ինթերնեյշնլ,, ընկերության կողմից կորպորատիվ սոցիալական պատասխանատվության ծրագրի շրջանակում: Այցի ավարտին վարչապետը հանդիպել է Վայոց ձորի մարզի երեք քաղաքների՝ Ջերմուկի, Եղեգնաձորի ու Վայքի ղեկավարներին, քննարկել քաղաքների զարգացման առաջիկա ծրագրերն ու հետագա անելիքները: Աղբյուրը՝ gov.am, 16.08.2015 Նշենք, որ Վայոց ձորի մարզ այցի ժամանակ ՀՀ վարչապետ Հովիկ Աբրահամյանին ուղեկցել է ՀՀ Վայոց ձորի մարզպետ Հարություն Սարգսյանը:
Կայացավ քաղաքացիների 2015 թվականի օգոստոս ամսվա ընդունելությունը 17.08.2015
2015 թվականի օգոստոսի 14-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ քաղաքացիների հերթական ընդունելությունը: Ընդունելության համար ցուցակագրվել էր 119 քաղաքացի, բոլորն էլ եկել էին ընդունելության: Դրամական աջակցության խնդրանքով դիմել էին 119 քաղաքացիներ, որոնց խնդրանքը բավարարվեց: 1 քաղաքացի դիմել էր աշխատանքի տեղավորման հարցով, 1-ը` հարևանից բողոքելու, իսկ 1 հոգի՝ մեքենայի առք ու վաճառքի հարցով: Նշված հարցերով դիմած քաղաքացիների կողմից բարձրացված հարցերին լուծում տալու նպատակով հանձնարարություններ տրվեցին մարզպետարանի աշխատակազմի համապատասխան ստորաբաժանումների ղեկավարներին՝ ուսումնասիրել, օրենքով սահմանված կարգով և նախատեսված ժամկետներում պատասխանել ընդունելության եկած քաղաքացիներին:
Աշխատանքային խորհրդակցություն 17.08.2015
Օգոստոսի 17-ին, ՀՀ Վայոց ձորի մարզպետ Հարություն Սարգսյանը, մարզպետի տեղակալի, մարզպետի խորհրդականի, մարզպետարանի աշխատակազմի ղեկավարի և ստորաբաժանումների պետերի մասնակցությամբ անցկացրեց հերթական գործակարգավարական խորհրդակցությունը: Մինչ խորհրդակցությունն սկսելը մարզպետը աշխատակազմի ՏԻ և ՀԳՄ վարչության պետ Նորայր Սիմոնյանին շնորհավորեց ծննդյան օրվա կապակցությամբ, մաղթեց առողջություն, անձնական երջանկություն և աշխատանքային հաջողություններ: Մինչ օրակարգային հարցերին անցնելը մարզպետը նշեց, որ Վայոց ձորի մարզ կատարած այցի շրջանակում ՀՀ վարչապետ Հովիկ Աբրահամյանը շաբաթ օրը՝ օգոստոսի 15-ին, հանդիպում է ունեցել Վայքի բնակիչների հետ, այնուհետ այցելել է Գնդեվազ համայնքում գործող ,,Էկոֆարմ,, ՍՊԸ: Խոշոր եղջերավոր կենդանիների բուծման, հում կաթի և պանրի արտադրության համար նախատեսված անասնապահական այս համալիրը հիմնադրվել է 2013 թ. սեպտեմբերին և հիմնականում ունի կաթի արտադրության ուղղվածություն: ,,Էկոֆարմ,, ՍՊԸ-ն ունի 15 մշտական և 45 սեզոնային աշխատող: Մարզպետը նշեց, որ Հովիկ Աբրահամյանը շրջայց է կատարել Ամուլսարի ոսկու ծրագրի իրականացման վայրում, որտեղ կառավարության ղեկավարին մանրամասներ են ներկայացրել ծրագրի ներկա փուլի, Բնապահպանական և սոցիալական ազդեցության գնահատման ընթացքի, պլանավորվող ներդրումների և ծրագրի շինարարական ու գործառնական փուլում ստեղծվելիք աշխատատեղերի վերաբերյալ: Շինարարական աշխատանքների ընթացքում կբացվի 1300, աշխատատեղ, իսկ հանքի շահագործման ընթացքում՝ 770: Ներկայացվել է, որ ինչ օրս իրականացրած սոցիալական զարգացման ծրագրերի մեջ ներդրվել է արդեն 2 մլն ԱՄՆ դոլար, միջազգային չափանիշներով Բնապահպանական և սոցիալական ազդեցության գնահատման հետազոտության համար ծախսվել է 5 մլն ԱՄՆ դոլար: Ամուլսարում վարչապետին ուղեկցում էր նաև Հայաստանում ԱՄՆ դեսպան Ռիչարդ Միլսը: Մարզպետը նշեց, որ օգոստոսի 16-ին վարչապետը հանդիպել է մարզի քաղաքային Ջերմուկ, Վայք, Եղեգնաձոր համայնքների ղեկավարների հետ և քննարկել քաղաքների զարգացման ծրագրերն ու առաջիկա անելիքները և հավելեց, որ գյուղական համայնքների զարգացման ծրագրերի մասին քննարկում եղել էր նախորդ շաբաթ Վայոց ձորի մարզ վարչապետի այցելության ընթացքում: Մարզպետարանի աշխատակազմի քաղաքաշինության վարչության պետ Ազատ Հովսեփյանը տեղեկացրեց, որ ընթացքի մեջ են մարզում հրատապ խնդիրների լուծման նպատակով ՀՀ Նախագահի հանձնարարությամբ ՀՀ կառավարության կողմից մարզին հատկացված 300մլն. դրամի շրջանակում իրականացվելիք ծրագրերի նախագծանախահաշվային փաստաթղթերի մշակման աշխատանքները: Մարզպետը հանձնարարեց՝ ամենօրյա ուշադրություն դարձնել նշված ծրագրերի իրականացման ընթացքում առաջացած խնդիրների արագ լուծմանը: Այնուհետև քննարկվեցին մարզում վերջին մեկ շաբաթվա ընթացքում կատարված աշխատանքները: Նախորդ շաբաթվա կատած աշխատանքների հաշվետվությամբ հանդես եկան նաև աշխատակազմի վարչությունների և բաժինների ղեկավարները: Ոլորտային խնդիրների լուծման նպատակով ստորաբաժանումների ղեկավարները մարզպետի կողմից ստացան համապատասխան հանձնարարություններ:
ՍԲ. ԱՍՏՎԱԾԱԾՆԻ ՎԵՐԱՓՈԽՄԱՆ ԵՎ ԽԱՂՈՂՕՐՀՆԵՔԻ ՏՈՆ՝ ՆՈՐԱՎԱՆՔՈՒՄ 17.08.2015
http://vayotsdzoritem.com/2015/08/16/
