Տեղեկատվական կենտրոն
Նորություններ
Ավարտվեց ՌԴ Արխանգելսկի մարզի մանկատան սաների ացը ՀՀ Վայոց ձորի մարզ 02.07.2015
Ինչպես հայտնի է, ՌԴ Արխանգելսկի մարզի կառավարության և ՀՀ Վայոց ձորի մարզպետարանի միջև ստորագրված առևտրատնտեսական, գիտատեխնիկական և հումանիտար համագործակցության համաձայնագրի շրջանակներում, հունիսի 25-ից հուլիսի 2-ը փոխադարձ այցով Վայոց ձորի մարզում էին Արխանգելսկի մարզի մանկատան սաները: Մանկատան սաներն իրենց հանգիստն անցկացրել են Ջերմուկի "Արարատ" մոր և մանկան առողջարանում: Երեխաները, համապատասխան բժշկական զննում անցնելուց հետո, ընդունել են նաև բուժման կուրսեր: Հունիսի 26-ից 28-ը երեխաների համար կազմակերպվել են շրջայցեր Ջերմուկի տեսարժան վայրեր: Երեխաներն այցելել են Գնդեվանք միջնադարյան եկեղեցական համալիր և Սբ. Գայանե եկեղեցի: Հատկանշական է, որ Սբ. Գայանե եկեղեցում, երեխաների այցի ժամանակ, Ջերմուկի տարածաշրջանի հոգևոր հովիվ Տեր Գալուստ քահանա Սահակյանի առաջնորդությամբ մկրտության կարգ էր անցկացվում և երեխաները հնարավություն ստացան ծանոթանալու Հայ Առաքելական Եկեղեցում անցկացվող մկրտության կարգին: Երեխաներն այցելել են նաև "Ջրահարսի վարսեր" Ջերմուկի մեծ ջրվեժ, Ջերմուկի ճոպանուղի, ինչպես նաև եղել են Կեչուտի ջրամբարում: Հունիսի 30-ին, ՀՀ Վայոց ձորի մարզպետի խորհրդական Վասիլ Ասլանյանի ուղեկցությամբ, երեխաներն այցելել են Նորավանքի վանական համալիր, որտեղ հանդիպեցին Նորավանքի հոգևոր հովիվ տեր Սահակ քահանա Մարտիրոսյանին: Երեխաները ստացան Տեր Սահակի օրհնությունը, իսկ որպես Նորավանք կատարած այցի հիշատակ` Դադիվանքը և Նորավանքը պատկերող լուսանկարներ: Երեխաները եղել են նաև մարզկենտրոն Եղեգնաձորում և այցելել են Եղեգնաձորի երկրագիտական թանգարան: Այնուհետև երեխաները մեկնել են Մալիշկայի համայնք` Մ.Վ. Լոմոնոսովի անվան թիվ 2 միջնակարգ դպրոցի տնօրինության և աշակերտների կողմից կազմակերպված միջոցառմանը մասնակցելու համար: Հարկ է նշել, որ միջոցառումը նվիրված էր Մ.Վ. Լոմոնոսովին: Մանկատան սաների համար կազմակերպված համերգը համեմված էր ռուսական և հայկական ժողովրդական երգերով և հետաքրքրաշարժ խաղերով: Հուլիսի 1-ին երեխաներն այցելել են Ջերմուկի պատկերասրահ, որտեղ ցուցադրված են հայկական կերպարվեստի նորագույն շրջանի շուրջ 100 գեղանկարներ և քանդակներ: Պատկերասրահում երեխաները ներկայացրել են իրենց ուժերով պատրաստված փոքրիկ համերգային ծրագիր: Հարկ է նշել, որ երեխաները տպավորված են իրենց Հայաստան կատարած այցից, որի ընթացքում հնարավորություն է ընձեռնվել ծանոթանալու հայկական մշակույթին, արվեստին և պատմությանը: Այսօր` հուլիսի 2-ին, երեխաները կվերադառնան ՌԴ Արխանգելսկի մարզ:
Հանրային քննարկում <<Բարձրավոլտ էլեկտրացանցեր>> ՓԲԸ-ի կողմից իրականացվող ծրագրի շրջանակներում 02.07.2015
Հուլիսի 2-ին ՀՀ Վայոց ձորի մարզպետարանի նիստերի դահլիճում տեղի ունեցավ հանրային քննարկում "Բարձրավոլտ էլեկտրացանցեր" ՓԲԸ-ի կողմից իրականացվող "Հրազդանից Շինուհայր միջանցքի էլեկտրահաղորդման գծի վերակառուցման ծրագրի" երրորդ հատվածի վերաբնակեցման գործունեության պլանի վերաբերյալ` Վայոց ձորի մարզի Գետափ, Աղնջաձոր, Սալլի և Շատին համայնքների ազդակիր անձանց համար: Հանդիպմանը ներկա էին ՀՀ Վայոց ձորի մարզպետ Հարություն Սարգսյանը, մարզպետի տեղակալ Սամվել Թարվերդյանը, "Բարձրավոլտ էլեկտրացանցեր" ՓԲԸ-ի սոցիալական մասնագետ Լուսինե Զաքարյանը, "Հայֆաբ խորհրդատվական ընկերության" տեխնիկական անվտանգության և բնապահպանության հարցերի փորձագետ Միքայել Թևոսյանը, "Կալպատառու" ՓԲԸ-ի սոցիալական մասնագետ Արմինե Պետրոսյանը, "Կալպատառու" ՓԲԸ-ի բնապահպանության և աշխատանքային անվտանգության հարցերի մասնագետ Բասաբ Բանդյոպադիյայը, Վայոց ձորի մարզպետարանի աշխատակազմի համապատասխան ստորաբաժանումների ղեկավարներ և աշխատակիցներ, ինչպես նաև վերոհիշյալ համայնքների ղեկավարները և բնակիչները: Քննարկման ընթացքում ներկայացվեցին էլեկտրահաղորդիչ հենասյուների տեղադրման, կոորդինատների ճշգրտման և բնակիչների անվտանգության ապահովման, ինչպես նաև վնասների փոխհատուցման հետ կապված հիմնախնդիրները: Մարզպետ Հ. Սարգսյանը նշեց, որ սա կարևոր նշանակության պետական ծրագիր է, որի իրականացման ընթացքում պետք է բացառել բնակիչներին սպառնացող վնասները: Գետափ, Աղնջաձոր, Սալլի և Շատին համայնքների բնակիչները քննարկմանը ներկա մասնագետներին ուղղեցին իրենց հուզող այլ հարցեր` ստանալով սպառիչ պատասխաններ և համապատասխան տեղեկատվություն:
Այսօր, հուլիսի 2-ին, ՀՀ Վայոց ձորի մարզպետարանում անցկացվեց ՀՀ Վայոց ձորի մարզի Վայքի տարածաշրջանի Վայք և Զառիթափ փնջերում համայնքների խոշորացման հետ կապված հանրային լսում: Հանդիպմանը ներկա էին ՀՀ Վայոց ձորի մարզպետ Հարություն Սարգսյանը, մարզպետի տեղակալ Սամվել Թարվերդյանը, ՀՀ տարածքային կառավարման և արտակարգ իրավիճակների նախարարության Տեղական ինքնակառավարման վարչության պետ Աշոտ Գիլոյանը, "Համայնքների ֆինանսիստների միավորում" կազմակերպության նախագահ Վահան Մովսիսյանը, GIZ գերմանական կազմակերպության փորձագետներ, Վայոց ձորի մարզի համայնքների ղեկավարները և ավագանիների անդամները: Վահան Մովսիսյանն իր խոսքում նշեց, որ իրականացվող պիլոտային ծրագրի թերություններից մեկը` բնակչության շրջանում իրազեկության պակասն է, որը լրացնելու համար հուլիսի 6-ից մեկնարկում են իրազեկման մակարդակի բարձրացմանն ուղղված հանդիպումներ ՀՀ Վայոց ձորի մարզի բոլոր համայնքների ղեկավարների և բնակիչների հետ: Քննարկման ընթացքում ներկայացվեցին համայնքների խոշորացման գործընթացի առավելությունները և թերությունները, որոնց վերացման համար, ինչպես նշեց մարզպետ Հ. Սարգսյանը, պետք է աշխատել համատեղ ուժերով: Մարզպետը հավելեց նաև, որ մեր հանրապետությունում արդեն իսկ հասունացել է նման փոփոխություններ իրականացնելու պահը:
ՀՀ Վայոց ձորի մարզպետի աշխատանքային այցը Գոմք և Արտավան համայնքներ 01.07.2015
Հուլիսի 1-ին ՀՀ Վայոց ձորի մարզպետ Հարություն Սարգսյանը մարզպետի տեղակալ Սամվել Թարվերդյանի, մարզպետարանի աշխատակազմի ՏԻ և ՀԳՄ հարցերով վարչության պետ Նորայր Սիմոնյանի ուղեկցությամբ այցելել է Գոմք և Արտավան համայնքներ: Մարզպետը և աշխատանքային խմբի անդամները Գոմք համայնքի ղեկավար Մխիթար Հովհաննիսյանի հետ միասին այցելեցին համայնքապետարան, որտեղ հանդիպում կայացավ գյուղի բնակիչների հետ: Հանդիպման ընթացքում բնակիչները ներկայացրեցին համայնքում առկա խնդիրները, մասնավորապես` խմելու և ոռոգման ջրագծերի ներքին ցանցի վերանորոգման, միջհամայնքային ճանապարհի բարեկարգման, գյուղ.տեխնիկայի ձեռքբերման և համայնքի դպորցի վերանորոգման հետ կապված: Արտավան համայնքում ևս բարձրացվեցին միջհամայնքային ճանապարհի բարեկագման և գյուղ.տեխնիկայի ձեռքբերման հարցերը: Համայնքի բնակիչները խոսեցին գյուղի բուժ.կետում խմելու ջրի խնդրի և դպրոցի համար նոր գույքի ձեռքբերման անհրաժեշտության մասին: Մարզպետը համայնքի բնակչության ուշադրությունը հրավիրեց այն հանգամանքի վրա, որ համայնքի բնակիչները պետք է իրենք փորձեն լուծում տալ համայնքային հիմնախնդիրներին: Հարություն Սարգսյանը հավելեց նաև, որ բնակչության կողմից բարձրացված խնդիրները կքննարկվեն մարզային իշխանությունների կողմից և կընդգրկվեն առաջիկա տարիների մարզի զարգացման ծրագրերում:
Տեղի կունենա ՀՀ Վայոց ձորի մարզխորհրդի հերթական նիստը 30.06.2015
2015 թվականի հուլիսի 7-ին, ժամը՝ 11.00-ին, ՀՀ Վայոց ձորի մարզպետարանի նիստերի դահլիճում տեղի կունենա ՀՀ Վայոց ձորի մարզխորհրդի հերթական նիստը, հետևյալ օրակարգով՝
ՀՀ Վայոց ձորի մարզպետն անցելել է Եղեգնաձորի ռելեյի գործարան 30.06.2015
ՀՀ Վայոց ձորի մարզպետ Հարություն Սարգսյանը մարզպետի տեղակալ Սամվել Թարվերդյանի ուղեկցությամբ աշխատանքային այցով Եղեգնաձորի ռելեյի գործարանում էր: Աշխատանքային այցի հիմնական նպատակը գործարանի աշխատաքներին ծանոթանալն էր: Այցի ընացքում մարզպետ Հ. Սարգսյանը շրջեց գործարանի արտադրամասերով և ծանոթացավ գործարանի աշխատանքային պայմաններին: Տեղեկացնենք, որ գործարանն ունի 150 աշխատակից: Գործարանի տնօրեն Ռաֆիկ Գրիգորյանի տեղեկությամբ գործարանն ունի մոտ 165 արտադրատեսակ, իսկ մոտ ապագայում ծրագրվում է նաև այլ արտադրատեսակների արտադրություն: Ռ. Գրիգորյանը նշեց, որ գործարանի ողջ արտադրանքը արտահանվում է Ռուսաստանի Դաշնություն: Այս կապակցությամբ Վայոց ձորի մարզպետ Հ. Սարգսյանը նշեց, որ ՀՀ Վայոց ձորի մարզի և ՌԴ Նիժնի Նովգորոդի նահանգի միջև 19.04.2011թվականին ստորագրվել է առևտրատնտեսական, գիտատեխնիկական և հումանիտար ոլորտներում համագործակցության համաձայնագիր: Սա կարող է հնարավորություն ընձեռել գործարանին արտահանման և շուկայի ծավալների ընդլայնման համար, ինչն իր հերթին կնպաստի աշխատատեղերի ավալեցմանը և բնակչության որոշակի զանգվածի զբաղվածության խնդրի լուծմանը: Մարզպետը հավելեց, որ մարզային իշխանությունները պատրաստ են համագործակցել և առաջակցել գործարանի աշխատանքներին` առավել արդյունավետ գործունեություն ծավալելու նպատակով: Տեղեկացնենք, որ գործարանն ունի ավելի քան 500 աշխատատեղի ներուժ: