Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

   Քննարկում  ՀՀ Վայոց ձորի մարզպետի աշխատակազմում

Քննարկում ՀՀ Վայոց ձորի մարզպետի աշխատակազմում 29.03.2024

Վայոց ձորի մարզպետի աշխատակազմում մարզպետ Կ․ Միքաելյանը ընդունեց ՀՀ ԱՆ > ՊՈԱԿ-ի տնօրեն Ա․ Բալոյանին։ Հանդիպում-քննարկմանը մասնակցում էին մարզպետի աշխատակազմի առողջապահության և սոցիալական ոլորտի հարցերի վարչության պետ Վ․ Ասլանյանը, մարզի բժշկական հաստատությունների տնօրեններ, այլ շահագրգիռ անձինք։ Գործընթացի առանձնահատկությունները ներկայացրեց Ա․ Բալոյանը՝ անդրադառնալով > համակարգում հումանիտար և կենտրոնացված դեղորայքի մուտքագրման, բաշխման, բաշխումների հաշվետվությունների, դեղորայքի և բժշկական նշանակության ապրանքների մատակարարման, կազմակերպչական խնդիրներին։

Տեղի կունենա Եղեգիս համայնքի  ավագանու  հերթական նիստը

Տեղի կունենա Եղեգիս համայնքի ավագանու հերթական նիստը 27.03.2024

Տեղեկացնում ենք , որ 2024 թվականի մարտի 29-ին՝ ժամը 15։00-ին, Շատինի միջնակարգ դպրոցում տեղի կունենա Եղեգիս համայնքի ավագանու հերթական նիստը։ Նիստի օրակարգին կարող եք ծանոթանալ այս հղումով։

Հայտարարություն

Հայտարարություն 26.03.2024

PFP (Professional Fellows Program) կառավարման եւ պետական քաղաքականության մշակման գործընթացում ընդգրկված երիտասարդ մասնագետների վերապատրաստման ծրագիրը հովանավորում է ԱՄՆ-ի Պետքարտուղարության կրթական եւ մշակութային գործերի բաժինը: Հայաստանում PFP ծրագիրն իրականացնում է Միջազգային կրթության ամերիկյան խորհուրդներ (Ամերիկյան խորհուրդներ) կազմակերպությունը: PFP-ն հնարավորություն է ընձեռում երիտասարդ մասնագետներին ծանոթանալու եւ գործնական փորձ ձեռք բերելու ԱՄՆ-ի կառավարման մարմիններում: PFP-ն ծրագիր է պետական սեկտորում եւ ՀԿ-ներում ընդգրկված մասնագետների համար, որոնք ներգրավված են հանրային քաղաքականություն մշակելու և օրենսդրություն ձևավորելու գործընթացում։

Խորհրդակցություն Առողջության առաջնային պահպանման կենտրոնների տնօրենների մասնակցությամբ

Խորհրդակցություն Առողջության առաջնային պահպանման կենտրոնների տնօրենների մասնակցությամբ 22.03.2024

ՀՀ Վայոց ձորի մարզպետի աշխատակազմում մարզպետ Կ․ Միքաելյանի գլխավորությամբ անցկացվեց խորհրդակցություն մարզում գործող Առողջության առաջնային պահպանման կենտրոնների տնօրենների մասնակցությամբ։ Խորհրդակցությանը մասնակցում էին նաև մարզպետի աշխատակազմի ոլորտային պատասխանատուները։ Մարզպետ Կ․ Միքաելյանը ներկայացրեց խորհրդակցության նպատակը, այն է՝ ՀՀ կառավարության համապատասխան որոշումների պահանջների կատարմանն ուղղված մարզերում առողջապահական ոլորտի բարեփոխումներին միտված գործողությունների շրջանակներում քննարկել ԱԱՊԿ-ների կազմակերպաիրավական կարգավիճակի փոփոխության, դրանից բխող ընթացակարգերի և գործողությունների ժամկետների պահպանման վերաբերյալ հարցերը՝ ակնկալելով ակտիվ և կառուցողական քննարկում։

<<Հայաստանի ազգային արահետ>>-ը կընդգրկի նաև Վայոց ձորի մարզը

<<Հայաստանի ազգային արահետ>>-ը կընդգրկի նաև Վայոց ձորի մարզը 22.03.2024

Oրերս ՀՀ Վայոց ձորի մարզպետի աշխատակազմում մարզպետի տեղակալ Արսեն Խաչատրյանն ընդունեց > ծրագրի ներկայացուցիչներին։ Տեղեկատվական հանդիպմանը ներկա էին մարզպետի աշխատակազմի զարգացման ծրագրերի մշակման և իրականացման բաժնի աշխատակիցները, ներկայացուցիչներ համայնքներից։ Ծրագրի համաձայն՝ > կձգվի Ախթալայից մինչև Մեղրի՝ անցնելով 108 գյուղերով և կազմելով 954 կմ։Այն կկառուցվի 4 տարում՝ ընդգրկելով և՛ հին, և՛ նոր արահետներ։ Ծրագրի ներկայացուցիչները նշեցին, որ ծրագրի նպատակն է կառուցել արահետներ և զարգացնել Հայաստանում քայլարշավային տուրիզմը:

Մեկնարկեց սպորտլանդիայի 2-րդ փուլը

Մեկնարկեց սպորտլանդիայի 2-րդ փուլը 22.03.2024

Մարտի 21-ին Վայոց ձորի մարզում՝ Եղեգնաձորի մանկապատանեկան մարզադպրոցում, մեկնարկեց > 2-րդ՝ համայնքային փուլը /Եղեգնաձորի տարածաշրջան/։ 1-3-րդ դասարանների աշակերտների սպորտլանդիային մասնակցել է 12 թիմ՝ 120 աշակերտ։ Մարտի 22-ին 4-6-րդ դասարանների աշակերտների սպորտլանդիային մասնակցել է 14 թիմ՝ 140 աշակերտ։ Ապրիլի 2-3-ը շարունակվելու է 2-րդ՝ համայնքային փուլը Վայքի տարածաշրջանի թիմերի համար։ Նշենք, որ մինչ այդ մարզի դպրոցներում անցկացվել էր սպորտլանդիայի 1-ին փուլը։Նախատեսվում է նաև 3-րդ՝ մարզային և 4-րդ՝ եզրափակիչ փուլերի անցկացում։

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-07-16 09:47:59