Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի կունենա Եղեգնաձոր համայնքի ավագանու հերթական նիստը 09.10.2023
Տեղեկացնում ենք, որ 2023 թվականի հոկտեմբերի 13-ին՝ ժամը 18։00-ին, Եղեգնաձորի համայնքապետարանում տեղի կունենա համայնքի ավագանու հերթական նիստը։ Նիստի օրակարգին կարող եք ծանոթանալ հետևյալ հղմամբ։
ՀՀ Վայոց ձորի մարզպետ Արարատ Գրիգորյանի նախաձեռնությամբ Վայոց ձորի մարզպետի աշխատակազմում ձևավորված աշխատանքային խմբերի անդամները հոկտեմբերի 7-ին և 8-ին հանդիպեցին մարզում բնակվող Լեռնային Ղարաբաղից բռնի տեղահանված անձանց հետ։ Ջերմուկ, Վայք, Արենի,Գետափ, Վերնաշեն, Ագարակաձոր, Գլաձոր բնակավայրերում նրանք մեր հայրենակիցներին համապարփակ կերպով ներկայացրեցին պետական աջակցության բոլոր ծրագրերը, որոնք նպատակաուղղված են Լեռնային Ղարաբաղից բռնի տեղահանված անձանց տարաբնույթ խնդիրների լուծմանը՝ առողջական, կրթական, ֆինանսական, աշխատանքի տեղավորման և այլն, բաժանեցին համապատասխան տեղեկատվական թերթիկներ, ուղղորդեցին հետագա անելիքների կազմակերպման առումով։
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Գրադարանավարի օրվա առթիվ 07.10.2023
Հարգելի՛ գրադարանավարներ, ջերմորեն շնորհավորում եմ ձեզ մասնագիտական տոնի՝ Գրադարանավարի օրվա առթիվ: Օրը մեկ անգամ ևս առիթ է նորից վերահաստատելու հայ ժողովրդի՝ դարերի խորքից եկող առանձնահատուկ ակնածանքը գրի և դպրության, գրքի և գիտելիքի հանդեպ, հիշելու, որ մեր նախնիները վայրի ցեղեր և քոչվորներ չէին, և նրանց ստեղծած հոգևոր-մշակութային արժեքներն «առաջ էին ընկնում» իրենց հեծելագնդերից, տարածվում, սփռվում աշխարհով մեկ... Եվ այդ հայապահպան գործում անգնահատելի են ոչ միայն գիրք ստեղծողի, այլև այն պահպանողի և սերունդներին փոխանցողի, գրքի նկատմամբ սեր ու հարգանք սերմանողի դերն ու առաքելությունը:
Ջերմուկ համայնքի վարչական տարածքում գտնվող հողամասերը վարձակալության և (կամ) կառուցապատման իրավունքով տրամադրելու նպատակով մրցույթների կազմակերպման մրցութային հանձնաժողովը հայտարարում է համայնքային սեփականություն հանդիսացող հողամասի վարձակալության իրավունքի տրամադրման բաց մրցույթ։ Մրցույթը կկայանա ս/թ հոկտեմբերի 31-ին՝ ժամը 15։00–ին, Ջերմուկի համայնքապետարանում՝ ք․ Ջերմուկ, Մյասնիկյան 8 հասցեում։
Ջերմուկի համայնքապետարանը հայտարարում է հողամասերի դասական աճուրդով վաճառք 06.10.2023
Ջերմուկի համայնքապետարանի՝ համայնքի տարածքում հողերի օտարման աճուրդային հանձնաժողովը հայտարարում է հետևյալ հողամասերի դասական աճուրդով վաճառք։ Աճուրդը կկայանա 2023 թվականի հոկտեմբերի 31-ին ժամը 11.00-ին, համայնքապետարանի 2-րդ հարկի նիստերի դահլիճում՝ ք․ Ջերմուկ, Մյասնիկյան 8 հասցեում: Հայտերի ընդունումը դադարեցվում է աճուրդից 3 աշխատանքային օր առաջ:
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Ուսուցչի օրվա առթիվ 05.10.2023
Սիրելի՛ ուսուցիչներ, կրթության ոլորտի նվիրյալներ, խորին ակնածանքով և առանձնակի ջերմությամբ շնորհավորում եմ ձեզ մասնագիտական տոնի առթիվ։ Այս տոնը միշտ էլ նշել ենք երախտագիտության անսահման զգացումով, որովհետև բոլոր ժամանակներում էլ անգնահատելի և բացառիկ են եղել ձեր դերն ու ավանդն ամուր պետության, առողջ հասարակության կերտման գործում։ Դուք եք կամրջում հասարակության երկու կարևոր օղակ՝ դպրոց և ընտանիք՝ ձեր ուսերին վերցնելով պետության և հասարակության համար մարդկային լավագույն որակներով և բարձր արժեքներով սերնդի կրթության և դաստիարակության լրջագույն պատասխանատվությունը։
