Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Վահագն Արսենյանի ուղերձը Հայոց ցեղասպանության 111-րդ տարելիցի կապակցությամբ
24.04.2026
Սիրելի՛ հայրենակիցներ, այսօր մենք ոգեկոչում ենք 1915 թվականի Հայոց ցեղասպանության՝ Մեծ եղեռնի զոհերի հիշատակը։
Ապրիլի 24-ը հայ ժողովրդի պատմության ամենացավալի էջերից է, ողբերգություն, որը վերապրում են նաև հաջորդ սերունդները, իրադարձություններ, որոնք խոր հետք են թողել մեր պատմության վրա։
Ապրիլի 24-ը ոչ միայն զոհերի հիշատակին հարգանքի տուրք մատուցելու և խոնարհվելու, այլև բազմաթիվ հարցերի շուրջ խորհելու, ազգային գաղափարների շուրջ միավորվելու, պատմության դասերը գնահատելու, հետևություններ անելու և անցյալի կրկնությունը թույլ չտալու խորհուրդ ունի։
Այն ցավից կորացած մեջքն ուղղելու, ոտքի կանգնելու, աներևակայելի ուժով համախմբվելու և հավատով առաջ քայլելու խորհուրդ ունի։
Ազգի կենսունակության և հարատևության երաշխիքները պետք է լինեն նաև խաղաղությունն ու անվտանգությունը, առկա մարտահրավերներին ողջամտորեն դիմագրավելը, ավելի ապահով և կայուն ապագա կերտելը, ուստի ընտրենք այն ճանապարհը, որը կտանի մեզ դեպի այդ նպատակների իրականացումը։
Փա՛ռք նահատակներին, կեցցե՛ Հայաստանի Հանրապետությունը։
