Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Վահագն Արսենյանի շնորհավորական ուղերձը Քաղաքացու օրվա առթիվ
25.04.2026
Սիրելի՛ հայրենակիցներ, այսօր նշում ենք Քաղաքացու օրը, ինչի առիթով շնորհավորում եմ բոլորիս:
Մեր տոնացույցի այս խորհրդանշական օրը մեկ անգամ ևս պետության և հասարակական կյանքի տարբեր ոլորտներում քաղաքացու անառարկելի դերի արժևորման և գնահատման, վերահաստատման և բարձրացման, քաղաքացի-պետություն հարաբերությունների ամրապնդման մասին է:
Քաղաքացու ներգրավվածությունը, վճռորոշ ձայնը, կամարտահայտման ազատ իրավունքը առանցքային նշանակություն ունեն ներդաշնակ ու համերաշխ հասարակություն, ապահով և կայուն զարգացող պետություն կերտելու ճանապարհին:
Քաղաքացու իրավունքների պաշտպանությունը, պարտականությունների լիարժեք կատարումը, քաղաքացիական բարձր պատասխանատվության գիտակցումը, պետականամետ մտածողությունը այն հիմնասյուներն են, որոնց շնորհիվ հնարավոր է ապահովել առաջընթաց և բարեկեցություն:
Մաղթում եմ բոլորիս խաղաղություն և միասնականություն, ջանք ու եռանդ հայրենաշեն նախաձեռնություններում:
Տո՛նդ շնորհավոր, ՀՀ քաղաքացի:
