Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եղեգիսի համայնքապետարանը հայտարարում է աճուրդ համայնքային սեփականություն հանդիսացող հողի համար 08.12.2023
2024 թվականի հունվարի 10-ին՝ ժամը 11:30-ին, Հայաստանի Հանրապետության Վայոց ձորի մարզի Եղեգիսի համայնքապետարանի շենքում կկայանա աճուրդ Եղեգիս համայնքի վարչական սահմաններում գտնվող համայնքային սեփականություն հանդիսացող հողի համար (կառուցապատման նպատակով)՝ Վարդահովիտ գյուղի վարչական սահմաններում գտնվող բնակավայրերի նշանակության այլ հողատեսք, մակերեսը՝ 0,27331 հա։ Հայտարարության ամբողջական տեքստին կարող եք ծանոթանալ հետևյալ հղումով։
ՀՀ ՏԿԵ նախարար Գնել Սանոսյանը ներկայացրեց ՀՀ Վայոց ձորի նորանշանակ մարզպետ Կոլյա Միքաելյանին 08.12.2023
ՀՀ ՏԿԵ նախարար Գնել Սանոսյանը, շնորհավորելով Կոլյա Միքաելյանին, հույս հայտնեց, որ նորանշանակ մարզպետի աշխատանքային փորձը, գիտելիքները, կարողությունները, մարզի խնդիրներին քաջատեղյակ լինելը կնպաստեն նրա՝ նոր աշխատանքին արագ ինտեգրմանը, մարզը արդյունավետ կառավարելուն, մարզի զարգացման ծրագրերի շարունակականության ապահովմանը։ Կոլյա Միքաելյանը շնորհակալություն հայտնեց վստահության համար՝ նշելով, երկար տարիներ աշխատելով Վայոց ձորում՝ տիրապետում է մարզի խնդիրներին, ինչը հնարավորություն կտա գտնել դրանց լուծման համար լավագույն տարբերակները։
ՀՀ Վայոց ձորի մարզպետ Արարատ Գրիգորյանի խոսքը պաշտոնավարման ավարտի կապակցությամբ 07.12.2023
Հարգելի՛ վայոցձորցիներ, գործընկերներ, բարեկամներ Ավարտելով իմ աշխատանքային գործունեությունը Վայոց ձորի մարզպետի պաշտոնում՝ ցանկանում եմ երախտագիտությունս հայտնել Հայաստանի Հանրապետության վարչապետին բարձր վստահության, գործադիր և օրենսդիր մարմինների գործընկերներին, դիվանագիտական և միջազգային կառույցների ներկայացուցիչներին արդյունավետ և կառուցողական աշխատանքի համար, ինչպես նաև մարզպետի աշխատակազմի ողջ անձնակազմին, ուժային կառույցների մարզային պատասխանատուներին, ...
Ջերմուկ համայնքի վարչական տարածքում գտնվող հողամասերը վարձակալության և (կամ) կառուցապատման իրավունքով տրամադրելու նպատակով մրցույթների կազմակերպման մրցութային հանձնաժողովը Ջերմուկ համայնքի Գնդեվազ գյուղում գտնվող 1,31 հա, մակերեսով գյուղատնտեսական նշանակության հողամասը (հողատեսքը՝ արոտավայր) գյուղատնտեսական գործունեություն իրականացնելու (որպես արոտավայր) նպատակով, 10 տարի ժամկետով, վարձակալության իրավունքով տրամադրելու նպատակով հայտարարում է բաց մրցույթ, որը կկայանա 2024 թվականի հունվարի 5-ին, ժամը 11:00–ին, Ջերմուկի համայնքապետարանում՝ ք․ Ջերմուկ, Մյասնիկյան 8 հասցեում։
Վայոց ձորի մարզում նոյեմբեր ամսին գրանցված ծնունդների մասին տեղեկատվություն 06.12.2023
Տեղեկատվություն ՀՀ Վայոց ձորի մարզի ծննդօգնություն իրականացնող բուժհաստատություններում 2023 թվականի նոյեմբեր ամսին գրանցված ծնունդների վերաբերյալ
Վայոց ձորի մարզպետ Արարատ Գրիգորյանն ընդունեց ՀՀ ԿԳՄՍ նախարարի տեղակալ Դանիել Դանիելյանին 04.12.2023
Դեկտեմբերի 1-ին մարզպետ Արարատ Գրիգորյանն ընդունեց ՀՀ Կրթության, գիտության, մշակույթի և սպորտի նախարարի տեղակալ Դանիել Դանիելյանին: Այցի նպատակն էր տեղում քննարկել մարզերում մշակութային քաղաքականության խնդիրները, ծանոթանալ մշակութային տների, գրադարանների, երիտասարդական կենտրոնների գործունեությանը և շենքային պայմաններին: Շրջայցի շրջանակներում մարզպետ Արարատ Գրիգորյանն ու նախարարի տեղակալ Դանիել Դանիելյանն այցելեցին Եղեգնաձորի մշակույթի կենտրոն, Եղեգնաձորի երաժշտական դպրոց, Վայոց ձորի մարզային գրադարան:
