Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
<<Մաքուր Վայոց ձոր>>․ մաքրման և բարեկարգման աշխատանքներ մարզում
26.04.2026
Ապրիլի 26-ին Վայոց ձորի մարզում անցկացվեց <<Մաքուր Վայոց ձոր․ մաքրությունը սկսվում է մեր բակից, մեր փողոցից, մեր բնակավայրից ․․․>> խորագրով միջոցառում, որի ընթացքում մարզում իրականացվեցին համընդհանուր մաքրության աշխատանքներ։
Վայոց ձորի մարզում գործող պետական և մասնավոր հատվածների կազմակերպությունները, տեղական ինքնակառավարման մարմինները, անհատները միացել էին այս համամարզային նախաձեռնությանը՝ մաքրելով իրենց կազմակերպության, հիմնարկ-ձեռնարկության հարակից հատվածները, հասարակական նշանակության վայրերը։
Միջոցառման շրջանակներում բոլոր համայնքներում իրականացվել են այգիների, պուրակների, ճանապարհների հարակից տարածքների, կրթական, մշակութային, մարզական, առողջապահական, հիմնարկների տարածքների, պատմամշակութային և զբոսաշրջային վայրերի մաքրման և բարեկարգման աշխատանքներ:
Համախմբվածություն և ակտիվություն, համընդհանուր ջանքեր և կազմակերպչական բարձր մակարդակ , մեծ ոգևորություն և բարձր պատասխանատվություն ․այս մթնոլորտում է անցել համընդհանուր մաքրության աշխատանքներ Վայոց ձորի մարզում։
Եկեք մաքրենք և մաքուր պահենք մեր երկիրը, մարզը, համայնքը, բնակավայրը․․․
