Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Հայտարարություն ՀՀ Վայոց ձորի մարզպետարանում քաղաքացիների ընդունելության օրը փոխելու մասին 09.10.2018

Հայտնում ենք, որ հարգելի պատճառով (Ֆրանկոֆոնիայի գագաթաժողովի միջոցառումներով պայմանավորված ՀՀ-ում հոկտեմբերի 12-ը ոչ աշխատանքային օր է հայտարարված ), ՀՀ Վայոց ձորի մարզպետարանում քաղաքացիների հոկտեմբեր ամսվա ընդունելությունը ս/թ հոկտեմբեր 12-ի փոխարեն տեղի կունենա հոկտեմբերի 19-ին, ժամը՝ 14:00-ին: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:

Գրադարանավարի օրվան նվիրված միջոցառում՝  Վայոց ձորի մարզային գրադարանում

Գրադարանավարի օրվան նվիրված միջոցառում՝ Վայոց ձորի մարզային գրադարանում 08.10.2018

Վայոց ձորի մարզային գրադարանում կազմակերպվել էր Գրադարանավարի օրվան նվիրված միջոցառում՝ խորագրով: Միջոցառումը կազմակերպել էր գրադարանի մանկական բաժինը (բաժնի պետ՝ Ջեմա Մարզգարյան), Եղեգնաձորի թիվ 1 հիմնական դպրոցի 8-րդ բ դասարանի աշակերտների ուժերով: Միջոցառուման սկզբում մասնակիցները մեկ րոպե լռությամբ հարգեցին մեծանուն շանսոնյե Շառլ Ազնավուրի հիշատակը: Ներկայացվեց մարդկային բարձր արժեքները, որպես Մարդ-էակին բնութագրող հրաշալիքներ: Միջոցառման ավարտին շնորհակալական խոսք ասացին մարզային գրադարանի տնօրեն Ռոզա Լևոնյանը, Եղեգնաձորի թիվ 1 հիմնական դպրոցի 8-րդ բ դասարանի դասղեկ Կարինե Մովսիսյանը և Վայոց ձորի մարզպետարանի ՏՀԿ բաժնի պետ Սոնա Մարգարյանը:

Խորհրդակցություն ՀՀ Վայոց ձորի մարզպետի ժամանակավոր պաշտոնակատար Նանե Ասատրյանի  մոտ

Խորհրդակցություն ՀՀ Վայոց ձորի մարզպետի ժամանակավոր պաշտոնակատար Նանե Ասատրյանի մոտ 08.10.2018

Այսօր՝ հոկտեմբերի 8-ին, ՀՀ Վայոց ձորի մարզպետի ժամանակավոր պաշտոնակատար Նանե Ասատրյանի մոտ կայացավ խորհրդակցություն, որին մասնակցում էին մարզպետարանի ստորաբաժանումների՝ վարչությունների ու բաժինների պետերը: Ն. Ասատրյանը խոսեց Հայաստանի Հանրապետությունում մեկնարկող Ֆրանկաֆոնիայի գագաթաժողովի շրջանակում իր և Վայոց ձորի մարզի մասնակցության հարցերի շուրջ: Մարզպետի ժամանակավոր պաշտոնակատարը ստորաբաժանումների ղեկավարներին հանձնարարեց ուշադրության կենտրոնում պահել աշխատանքային կարգապահության խնդիրները և հետաքրքրվեց խաղողի մթերման գործընթացով, մարզում իրականացվող շին-վերանորոգման աշխատանքների ընթացքով, մարզպետարանի կարիքների համար կատարվող գնումների խնդիրներով և մի շարք այլ ընթացիկ հարցերով: Ն. Ասատրյանը հանձնարարեց կրթության, մշակույթի և սպորտի վարչության գլխավոր մասնագետին՝ Ուսուցչի օրվան նվիրված միջոցառումը հետաձգել անժամկետ, իսկ տեղեկատվության և հասարակայնության հետ կապերի բաժնի պետին՝ հետաձգման մասին իրազեկել մարզպետարանի պաշտոնական կայքում: Վերջում

Տեղեկացում 08.10.2018

Սիրելի՛ ուսուցիչներ: Տեղեկացնում ենք, որ Ուսուցչի օրվան նվիրված տոնական միջոցառումը հետաձգվում է անժամկետ: Հարգանքով՝

 ՀՀ Վայոց ձորի մարզպետի տեղակալ Գևորգ Ավագյանի ուղերձը Վայոց ձորի ժողովրդին

ՀՀ Վայոց ձորի մարզպետի տեղակալ Գևորգ Ավագյանի ուղերձը Վայոց ձորի ժողովրդին 08.10.2018

Սիրելի՛ հայրենակիցներ: Այսօր իմ ուղերձն եմ հղում ձեզ, հայտնելով ձեզ հետ ու ձեր կողքին լինելու իմ պատրաստակամությունը: Սիրելիներս, լինելով ձեզանից մեկը, ես ցանկություն եմ հայտնում մնալու ձեզ հետ և յուրաքանչյուր քայլ անել միայն ձեզ հետ խորհրդակցելուց հետո: Հայտնում եմ, որ ես շարժման առաջին օրերից եղել եմ նախաձեռնության շարքերում և այսօր էլ մնում եմ շարժման խորհրդին և ձեռնարկվելիք քայլերին հավատարիմ, հանուն Հայաստանի Հանրապետության բարօրության և հայ ժողովրդի բարեկեցության: Որպես ԲՀԿ անդամ կոչ եմ անում իմ կուսակից ընկերներին՝ ականջալուր լինել ժողովրդի ձայնին, կանգնել մեր երազանքների իրականացման համար մղվող պայքարի կողքին:

 ՀՀ ՏԿԶ նախարար Սուրեն Պապիկյանն այցելել է Ֆրանկոֆոնիայի Գագաթաժողովի շրջանակներում Երևանի Ազատության հրապարակում բացված ցուցահանդեսի Վայոց ձորի տաղավար

ՀՀ ՏԿԶ նախարար Սուրեն Պապիկյանն այցելել է Ֆրանկոֆոնիայի Գագաթաժողովի շրջանակներում Երևանի Ազատության հրապարակում բացված ցուցահանդեսի Վայոց ձորի տաղավար 08.10.2018

Այսօր ՀՀ ՏԿԶ նախարար Սուրեն Պապիկյանն այցելել է Ֆրանկոֆոնիայի Գագաթաժողովի շրջանակներում Երևանի Ազատության հրապարակում բացված ցուցահանդեսի Վայոց ձորի տաղավար: Նախարարին տաղավարում ուղեկցել է Վայոց ձորի մարզպետի խորհրդական Վասիլ Ասլանյանը: Ս. Պապիկյանը ծանոթացել ներկայացվող ցուցանմուշներին ու տեղում դիտել նաև խաչքարի փորագրման աշխատանքները:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-11-13 18:55:09