Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Տեղի կունենա Ջերմուկի ավագանու հերթական նիստը

Տեղի կունենա Ջերմուկի ավագանու հերթական նիստը 26.12.2023

Տեղեկացնում ենք, որ 2023 թվականի դեկտեմբերի 27-ին՝ ժամը 15:00 -ին, Ջերմուկի համայնքապետարանում տեղի կունենա Ջերմուկի ավագանու հերթական նիստը։ Նիստի օրակարգին կարող եք ծանոթանալ այս հղումով։

     ՀՀ Վայոց ձորի մարզպետի աշխատակազմի ՏԿ և ՏԻՀ վարչությունն  ամփոփեց  2023 թվականի կատարած աշխատանքները

ՀՀ Վայոց ձորի մարզպետի աշխատակազմի ՏԿ և ՏԻՀ վարչությունն ամփոփեց 2023 թվականի կատարած աշխատանքները 23.12.2023

Դեկտեմբերի 22-ին ՀՀ Վայոց ձորի մարզպետի աշխատակազմում ՀՀ Վայոց ձորի մարզպետ Կոլյա Միքաելյանի գլխավորությամբ Տարածքային կառավարման և տեղական ինքնակառավարման հարցերի վարչությունն ամփոփեց 2023 թվականի աշխատանքները: Ներկա էին համայնքապետերը, բնակավայրերի վարչական ղեկավարներ, ՏԻՄ ոլորտի աշխատակիցներ: Վարչության պետի տեղակալ Վ. Հովհաննիսյանը ներկայացրեց կատարած աշխատանքների հիմնական ուղղությունները, ծավալները, արդյունքներն ու արձանագրած հաջողությունները: Մասնավորապես առանձնացվեցին տարեկան աշխատանքային պլանների՝ ժամանակին և պահանջվող չափանիշներին համապատասխան կազմելու փաստը, > Հայաստանի Հանրապետության օրենքի պահանջների կատարման նկատմամբ վերահսկողությունը,

Հանդիպում  Եղեգիսի համայնքապետարանում

Հանդիպում Եղեգիսի համայնքապետարանում 23.12.2023

Համայնքապետարանի աշխատակազմին, աշխատանքային պայմաններին և խնդիրներին տեղում ծանոթանալու նպատակով ՀՀ Վայոց ձորի նորանշանակ մարզպետ Կոլյա Միքաելյանը դեկտեմբերի 22-ին այցելեց Եղեգիսի համայնքապետարան, որտեղ համայնքի ղեկավար Ա. Ստեփանյանի, բնակավայրերի վարչական ղեկավարների, համայնքապետարանի այլ աշխատակիցների հետ քննարկեցին տարաբնույթ հարցեր: Դրանք վերաբերում էին գյուղտեխնիկայի արդյունավետ օգտագործմանը, բյուջեի հավաքագրման գործընթացին և պլանավորմանը, համայնքային ենթակառուցվածքների զարգացմանը, համայնքում ՀԷԿ-երի գործունեության խնդիրներին, գործարարներին համայնքային զարգացման ծրագրերում ներգրավելու մեխանիզմներին, համայնքապետարանի շենքային պայմանների բարելավման հնարավոր տարբերակներին և այլն:

  ՀՀ Վայոց ձորի մարզպետ Կոլյա Միքաելյանն ընդունեց Հայաստանում Բելառուսի Հանրապետության արտակարգ և լիազոր  դեսպան Ալեքսանդր Կոնյուկի գլխավորած պատվիրակությանը

ՀՀ Վայոց ձորի մարզպետ Կոլյա Միքաելյանն ընդունեց Հայաստանում Բելառուսի Հանրապետության արտակարգ և լիազոր դեսպան Ալեքսանդր Կոնյուկի գլխավորած պատվիրակությանը 22.12.2023

Դեկտեմբերի 21-ին ՀՀ Վայոց ձորի մարզպետ Կոլյա Միքաելյանն ընդունեց Հայաստանում Բելառուսի Հանրապետության արտակարգ և լիազոր դեսպան Ն. Գ. Ալեքսանդր Կոնյուկի գլխավորած պատվիրակությանը: Այցի նպատակն է քննարկել հայ-բելառուսական համագործակցության հեռանկարները ու հնարավորությունները, ինչպես նաև ,,Ռաֆէլգրիգ,, ՓԲԸ-ի և ,,Մոգիլյովլիֆտմաշ,, ԲԲԸ-ի միջև վերելակային սարքավորումների համատեղ արտադրության խնդիրները: ՀՀ Վայոց ձորի մարզպետի աշխատակազմում երկու կողմերը խոսեցին հայ և բելառուս ժողովուրդների բարեկամության, տարբեր ոլորտներում ձևավորված հարաբերությունների ամրապնդման և զարգացման ուղղությունների, համագործակցության ընդլայնման հնարավորությունների, տարածաշրջանների միջև տնտեսական, մշակութային, զբոսաշրջային ներուժի հիման վրա համատեղ ծրագրերի իրականացման մասին:

 ՀՀ Վայոց ձորի մարզպետի աշխատակազմում ամփոփվեցին կրթության, մշակույթի և սպորտի վարչության աշխատանքները

ՀՀ Վայոց ձորի մարզպետի աշխատակազմում ամփոփվեցին կրթության, մշակույթի և սպորտի վարչության աշխատանքները 21.12.2023

Դեկտեմբերի 19-ին ՀՀ Վայոց ձորի մարզպետի աշխատակազմում տեղի ունեցավ կրթության, մշակույթի և սպորտի վարչության կողմից կազմակերպված հաշվետու միջոցառում, որին ներկա էին մարզպետ Կոլյա Միքաելյանը, փոխմարզպետ Նանե Ասատրյանը, մարզպետի աշխատակազմի ներկայացուցիչներ, մարզի բարձրաստիճան պաշտոնյաներ, կրթության և մշակույթի ոլորտի ներկայացուցիչներ։ Ողջունելով ներկաներին՝ մարզպետ Կ․ Միքաելյանը կարևորեց ուժեղ հասարակություն ունենալու գործում ուսուցիչների՝ կիրթ, բանիմաց սերունդ դաստիարակելու պատասխանատու աշխատանքը, կրթության ոլորտի փոփոխություններին ընդառաջ գնալու, դժվարությունների առաջ չընկրկելու խնդիրները։

   Մասնագիտական օրվա առթիվ ՀՀ Վայոց ձորի մարզպետ Կոլյա Միքաելյանն այցելեց ՀՀ ԱԱԾ Վայոց ձորի մարզային վարչություն

Մասնագիտական օրվա առթիվ ՀՀ Վայոց ձորի մարզպետ Կոլյա Միքաելյանն այցելեց ՀՀ ԱԱԾ Վայոց ձորի մարզային վարչություն 21.12.2023

ՀՀ ԱԱԾ աշխատակցի մասնագիտական օրվա առթիվ ՀՀ Վայոց ձորի մարզպետ Կոլյա Միքաելյանն այցելեց ՀՀ ԱԱԾ Վայոց ձորի մարզային վարչություն: Կարևորելով ԱԱԾ աշխատակիցների դերը պետության անվտանգության ապահովման, ամրապնդման և ռիսկերի կանխարգելման գործընթացներում՝ մարզպետ Կ. Միքաելյանը նշեց , որ այս համակարգի աշխատանքը պահանջում է բարձր արհեստավարժություն, մեծագույն պատասխանատվություն և շրջահայացություն, և ջանք ու եռանդ չպետք է խնայել սահմանված նշաձողերին հասնելու համար: Մասնագիտական օրվա առթիվ մարզպետը շնորհավորեց ՀՀ ԱԱԾ Վայոց ձորի մարզային վարչության աշխատակիցներին՝ ցանկանալով խաղաղ և անվտանգ ծառայություն՝ ի նպաստ Հայաստանի Հանրապետության բարօրության և կայունության, ներքին և արտաքին անվտանգային մարտահրավերների դիմակայման:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 16:08:58