Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Միասնական սոցիալական ծառայության Եղեգնաձորի տարածքային կենտրոնի նիստերի դահլիճում ՀՀ Վայոց ձորի մարզպետի տեղակալ, հաշմանդամություն ունեցող անձանց հարցերով զբաղվող մարզային հանձնաժողովի նախագահ Բագրատ Սողոմոնյանի գլխավորությամբ և մարզպետի աշխատակազմի առողջապահության և սոցիալական ոլորտի հարցերի վարչության համակարգմամբ տեղի ունեցավ ՀՀ Վայոց ձորի հաշմանդամություն ունեցող անձանց հարցերով զբաղվող մարզային հանձնաժողովի հերթական նիստը։
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Ուսուցչի օրվա առթիվ 05.10.2024
Սիրելի՛ ուսուցիչներ, կրթության ոլորտի նվիրյալնե՛ր, մեծագույն հարգանքով ու սիրով շնորհավորում եմ ձեզ մասնագիտական տոնի՝ Ուսուցչի օրվա առթիվ: Հայ մարդը դարեր շարունակ առանձնահատուկ ակնածանքով և երախտագիտությամբ է գնահատել մանկավարժի գործը` նրան վերապահելով նոր սերնդի կրթության և քաղաքացու ձևավորման, հայապահպանման, ազգային և համարդկային արժեքներով դաստիարակելու դժվարին ու պատասխանատու աշխատանքը: Յուրաքանչյուրիս կյանքում ուսուցիչը թողնում է անփոխարինելի ավանդ, հետք, արժեհամակարգ, որոնք կյանքի հետագա փուլերում դառնում են մեզ առաջ մղող հիմնական խթաններ, լուսատու փարոս և անսխալ ուղեցույց:
Այցելություն Վայոց ձորի մարզի տարեցներին 04.10.2024
Տարեցների միջազգային օրվա շրջանակներում, ձևավորված գեղեցիկ ավանդույթի համաձայն, ՀՀ Վայոց ձորի մարզպետ Կոլյա Միքաելյանը մարզպետի աշխատակազմի ներկայացուցիչների հետ այցելել է մարզի ամենաերկարակյաց բնակիչներին՝ 103-ամյա Խաչանուշ Մովսիսյանին /գյուղ Արփի/, 102-ամյա Անազ Նավասարդյանին /գյուղ Ագարակաձոր/ , 100-ամյա Զաբել Ամրգուլյանին /գյուղ Կարմրաշեն/։ Մարզի չորրորդ երկարակյաց բնակիչը՝ 102-ամյա Եվգենյա Սարգսյանը (գ․ Գողթանիկ), այժմ մարզում չի բնակվում։
Ջերմուկ քաղաքի "Եղնիկի արձան մոտեցնող ճանապարհի և դիտահրապարակի կառուցում" ծրագիր 03.10.2024
Ջերմուկ քաղաքի "Եղնիկի արձան մոտեցնող ճանապարհի և դիտահրապարակի կառուցում" ծրագիր Աշխատանքների սկիզբ՝ 10.02.2023թ. Կապալառու կազմակերպություն՝ «Արհովշին» ՍՊԸ Որակի տեխնիկական և հեղինակային հսկողություն իրականացնող կազմակերպություն` «Հալդի քոնսալթ» ՍՊԸ Ծրագրի իրականացման արդյունք՝ 1,6 կմ բարեկարգ և լուսավորված ճանապարհ, դիտահրապարակ և նորակառույց սանհանգույց։ Պայմանագրի արժեքը՝ 232,222,750 ՀՀ դրամ Ծրագիրն իրականացվում է ՀՀ կառավարության և Համաշխարհային բանկի կողմից ֆինանսավորվող «Տեղական տնտեսությունների և ենթակառուցվածքների զարգացման (տուրիզմի)» ծրագրի շրջանակներում՝ Հայաստանի տարածքային զարգացման հիմնադրամի կողմից։
Վայոց ձորի մարզում 2024թ․սեպտեմբեր ամսին գրանցված ծնունդների մասին տեղեկատվություն 02.10.2024
ՀՀ Վայոց ձորի մարզի ծննդօգնություն իրականացնող բուժհաստատությունում՝ >-ում, սեպտեմբեր ամսին գրանցվել է 17 ծնունդ, որից՝ 10 տղա, 7 աղջիկ։ Կատարվել է 4 կեսարյան հատում։
Այսօր ևս մարզի դպրոցներին տրամադրվեցին հեծանիվներ 02.10.2024
Հեծանվային սպորտի զարգացման, առողջ ապրելակերպի գաղափարների տարածման և ֆիզիկական դաստիարակության խրախուսման նպատակով հանրապետության դպրոցներին ԿԳՄՍ նախարարության կողմից տրամադրվում են հեծանիվներ։ ՀՀ Վայոց ձորի մարզպետի աշխատակազմի կրթության, մշակույթի,սպորտի վարչության համակարգմամբ այսօր Վայոց ձորի մարզի 31 միջնակարգ դպրոցներին և Եղեգնաձորի վարժարանին տրամադրվեց ևս 4-ական հեծանիվ /նախորդ անգամ տրամադրվել էր 2-ական հեծանիվ/, Վայքի ավագ դպրոցին և 13 հիմնական դպրոցներին՝ 2-ական հեծանիվ։
