Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մի շարք զինվորականներ արժանացել են շնորհակալագրերի 30.01.2024
ՀՀ Զինված ուժերի կազմավորման 32-րդ տարեդարձի միջոցառումների շրջանակում Վայոց ձորի մարզպետ Կ. Միքաելյանը մարզպետի աշխատակազմի ներկայացուցիչների, ուժային կառույցների տարածքային մարմինների ղեկավարների հետ հունվարի 29-ին այցելել է Վայոց ձորի մարզում տեղակայված N զորամիավորում և զորամասեր։ Շնորհավորելով զինվորականներին ՀՀ Զինված ուժերի կազմավորման 32-րդ տարեդարձի առթիվ՝ մարզպետը բարձր է գնահատել մարտահրավերներով լի ժամանակահատվածում նրանց ներդրած ջանքները բանակի մարտունակության բարձրացման, բանակաշինության, պետության անվտանգության ապահովման գործում։Նա մաղթել է զինծառայողներին իրենց ազգանվեր առաքելությունում զգոնություն, հայրենիքին ծառայելու բարձր գիտակցում և անվտանգ ծառայություն։
Տեղի կունենա Եղեգիս համայնքի ավագանու արտահերթ նիստը 30.01.2024
Տեղեկացնում ենք, որ 2024 թվականի փետրվարի 2-ին՝ ժամը 15։00-ին, Շատինի միջնակարգ դպրոցում տեղի է ունենալու Եղեգիս համայնքի ավագանու արտահերթ նիստը։ Նիստի օրակարգին կարող եք ծանոթանալ այս հղումով։
<<Թումոն>> ընդլայնում է իր գործունեությունը Վայոց ձորում 29.01.2024
ՀՀ Վայոց ձորի մարզպետ Կոլյա Միքաելյանը հյուրընկալեց > ստեղծարար տեխնոլոգիաների կենտրոնի տնօրեն Մարի Լու Փափազյանին: Հանդիպման ընթացքում կողմերը քննարկեցին համագործակցության օրակարգին առնչվող հարցերի լայն շրջանակ՝ արժևորելով երկու կառույցների միջև ձևավորված կառուցողական երկխոսությունը և մարզի համար կարևորություն ներկայացնող ուղղությունների շուրջ համագործակցելու անհրաժեշտությունը։ Քննարկված հարցերի համատեքստում համապարփակ ներկայացվել են մարզում իրականացված աշխատանքները, կենտրոնի գործունեության հեռանկարները և ակնկալվող արդյունքները։
Միջոցառում՝ նվիրված Պարույր Սևակի ծննդյան 100-ամյակին 29.01.2024
Վայոց ձորի մարզային գրադարանում անցկացվեց > խորագրով գեղարվեստական ուրույն լուծումներով միջոցառում՝ նվիրված հայ գրականության՝ ճշմարտության և արդարության, հայրենասիրության և սիրո հավերժական պատգամախոսի՝ Պարույր Սևակի ծննդյան 100-ամյակին։ Միջոցառմանը ներկա էին ՀՀ Վայոց ձորի մարզպետ Կ․ Միքաելյանը, փոխմարզպետ Բ․ Սողոմոնյանը, կրթության, սպորտի և մշակույթի վարչության պետ Տ․ Պոլուդնիցինան,ՀՀ ԱԱԾ Վայոց ձորի մարզային վարչության պետի տեղակալ Ա․ Թարվերդյանը, ՀՀ ՆԳՆ Ոստիկանության Վայոց ձորի մարզային վարչության պետ Տ․ Կարապետյանը, գրադարանի բարեկամներ, մշակութային և կրթական հաստատությունների ներկայացուցիչներ, պոեզիան սիրող և գնահատող մարդիկ։
Սիրելի՛ հայրենակիցներ, Հարգելի՛ զինվորականներ, Ջերմորեն շնորհավորում եմ Հայաստանի Հանրապետության Զինված ուժերի կազմավորման 32-րդ տարեդարձի կապակցությամբ: ՀՀ Զինված ուժերի կազմավորումը ժամանակի անխուսափելի հրամայականն էր. այն ստեղծվեց պատերազմի բովում, թրծվեց և կայացավ՝ հաղթահարելով բազում փորձություններ և կերտելով մեր նորագույն պատմության հաղթանակների փառավոր էջեր: Այն ազատատենչ հայ ժողովրդի ազգային զարթոնքի, համազգային նվիրական իղձերի և երազանքների իրականացման հիմնաքարը դարձավ:
Հայտարարվում է բաց մրցույթ Ջերմուկ համայնքի Գնդեվազ գյուղում գտնվող՝ ստորև ներկայացվող պետական սեփականություն հանդիսացող հողամասերը վարձակալության իրավունքով տրամադրելու նպատակով՝ 1/ կադաստրային ծածկագիրը՝ 10-016-0284-0016, մակերեսը՝ 0,51816 հա, նպատակային նշանակությունը՝ գյուղատնտեսական, հողատեսքը՝ արոտավայր, վարձակալության իրավունքով տրամադրելու նպատակը՝ գյուղատնտեսական գործունեություն իրականացնելու (որպես արոտավայր) համար, վարձակալության տրամադրման ժամկետը՝ 10 տարի, 2/ կադաստրային ծածկագիրը՝ 10-016-0284-0015, մակերեսը՝ 0,51631 հա, նպատակային նշանակությունը՝ գյուղատնտեսական, հողատեսքը՝ արոտավայր, վարձակալության իրավունքով տրամադրելու նպատակը՝ գյուղատնտեսական գործունեություն իրականացնելու (որպես արոտավայր) համար, վարձակալության տրամադրման ժամկետը՝ 10 տարի։
