Վայոց ձորի
մարզպետարան

Անցկացվեց գործակարգավարական հերթական խորհրդակցությունը 21.08.2017

Այսօր ՀՀ Վայոց ձորի մարզպետ Հարություն Սարգսյանի գլխավորությամբ, մարզպետի տեղակալների, մարզպետարանի աշխատակազմի ղեկավարի և աշխատակազմի ստորաբաժանումների պետերի մասնկացությամբ անցկացվեց գործակարգավարան հերթական խորհրդակցությունը: Խորհրդակցության սկզբում մարզի ղեկավարը շնորհավորեց ՏԻ և ՀԳՄ հարցերով վարչության պետի տեղակալ Աղվան Հարությունյանին աշխատակազմի ՏԻ և ՀԳՄ հարցերով վարչության պետի պաշտոնում նշանակվելու կապակցությամբ՝ տեղեկացնելով, որ համապատասխան կարգադրության համաձայն Ա. Հարությունյանը արտամրցութային կարգով նշանակվել է վարչության պետ: Այնուհետև մարզպետարանի աշխատակազմի ստորաբաժանումների ղեկավարները հանդես եկան նախորդ շաբաթվա ընթացքում ստորաբաժանումներում իրականացված աշխատանքների վերաբերյալ հակիրճ հաղորդումներով:

Շնորհակալություն եմ հայտնում օրհասական պահին արագ արձագանքի և օգնության համար 18.08.2017

ՀՀ Վայոց ձորի մարզպետ Հարություն Սարգսյանը շնորհակալություն է հայտնում պետական գերատեսչություններին և կառույցներին, մասնավոր կազմակերպություններին և անհատ անձնաց օգոստոսի 10-ին ՀՀ Վայոց ձորի Արտավան գյուղում բռնկված հրդեհի մարման ընթացքում ցուցաբերած օպերատիվ աշխատանքի համար: Հրդեհի կանխման և մարման աշխատանքներում հսկայածավալ աշխատանք և աջակցություն են ցուցաբերել ՀՀ պաշտպանության նախարարության 4-րդ բանակային զորամիավորման ղեկավարությանը` ապահովելով զինվորների ակտիվ մասնկացությունը հրդեհաշրջման աշխատանքներում: ՀՀ արտակարգ իրավիճակների նախարարության կողմից ստեղծվել է օպերատիվ խումբ` Փրկարար ծառույության տնօրեն Մուշեղ Ղազարյանի գլխավորությամբ: Աշխատանքներին օնլայն եղանակով հետևում էր ՀՀ ԱԻ նախարար Դավիթ Տոնոյանը: Շնորհակալություն ենք հայտնում ՀՀ ԱԻ նախարարության Վայոց ձորի մարզային փրկարարական վարչության ղեկավարությանը և փրկարարներին օպերատիվ աշխատանքի համար: Հրդեհաշիջման աշխատանքներում մեծագույն աշխատանք են իրականացրել ՀՀ ոստիկանության Վայոց ձորի մարզային վարչությունը, Եղեգնաձորի, Ջերմուկի և Վայքի ոստիկանները` իրենց պետերի գլխավորությամբ:

Կայացավ ՀՀ Վայոց ձորի մարզխորհրդի 2017 թվականի 2-րդ նիստը 18.08.2017

Այսօր ՀՀ Վայոց ձորի մարզպետարանի նիստերի դահիլճում տեղի ունեցավ ՀՀ Վայոց ձորի մարզխորհրդի 2017 թվականի 2-րդ նիստը, որին մասնակցում էին ՀՀ գյուղատնտեսության նախարարի տեղակալ Աշոտ Հարությունյանը, մարզպետի տեղակալները, աշխատակազմի ղեկավարը, Եղեգնաձորի և Վայքի զինվորական կոմիսարները, համայնքների ղեկավարներ, աշխատակազմի քարտուղարներ, հանրապետական գործադիր մարմինների տարածքային ծառայությունների ղեկավարներ և դպրոցների տնօրեններ: Նիստին հրավիրվել են նաև մարզպետարանի աշխատակազմի կառուցվածքային և առանձնացված ստորաբաժանումների ղեկավարներ ու ԶԼՄ ներկայացուցիչներ: Նիստի օրակարգում ընդգրկված էին հետևյալ հարցերը` 1. ,,ՀՀ Վայոց ձորի մարզի գյուղատնտեսական նշանակության հողերն առավել արդյունավետ օգագործելու և ինտենսիվ այգիներ հիմնելու ուղղությամբ տարվող աշխատանքների մասին` կապված 2017 թվականի հուլիսի 28-ին ՀՀ վարչապետի կողմից Վայոց ձորի մարզում անցկացրած արտագնա նիստի արձանագրությամբ տրված հանձնարարականի կատարման հետ,,: 2. ,,Նոր ուսումնական տարվա նախապատրաստական աշխատանքների մասին,,: 3. ,,Զորահավաքային նախապատրաստական աշխատանքների մասին,,:

Աշխատանքային խորհրդակցություն մարզի ղեկավարի գլխավորությամբ 17.08.2017

Այսօր ՀՀ Վայոց ձորի մարզպետ Հարություն Սարգսյանն անցկացրեց աշխատանքային խորհրդակցություն: Խորհրդակցության սկզբում քննարկվեցին օգոստոսի 10-ին ՀՀ Վայոց ձորի մարզի Արտավան գյուղում բռնկված հրդեհի, պատճառված վնասների և հրդեհի մարման ընթացքում պետական գերատեսչությունների և տարբեր կազմակերպությունների կողմից իրականացրած աշխատանքների մասին: Ինչպես հայտնի է, օգոստոսի 10-ին Արտավան գյուղում բռնկված հրդեհը օգոստոսի 16-ի ժամը 09:24-ի դրությամբ մարվել է: Մարզի ղեկավարն իր խոսքում շնորհակալություն հայտնեց հրդեհի կանխման աշխատանքներում ներգրավված բոլոր կառույցներին, կազմակերպություններին, մարզպետարանի աշխատակիցներին և անհատ անձանց օպերատիվ արձագանքի և ցուցաբերած օգնության համար: Խորհրդակցության ընթացքում քննարկվեցին նաև շաբաթվա ընթացիկ աշխատանքները: Այսօր ՀՀ Վայոց ձորի մարզպետարանի աշխատակազմը, ՀՀ Վայոց ձորի մարզպետ Հարություն Սարգսյանի գլխավորությամբ, վաստակած հանգստի ուղարկեց Տեղական ինքնակառավարման և հանրապետական գործադիր մարմինների հարցերով վարչության պետ Նորայր Սիմոնյանին` ըստ արժանվույն գնահատելով նրա մեծ վաստակը, մասնագիտական և մարդկային բարձր որակները, միաժամանակ շնորհավորելով նրան ծննդյան օրվա առթիվ և մաղթելով հետագա հաջողություններ:

Արտավանի հրդեհը մարվել է 16.08.2017

Օգոստոսի 16-ին, ժամը 09:24-ին Արտավան գյուղի հրդեհը մարվել է: Հիշեցնենք, որ օգոստոսի 10-ին, ժամը 18:50-ին ՀՀ ԱԻՆ ճգնաժամային կառավարման ազգային կենտրոնում անձը չպարզված քաղաքացուց ահազանգ էր ստացվել, որ ՀՀ Վայոց ձորի մարզում՝ Արտավան գյուղում, այրվում է խոտածածկ տարածք: Պարզվել էր, որ Մ-2 ավտոճանապարհի Վայք-Սարավան հատվածի 10-րդ կմ-ից դեպի Արտավան գյուղն ընկած տարածքում այրվում է խոտածածկույթ, բռնկվել է 14 էլեկտրասյուն, ինչի հետևանքով հոսանքազրկվել էր Արտավան գյուղը: Առաջին անգամ հրդեհաշիջման համար օգտագործվել են մոտակա ջրամբարի պաշարները: Հրդեհի (450-500 հա խոտածածկ և անտառածածկ (80 հա) տարածք) վտանգավոր օջախները հաջողվել է մարել՝ բացառելով հրդեհի հետագա տարածումը, տեղում աշխատող փրկարարները շարունակում են կրակի առավել մանր օջախների մարման աշխատանքները: