Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վերանորոգվում է Եղեգնաձորի թիվ 2 հիմնական դպրոցը 12.12.2025
ՀՀ Վայոց ձորի մարզպետ Վահագն Արսենյանը մարզպետի աշխատակազմի ներկայացուցիչների հետ այցելել է > ծրագրի շրջանակներում ՀՀ տարածքային զարգացման հիմնադրամի պատվիրատվությամբ վերանորոգվող Եղեգնաձորի Հովհ․ Հովհաննիսյանի անվան թիվ 2 հիմնական դպրոց, ծանոթացել աշխատանքներին, զրուցել շինարարների հետ ընթացիկ հարցերի մասին՝ կարևորելով աշխատանքների որակի և ժամկետների պահպանման խնդիրները։ Ծրագրի նախահաշվային արժեքը 246 միլիոն ՀՀ դրամ է։ Տեսանյութը՝ հղմամբ։
Տեղի կունենա Վայք համայնքի ավագանու նիստը 08.12.2025
Տեղեկացնում ենք , որ սույն թվականի դեկտեմբերի 11-ին՝ ժամը 18։30-ին, Վայքի համայնքապետարանում տեղի կունենա Վայք համայնքի ավագանու նիստը։ Նիստի օրակարգի նախագիծը՝ հղմամբ։
Վայոց ձորի մարզպետ Վահագն Արսենյանն ընդունեց ՌԴ Արխանգելսկի մարզի պաշտոնական պատվիրակությանը 05.12.2025
Դեկտեմբերի 3–4-ին Վայոց ձորի մարզպետ Վահագն Արսենյանն ընդունեց ՌԴ Արխանգելսկի մարզի պաշտոնական պատվիրակությանը՝ նահանգապետ Ա. Վ. Ցիբուլսկիի գլխավորությամբ։ Քննարկվեցին երկկողմ համագործակցության ընթացքին, առաջիկա ծրագրերին և համատեղ նախաձեռնությունների ընդլայնման հնարավորություններին առնչվող հարցեր։ Այցի շրջանակներում կայացած աշխատանքային խմբի նիստում ներկայացվեցին կատարված աշխատանքների հիմնական արդյունքները, և համաձայնեցվեցին տնտեսության, կրթության, մշակույթի, զբոսաշրջության ու համայնքային զարգացման ուղղություններով նախատեսվող հետագա քայլերը։
Տեղի ունեցավ ստեղծագործող Մարո Սիմոնյանի հեղինակային երգերի երեկոն 04.12.2025
Դեկտեմբերի 3-ին Եղեգնաձորի մշակույթի կենտրոնում երաժշտական գեղեցիկ տոն էր․ կենտրոնի տնօրեն, Ատգեն Արմենյան երաժշտական ստուդիայի գեղարվեստական ղեկավար, ստեղծագործող Մարո Սիմոնյանի հեղինակային երեկո էր։ Անկեղծ և անմիջական մթնոլորտում սաների կողմից հնչեցին հեղինակի՝ տարբեր տարիներին գրված ստեղծագործություններ, ինքնաբուխ խոսքեր և շնորհավորանքներ, որոնք բնութագրում էին հեղինակին, նրա ստեղծագործական ուղուն, մարդկային կերպարին, արժևորում մարզի մշակութային ոլորտի զարգացմանը և տարբեր ժամանակներում երիտասարդ սերունդներին բեմական մշակույթին հաղորդակից դարձնելու նրա ավանդը։
ՀՀ Վայոց ձորի մարզպետ Վահագն Արսենյանը մարզպետի տեղակալներ Վասիլ Ասլանյանի, Արսեն Խաչատրյանի և Եղեգնաձոր համայնքի ղեկավար Դավիթ Հարությունյանի հետ այցելեց Գլաձոր բնակավայր՝ դիտարկելու մի շարք ծրագրեր։ Դիտարկվել են սուբվենցիոն ծրագրով իրականացված Եղեգնաձոր համայնքի Գլաձոր բնակավայրի ներհամայնքային փողոցների ասֆալտապատման աշխատանքները։ Ծրագրի բյուջեն կազմել է 96 667 200 ՀՀ դրամ, որից պետության մասնաբաժինը 45 տոկոս է, իսկ համայնքինը՝ 55 տոկոս։Ծրագրի իրականացման արդյունքում առկա է 6,167.5 քմ բարեկարգված տարածք։
ՀՀ էկոնոմիկայի նախարար Գևորգ Պապոյանը դեկտեմբերի 1-ին Վայոց ձորի մարզպետի աշխատակազմում հանդիպել է մարզային, համայնաքային իշխանությունների և զբոսաշրջության ոլորտի ներկայացուցիչների հետ։ Մասնակցել են նաև Վայոց ձորի մարզպետ Վահագն Արսենյանը, ԱԺ պատգամավոր Տրդատ Սարգսյանը և Էկոնոմիկայի նախարարության Զբոսաշրջության կոմիտեի նախագահ Լուսինե Գևորգյանը, Եղեգնաձոր, Արենի և Ջերմուկ համայնքների ղեկավարները։
