Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզում անցկացվեց <<Մենք ենք մեր համայնքները>> խորագրով փառատոն 29.12.2023
Դեկտեմբերի 26-ին Վայոց ձորի մարզում ՀՀ Վայոց ձորի մարզպետի աշխատակազմի կրթության, մշակույթի և սպորտի վարչության և Եղեգնաձորի մշակույթի կենտրոնի համատեղ ջանքերով անցկացվեց > խորագրով մշակութային փառատոն։ Փառատոնի նպատակն էր բացահայտել համայնքների մշակութային ներուժը, խթանել մշակութային կյանքը, աշխուժացնել միջհամայնքային մշակութային կապերը։ Փառատոնը մեկնարկվեց ՀՀ Վայոց ձորի մարզպետ Կոլյա Միքաելյանի գլխավորությամբ դեպի Եղեգնաձորի զինվորական պանթեոն քայլերթով․ երթի մասնակիցները ծաղիկներ խոնարհեցին Արցախյան պատերազմներում զոհված ազատամարտիկների շիրիմներին և նրանց հիշատակը հավերժացնող հուշակոթողին։
Կայացավ հաշմանդամություն ունեցող անձանց հարցերով զբաղվող մարզային հանձնաժողովի նիստը 29.12.2023
Օրերս ՀՀ Վայոց ձորի մարզպետ աշխատակազմում մարզպետի տեղակալ Նանե Ասատրյանի գլխավորությամբ կայացավ հաշմանդամություն ունեցող անձանց հարցերով զբաղվող մարզային հանձնաժողովի նիստը։ Առողջապահության և սոցիալական հարցերի ոլորտի վարչության գլխավոր մասնագետ Ցողիկ Բաբայանը օրակարգային հարցերի շրջանակներում ներկայացրեց զինվորական ծառայության ժամանակ հաշմանդամություն ձեռք բերած անձանց իրավունքների պաշտպանության և հաշմանդամություն ունեցող անձանց սոցիալական ներառման ուղղությամբ 2023 թվականին իրականացված միջոցառումների մասին տեղեկատվություն։ Աշխատանքները հիմնականում կազմակերպվել են՝ համաձայն կառավարության համապատասխան որոշումների և ընդգրկել են տարբեր ուղղություններ։
ՀՀ Վայոց ձորի մարզպետ Կոլյա Միքաելյանը հյուրընկալվեց Ջերմուկի համայնքապետարանում 26.12.2023
Դեկտեմբերի 25-ին ՀՀ Վայոց ձորի մարզպետ Կոլյա Միքաելյանը հյուրընկալվեց Ջերմուկի համայնքապետարանում: Այցի նպատակն էր քննարկել քաղաքի զարգացման հեռանկարների, զբոսաշրջային ռեսուրսների օգտագործման, ներդրումային ծրագրերի վերաբերյալ հարցեր, ինչպես նաև ծանոթանալ աշխատանքային ընթացիկ խնդիրներին։ Մարզպետ Կ․ Միքաելյանն իր ելույթում անդրադարձավ Ջերմուկի անվտանգային և քաղպաշտպանության խնդիրներին, զբոսաշրջային հնարավորությունների լիարժեք օգտագործման, հեռանկարային ծրագրերի մշակման, միջազգային զբոսաշրջային հարթակներում քաղաքի գրավչությունների ներկայացման, ներդրումային ծրագրերին որոշակի արտոնությունների տրամադրման, ինչպես նաև քաղաքը բոլոր սեզոններին զբոսաշրջիկների համար գրավիչ դարձնելու հարցերին։
ՀՀ Վայոց ձորի մարզպետ Կոլյա Միքաելյանն այցելեց Արենիի համայնքապետարան 26.12.2023
Դեկտեմբերի 25-ին ՀՀ Վայոց ձորի մարզպետ Կոլյա Միքաելյանն աշխատանքային այցով Արենիի համայնքապետարանում էր։ Արենի համայնքի ղեկավար Հուսիկ Սահակյանը աշխատակազմին ներկայացրեց նորանշանակ մարզպետին՝ մաղթելով արդյունավետ գործունեություն։ Մարզպետ Կ․Միքաելյանը ներկայացրեց ՏԻՄ-մարզպետի աշխատակազմ արդյունավետ համագործակցության իր մոտեցումները, բնակիչների խնդիրների լուծման հարցում ՏԻՄ աշխատակիցների գործառույթների ընդլայնման, բնակիչների գոհունակության մակարդակի բարձրացման խնդիրները, կարևորեց սահմամամերձ համայքի քաղպաշտպանության, բնակիչների իրազեկվածության մակարդակի բարձրացման, զբոսաշրջային ներուժի լիարժեք օգտագործման, խնդիրները նախապես տարբեր տեսանկյուններից դիտարկելու, բոլոր գործընթացներում աշխատանքի նկատմամբ արհեստավարժություն դրսևորելու հարցերը։
Տեղի կունենա Ջերմուկի ավագանու հերթական նիստը 26.12.2023
Տեղեկացնում ենք, որ 2023 թվականի դեկտեմբերի 27-ին՝ ժամը 15:00 -ին, Ջերմուկի համայնքապետարանում տեղի կունենա Ջերմուկի ավագանու հերթական նիստը։ Նիստի օրակարգին կարող եք ծանոթանալ այս հղումով։
ՀՀ Վայոց ձորի մարզպետի աշխատակազմի ՏԿ և ՏԻՀ վարչությունն ամփոփեց 2023 թվականի կատարած աշխատանքները 23.12.2023
Դեկտեմբերի 22-ին ՀՀ Վայոց ձորի մարզպետի աշխատակազմում ՀՀ Վայոց ձորի մարզպետ Կոլյա Միքաելյանի գլխավորությամբ Տարածքային կառավարման և տեղական ինքնակառավարման հարցերի վարչությունն ամփոփեց 2023 թվականի աշխատանքները: Ներկա էին համայնքապետերը, բնակավայրերի վարչական ղեկավարներ, ՏԻՄ ոլորտի աշխատակիցներ: Վարչության պետի տեղակալ Վ. Հովհաննիսյանը ներկայացրեց կատարած աշխատանքների հիմնական ուղղությունները, ծավալները, արդյունքներն ու արձանագրած հաջողությունները: Մասնավորապես առանձնացվեցին տարեկան աշխատանքային պլանների՝ ժամանակին և պահանջվող չափանիշներին համապատասխան կազմելու փաստը, > Հայաստանի Հանրապետության օրենքի պահանջների կատարման նկատմամբ վերահսկողությունը,
