Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Շարունակվում են այցելությունները նախադպրոցական ուսումնական հաստատություններ․․․ 22.01.2024
Օրերս ՀՀ Վայոց ձորի մարզպետ Կոլյա Միքաելյանը մարզպետի խորհրդական Վ․ Աբրահամյանի հետ այցելեց Վայք համայնքի Զառիթափ բնակավայրի մանկապարտեզ՝ տեղում դիտարկելու հաստատության պայմանները և հնարավորությունները, նյութատեխնիկական հագեցվածությունը և սաների առօրյային առնչվող մի շարք հարցեր։ Շրջայցի ժամանակ արձանագրվեց, որ մանկապարտեզի հարմարավետ պայմանները և նյութատեխնիկական հագեցվածությունը, անձնակազմի բոլոր օղակների մասնագիտական պատրաստվածությունը և հմտությունները թույլ են տալիս ապահովելու պահանջվող չափանիշներին համապատասխան նախադպրոցական կրթություն։
Տեղի կունենա Եղեգնաձոր համայնքի ավագանու արտահերթ նիստը 22.01.2024
Հարգելի՛ քաղաքացիներ․ Տեղեկացնում ենք, որ 2024 թվականի հունվարի 26-ին՝ ժամը 18։00-ին, Եղեգնաձորի համայնքապետարանում տեղի կունենա համայնքի ավագանու արտահերթ նիստ։ Նիստի օրակարգին կարող եք ծանոթանալ հետևյալ հղմամբ։
Տեղի կունենա Վայք համայնքի ավագանու արտահերթ նիստը 19.01.2024
Տեղեկացնում ենք, որ 2024 թվականի հունվարի 19-ին՝ ժամը 14։00-ին, Վայքի համայնքապետարանում տեղի կունենա Վայք համայնքի ավագանու արտահերթ նիստը։ Նիստի օրակարգին կարող եք ծանոթանալ այս հղումով։
Սևանա լճում սիգի ձվադրման ժամանակահատվածում իրականացվող համատեղ միջոցառումների մասին տեղեկատվություն 19.01.2024
Հարգելի՛ քաղաքացիներ, այս հոլովակում ներկայացված է <<Սևանա լճում 2023 թվականի նոյեմբերի 25-ից մինչև 2024 թվականի հունվարի 20-ը ներառյալ սիգի ձվադրման ժամանակահատվածում իրականացվող համատեղ միջոցառումներ»-ի ծրագրի վերաբերյալ տեղեկատվությունը։ Նշված ժամանակահատվածում սիգ տեսակի ձկան ապօրինի վաճառքի դեպքեր նկատելիս անհրաժեշտ է զանգահարել (0281) 2-30-50, 098-86-51-57 հեռախոսահամարներով։
Ռուսաստանի Դաշնության գիտության և բարձրագույն կրթության նախարարությունը և Պուշկինի անվան ռուսաց լեզվի պետական ինստիտուտը համատեղ անցկացնում են > մրցույթը։ 14-րդ ազգային մրցույթում այս տարի հաղթող է ճանաչվել ՀՀ Վայոց ձորի մարզի Արփիի Վահիկ Լևոնյանի անվան միջնակարգ դպրոցի ռուսաց լեզվի ուսուցչուհի Նատաշա Սայամյանը։ Նա ստացել է առաջին աստիճանի դիպլոմ և հավաստագիր, որը նրան 2024 թվականին ուսուցչի որակավորման բարձրացման իրավունք է տալիս Պուշկինի անվան ռուսաց լեզվի պետական ինստիտուտում։
Դիտարկվեց Չիվա բնակավայրում կառուցվող դպրոցի շինարարական աշխատանքների ընթացքը 17.01.2024
Հունվարի 16-ին ՀՀ Վայոց ձորի մարզպետ Կոլյա Միքաելյանը մարզպետի տեղակալ Ա․ Խաչատրյանի, մարզպետի աշխատակազմի տարածքային կառավարման և տեղական ինքնակառավարման հարցերի վարչության պետ Ա․ Հարությունյանի և ՀՀ ոստիկանության Վայոց ձորի մարզային վարչության պետ Տ․ Կարապետյանի ուղեկցությամբ այցելեց Արենի համայնքի Չիվա բնակավայր՝ ՀՀ կառավարության > ծրագրի շրջանակներում կառուցվող դպրոցի շինարարական աշխատանքների ընթացքը,որակը և առկա խնդիրները դիտարկելու նպատակով։
