Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղեկատվություն 04.07.2014
2014 թվականի 2-րդ եռամսյակի ընթացքում ընդունված ծնունդների մասին` ըստ տարածաշրջանների:
Վայոց ձորի մարզի համայնքների ղեկավարները հանդես կգան գործունեության կիսամյակային հաշվետվությամբ 04.07.2014
Ս/թ հուլիսի յոթից կմեկնարկի Վայոց ձորի մարզի համայնքների ղեկավարների գործունեության կիսամյակային հաշվետվությանները: Հաշվետվությունների ժամանակացույցին ծանոթանալու համար կարող եք այցելել vdzor.gov.am կայքի > բաժնի > ենթաբաժին: Ցանկացողները կարող են ներկա գտնվել մարզի համայնքների ղեկավարների հաշվետու ժողովներին:
ՀՀ Վայոց ձորի մարզպետ Էդգար Ղազարյանի շնորհավորական ուղերձը Սահմանադրության օրվա կապակցությամբ 04.07.2014
Սիրելի հայրենակիցներ: Շնորհավորում եմ Ձեզ Հայաստանի Հանրապետության Սահմանադրության օրվա կապակցությամբ: Այդ օրը պետական տոնացույցում հայտնվել է 1995 թվականի հուլիսի 5-ից, երբ Հայաստանի պատմության մեջ առաջին անգամ համաժողովրդական քվեարկությամբ ընդունվեց Հայաստանի Հանրապետության Սահմանադրությունը: 2005 թվականի նոյեմբերի 27-ին տեղի ունեցած սահմանադրական բարեփոխումները էլ ավելի կատարելագործեցին մեր հիմնական օրենքը՝ այն դարձնելով առավել համահունչ ժամանակակից ժողովրդավարական պետությունների չափանիշներին: Սահմանադրությունը, քաղաքացիական համերաշխության, օրինականության ու կայունության հիմնական երաշխիքն է: Սահմանադրությունը պետության հիմնաքարն ու հիմնակառույցն է: Սահմանադրությունը պետության մայր օրենքն է, որը սահմանում է տվյալ երկրի քաղաքական, իրավական, տնտեսական հիմունքները: Այն օժտված է բարձրագույն իավաբանական ուժով: Ցանկանում եմ, որ մեզանից յուրաքանչյուրն իր ամենօրյա գործունեությամբ լինի ծայրաստիճան օրինապաշտ, հարգի ՀՀ Սահմանադրությունն ու օրենքները՝ դրանով իսկ ամրապնդելով Հայոց անկախ պետականության հիմքերը:
Տեղի ունեցավ <<Հայկական բնաշխարհի գույները>> խորագիրը կրող ցուցահանդեսի բացումը 03.07.2014
ՀՀ Վայոց ձորի մարզպետ Էդգար Ղազարյանի նախաձեռնությամբ ս/թ. հուլիսի 3-ին, ժամը՝ 15-ին, Հայաստանի պետական պատկերասրահի Վայոց ձորի մասնաճյուղում հանդիսավորությամբ բացվեց > խորագիրը կրող ցուցահանդեսը, որը կազմակերպվել էր ՀՀ մշակույթի նախարարության > ՊՈԱԿ-ի և ՀԱՊ Եղեգնաձորի մասնաճյուղի կողմից, > ծրագրի շրջանակում: Բացմանը մասնակցում էին ՀՀ Վայոց ձորի մարզպետի տեղակալներ Սամվել Թարվերդյանը և Արամ Գրիգորյանը, մարզպետարանի աշխատակազմի ղեկավար Կամո Սահակյանը և աշխատակազմի ստորաբաժանումների ղեկավարներ, մարզպետարանի այլ պաշտոնյաներ, Վայոց ձորի մշակութային հասարակայնության ներկայացուցիչներ:
Նոր որակի հարաբերություններ Սյունիքի և Վայոց ձորի մարզերի միջև 03.07.2014
Հուլիսի 2-ին, Սիսիան քաղաքում, կայացել է Սյունիքի և Վայոց ձորի մարզպետներին կից երիտասարդական խորհուրդների համատեղ նիստ: Տեղեկացնենք, որ մարզպետներին կից երիտասարադական խորհուրդների ձևավորման և գործունեության կարգը սահմանվել է ՀՀ վարչապետի որոշմամբ: Նիստի սկզբում ողջունելով հյուրերին Սյունիքի մարզպետ Վահե Հակոբյանը նշել է, որ համատեղ նիստը Սիսիանում կայացնելը պատահական չէ, քանի որ Սյունիքի գողտրիկ այս քաղաքը, առաջինն է ՀՀ-ում ճանաչվել որպես հանրապետության երիտասարդական մայրաքաղաք: Վահե Հակոբյանի կարծիքով անհրաժեշտ է ստեղծել այնպիսի նախադրյալներ, որոնք թույլ կտան երկու մարզերի երիտասարդներին գտնել համագործակցության եզերեր ու իրականացնել համատեղ ծրագրեր: Սյունիքի մարզպետը կարևորում է երիտասարդության խնդիրները: Նրա կարծիքով մեր պետության հիմնական հարստությունը հենց երիտասարդությունն է և հարկ է նրան տալ հնարավորություններ և ինքնադրսևորման ասպարեզ: Շնորհակալություն հայտնելով ջերմ ընդունելության համար Վայոց ձորի մարզպետ Էդգար Ղազարյանը կարևորեց անկաշանդ քննարկումը և մատնանշեց այն խնդիրները, որոնք իր կարծիքով, ծառացած են երիտասարդության առաջ: Էդգար Ղազարյանի մատնացույց արեց նաև հանգամանքին, որ երիտասարդությունը պետք է առավել նախաձեռնող լինի, կարողանա հստակեցնել իր խնդիրները և հստակ թիրախավորմամբ դրանց լուծում տա: Վայոց ձորի մարզպետը նաև կարծում է, որ երիտասարդները ոչ միայն պետք է մտածեն աշխատատեղ գտնելու մասին, այլ իրենք դառնան գործատու՝ հանդես գալով բիզնես ծրագրերով ու դրանք իրականցնեն տարբեր աջակից կազմակերպությունների միջոցով: Կայացած քննարկմանը մասնակցեցին բոլոր ներկաները, որի արդյունքում էլ նախանշվեցին հետագա անելիքները: Սիսիանի քաղաքապետ Աղասի Հակոբջանյանը ներկայացրեց երիտասարդության մայրաքաղքում իրականացված ծրագրերը, առկա խնդիրները և հետագա անելիքները:
Հանդիպում մարզպետարանում 02.07.2014
Ս/թ հուլիսի 2-ին ժ. 11.00-ին Վայոց ձորի մարզպետարանի նիստերի դահլիճում ՀՀ Վայոց ձորի մարզպետի տեղակալ Սամվել Թարվերդյանի մասնակցությամբ տեղի ունեցավ ոստիկանության Վայոց ձորի մարզային վարչության ղեկավարության հանդիպումը մարզպետարանի ներկայացուցիչների և Եղեգնաձորի տարածաշրջանի համայնքների ղեկավարների հետ: Հանդիպմանը մասնակցում էին ոստիկանության Վայոց ձորի մարզային վարչության պետի ժամանակավոր պաշտոնակատար, ոստիկանության գնդապետ Ա. Մկրտչյանը, պետի տեղակալ, ինքը և շտաբի պետ, ոստիկանության գնդապետ Ա. Արտաշյանը, ՀՀ Վայոց ձորի մարզպետարանի աշխատակազմի ղեկավար Կ. Սահակյանը, աշխատակազմի ստորաբաժանումների և Եղեգնաձորի տարածաշրջանի համայնքների ղեկավարներ: Հանդիպման ընթացքում քննարկվեցին ոստիկանություն-հասարակություն կապի բարելավման ու փոխվստահության ամրապնդման վերաբերյալ հարցեր: Հանդիպման բացման խոսքով հանդես եկավ փոխմարզպետ Ս. Թարվերդյանը, ելույթներ ունեցան ոստիկանության գնդապետ Ա. Մկրտչյանը, ոստիկանության գնդապետ Ա. Արտաշյանը մարզպետարանի ներկայացուցիչներ Նորիկ Սիմոնյանը և Խաչիկ Գևորգյանը, Ագարակաձորի, Գլաձորի, Վերնաշենի, Մալիշկայի, Արփիի և Գետափի համայնքների ղեկավարները: Ելույթ ունեցողները նշեցին ոստիկանությունում տեղի ունեցած բարեփոխումների, մարզի ոստիկանության ծառայողների վարքագծում կայացած էական դրական փոփոխությունների և բնակչությանը հուզող որոշ հարցերի մասին: Դրական խոսքեր հնչեցին համայնքային ոստիկանության ծառայողների հասցեին: Նշվեց, որ գրեթե բոլոր համայնքներում համայնքային ոստիկանության տեսուչները ապահովված են աշխատասենյակով և հեռախոսակապով: Առաջարկվեց բոլոր համայնքներում համայնքային ոստիկանության ծառայողներին ապահովել աշխատանքային պայմաններով:
