Տեղեկատվական կենտրոն
Նորություններ
Կամսարի անհատական աշխատանքների ցուցահանդեսի պաշտոնական բացումը 13.09.2013
2013 թվականի սեպտեմբերի 13-ի Երևանի պատմության թանգարանում պաշտոնապես բացվեց գեղանկարիչ, Եղեգնաձորի երկրագիտական թանգարանի տնօրեն Կամո Սահակյանի (Կամսարի) աշխատանքների անհատական ցուցահանդեսը: Ցուցահանդեսի պաշտոնական բացմանը ներկա էր նաև և ողջույն խոսքով հանդես եկավ ՀՀ Վայոց ձորի մարզպետ Էդգար Ղազարյանը: Միջոցառմանը ներկա էին նաև ՀՀ Վայոց ձորի մարզպետի տեղակալ Մելսիկ Հարությունյանը, ՀՀ վայոց ձորի մարզպետարանի աշխատակազմի կրթության, մշակույթի, սպորտի և երիտասարդության հարցերի վարչության պետ Արփիար Ղազարյանը, նույն վարչության գլխավոր մասնագետ Աղասի Հովհաննիսյանը, արվեստագետներ, հյուրեր, բազմաթիվ եղեգնաձորցիներ:
Ստորագրվել է Փոխըմբռնման հուշագիր 12.09.2013
Սեպտեմբերի 12-ին Վայոց ձորի մարզպետարանում ՀՀ Վայոց ձորի մարզպետ Էդգար Ղազարյանը և Ժողովրդական կրթության հայկական կենտրոն-ՍԻՎԻՏԱՍ հասարակական կազմակերպության գործադիր տնօրեն Ալեքսանդր Շագաֆյանը ստորագրեցին Փոխըմբնման հուշագիր՝ Վայոց ձորի մարզում ժողովրդավարական կրթությունը խթանելու ոլորտում համագործակցության մասին: Փոխըմբնման հուշագրի կնքմամբ կողմերը պատրաստակամություն հայտնեցին, մինչև ընթացիկ ուսումնական տարվա ավարտը, օժանդակելու Հայաստանում ԱՄՆ դեսպանատան Ժողովրդավարության հանձնաժողովի փոքր դրամաշնորհների ծրագրի միջոցով Վայոց ձորի մարզի Վայքի, Ջերմուկի և Եղեգնաձորի տարածաշրջաններում իրագործվելիք ,,Ժողովրդավարական քաղաքացիության կրթության հզորացում,, ծրագրին:
Գրադարանի տնօրենը՝ հեքիաթագիր 09.09.2013
Օրերս լույս է տեսել Ջերմուկի քաղաքային գրադարանի տնօրեն Զեմֆիրա Սարգսյանի հեղինակած հեքիաթների փոքրիկ ժողովածուն: Այն ընդգրկում է յոթ հեքիաթ և հասցեագրված է նախադպրոցական և կրտսեր դպրոցական տարիքի երեխաներին: Գրքի ձևավորումը և նկարազարդումները նույնպես հեղինակինն են: Հեքիաթները յուրահատուկ են իրենց ասելիքով: Դրանցում չկան պառավ կախարդներ ու հրեշներ, թագավորներ ու ծառաներ, դաժան ու սրտաճմլիկ իրադարձություններ: Սյուժեները մեր առօրյա միջավայրում են զարգանում և ավարտվում են բարությամբ ու խաղաղությամբ: Ասելիքի շեշտված նպատակը երեխաների դաստիարակության գործում ծնողներին օգնելն է հեքիաթների կերպարների օրինակով: Գրքի հեքիաթներում բնության, շրջապատի նկատմամբ սերն ու հոգատարությունն է գովերգվում: Հեքիաթների հենց նշված արժանիքները նկատի ունենալով՝ Ջերմուկի քաղաքապետի կողմից սեպտեմբերի 1-ի կապակցությամբ գրքի մեկական օրինակներ դրվեցին քաղաքային դպրոցների առաջին դասարաններում ընդգրկված բոլոր երեխաների համար պատրաստված նվերների հավաքածուի մեջ:
Հայաստանի Հանրապետության Վայոց ձորի մարզպետ Էդգար Ղազարյանի 04.09.2013 թվականի թիվ 69 որոշմամբ Վայոց ձորի մարզի Մալիշկայի թիվ 2 միջնակարգ դպրոցն անվանակոչվել է ռուս մեծ գիտնական Միխայիլ Վասիլևիչ Լոմոնոսովի անունով:
ՏԵՂԵԿԱՏՎՈՒԹՅՈՒՆ 05.09.2013
ՎԱՅՈՑ ՁՈՐԻ ՄԱՐԶԻ ԵՂԵԳՆԱՁՈՐ, ՎԱՅՔ ԵՎ ՋԵՐՄՈՒԿ ՔԱՂԱՔՆԵՐԻ ՍԾՏՄ-ՆԵՐՈՒՄ 2013 ԹՎԱԿԱՆԻ ՕԳՈՍՏՈՍ ԱՄՍԻՆ ԿԱՏԱՐՎԱԾ ԱՇԽԱՏԱՆՔՆԵՐԻ ՄԱՍԻՆ
ՀՀ Վայոց ձորի մարզպետ Էդգար Ղազարյանի ուղերձը՝ ԱԻՆ աշխատակցի օրվա կապակցությամբ 04.09.2013
Սեպտեմբերի 4-ը Հայաստանի Հանրապետությունում նշվում է որպես ՀՀ ԱԻՆ աշխատակցի օր: Այդ կապակցությամբ սիրով շնորհավորում եմ ԱԻՆ Վայոց ձորի մարզային փրկարարական վարչության աշխատակիցներին: Փրկակար ծառայության հարգելի աշխատակիցներ, Ձեր աշխատանքը չափազանց կարևոր դեր է կատարում մարզում ստեղծված արտակարգ իրավիճակների հետևանքների վերացման աշխատանքների ընթացքում: Իսկ Ձեր ծառայության կողմից ձեռնարկված կանխարգելիչ միջոցառումների շնորհիվ կարելի է նվազեցնել բնական աղետների հնարավոր վնասները։ Համոզված եմ, որ Դուք հնարավոր ամեն բան կանեք, մարզի ազգաբնակչության անվտանք կենցաղն ու կյանքն ապահովելու նպատակով: Կրկին շնորհավորում եմ ձեզ, մաղթում եմ ամենայն բարիք, անվտանգ և խաղաղ ծառայություն։