Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ամփոփվեց Խորհրդային Միության Հերոս Վահիկ Լևոնյանի անվան վոլեյբոլի հուշամրցաշարի արդյունքները 12.05.2015
Հայրենական մեծ պատերազմում տարած հաղթանակի 70-րդ և Շուշիի ազատագրման 23-րդ տարեդարձերին նվիրված Վայոց ձորում կազմակերպված մարզային միջոցառումների ակորդը տրվեց 2015 թվականի մայիսի 9-ին ՀՀ Վայոց ձորի մարզի Արփի համայնքում տեղի ունեցած տոնական միջոցառումով, որին մասնակցում էին ՀՀ Վայոց ձորի մարզպետ Հարություն Սարգսյանը, ՀՀ պաշտպանության նախարարության 4-րդ բանակային կորպուսի հրամանատար, գեներալ-մայոր Անդրանիկ Մակարյանը, ՀՀ Ազգային անվտանգության ծառայության Վայոց ձորի մարզային վարչության պետ Գագիկ Առաքելյանը, Եղեգնաձորի տարածքային զինկոմիսարը, մարզպետի տեղակալները, Արփի համայնքի ղեկավարը, մարզպետարանի պատասխանատու աշխատակիցներ, ոստիկանության և բանակի բարձրաստիճան սպաներ, Հայրենական Մեծ պատերազմի վետերաններ, Արցախյան Հերոսամարտի ազատամարտիկներ, Արփի համայնքի բնակիչներ, հյուրեր: Հերոսի հուշարձանի մոտ տեղի ունեցավ տոնական միջոցառում, որից հետո` Խորհրդային Միության Հերոս Վահիկ Լևոնյանի անվան վոլեյբոլի հուշամրցաշարի հաղթողների պարգևատրման, առաջնության փոխանցիկ գավաթի և մեդալների հանձնման հանդիսավոր արարողությունը: Մրցաշարի փոխանցիկ գավաթը և ոսկե մեդալը նվաճեց Եղեգնաձոր քաղաքի թիմը, արծաթե մեդալին արժանացան ՀՀ ՊՆ 4-րդ բանակային կորպուսի թիմի զինվորները, բրոնզե մեդալը բաժին հասավ Ազատեկ համայնքի թիմին, իսկ 4-րդ տեղը գրավեց Եղեգնաձորի ,,Գիտելիք,, թիմը: Վահիկ Լևոնյանի հարազատները նույնպես հանդիսությանն անմասն չմնացին, նրանց կողմից շնորհակալագրեր հանձնվեցին միջոցառման կազմակերպիչներին և աջակիցներին:
Հաղթանակի և խաղաղության տոնին նվիրված միջոցառումներ Վայոց ձորի մարզի համայնքներում 11.05.2015
Հաղթանակի և խաղաղության օրվա կապակցությամբ 2015 թվականի մայիսի 8-ին և 9-ին Վայոց ձորի մարզի գրեթե բոլոր համայնքներում կազմակերպվեցին տոնական միջոցոռումներ: Նախորդող ներկայացրել ենք մարզկենտրոն Եղեգնաձորում ՀՀ Վայոց ձորի մարզային իշխանությունների և մարզում տեղակայված ՀՀ ՊՆ 4-րդ բանակային կորպուսի հրամանատարության հետ համատեղ իրականացված տոնական միջոցառումները, նվիրված՝ Հայրենական մեծ պատերազմի հաղթանակի 70-րդ և Շուշիի ազատագրման 23-րդ տարեդարձերին: Ներկայացնում ենք տոների կապակցությամբ մարզի մյուս համայնքներում կազմակերպված միջոցառումները: Վայքի Սուրբ. Տրդատ եկեղեցում (Պատարագիչ՝ Վայքի տարածաշրջանի հոգևոր հովիվ Տ. Մարտիրոս ավագ քահանա Ավետիսյան) և Ջերմուկի Սուրբ. Գայանե եկեղեցում (Պատարագիչ՝ Ջերմուկի տարածաշրջանի հոգևոր հովիվ Տ. Գալուստ քահանա Սահակյան) մատուցվեց Սուրբ. Պատարագ և Հոգեհանգստյան արարողություն՝ ի հիշատակ զոհված ազատամարտիկների: Իսկ համերգային ծրագրեր, պսակադրության արարողություն իրականացվեց և հարգանքի տուրք մատուցվեց ինչպես Վայք և Ջերմուկ քաղաքային, այնպես էլ շուրջ 4 տասնյակ գյուղական համայնքներում:
ՀՀ Վայոց ձորի մարզպետ Հարություն Սարգսյանն ընտրվել է Շախմատի Վայոց ձորի մարզային ֆեդերացիայի նախագահ 11.05.2015
Այսօր՝ մայիսի 11-ին, Վայոց ձորի մարզպետարանում տեղի ունեցավ Շախմատի Վայոց ձորի մարզային ֆեդերացիայի նիստը, որին ներկա էին Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի տնօրեն, միջազգային գրոսմայստեր Սմբատ Լպուտյանը, ՀՀ Վայոց ձորի մարզպետ Հարություն Սարգսյանը, մարզպետի տեղակալ Մելսիկ Հարությունյանը, Շախմատի Վայոց ձորի մարզային ֆեդերացիայի նախագահի տեղակալներ Ջերմուկի քաղաքապետ Վարդան Հովհաննիսյանը, Վայքի քաղաքապետ Արագած Սաղաթելյանը, Եղեգնաձորի քաղաքապետ Դավիթ Հարությունյանը, հանրակրթական դպրոցներում շախմատ դասավանդող ուսուցիչները, մարզադպրոցների շախմատի մարզիչները: Մինչ նիստի օրակարգը ներկայացնելը մարզպետ Հարություն Սարգսյանը ողջունեց հյուրին, ապա մարզում տարվա ընթացքում իրականացված աշխատանքների մասին հաշվետվություն ներկայացնելու համար ձայնը փոխանցեց Հայաստանի շախմատի ակադեմիայի Վայոց ձորի մարզային ներկայացուցիչ Աշոտ Խուդավերդյանին: Մասնակիցներն իրենց հուզող խնդիրներն ուղղեցին Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի տնօրեն Սմբատ Լպուտյանին, ով պատասխանեց բոլոր հարցերին և հավելեց, որ Վայոց ձորի մարզում շախմատի զարգացման տեմպերը գոհացուցիչ չեն, ուստի պիտի անել ամենը շախմատի զարգացման արդյունքները ցանկալի աստիճանի հասցնելու համար: Այնուհետ նիստի մասնակիցները ՀՀ Վայոց ձորի մարզպետ Հարություն Սարգսյանին միաձայն ընտրեցին, Շախմատի Վայոց ձորի մարզային ֆեդերացիայի նախագահ: Հայաստանի շախմատի ակադեմիայի տնօրեն Սմբատ Լպուտյանը շնորհավորեց Հարություն Սարգսյանին Շախմատի Վայոց ձորի մարզային ֆեդերացիայի նախագահի պաշտոնում ընտրվելու կապակցությամբ և հույս հայտնեց, որ համատեղ աշխատանքով կհասնեն ավելի լավ արդյունքների: Հարություն Սարգսյանը շնորհակալություն հայտնեց վստահության համար և վստահեցրեց, որ ամեն կերպ կօժանդակի ՀՀ Վայոց ձորի մարզում շախմատի զարգացման և մասսայականացման գործին:
Միջոցառում՝ նվիրված Հայրենական մեծ պատերազմի հաղթանակի 70-րդ և Շուշիի ազատագրման 23-րդ տարեդարձերին 09.05.2015
Ս/թ մայիսի 8-ին, ՀՀ Վայոց ձորի մարզպետի տեղակալներ Սամվել Թարվերդյանի, Մելս Հարությունյանի, ՀՀ ՊՆ 4-րդ բանակային կորպուսի հրամանատար, գեներալ-մայոր Անդրանիկ Մակարյանի մասնակցությամբ Եղեգնաձորի մշակույթի տան դահլիճում տեղի ունեցավ միջոցառում՝ նվիրված Հայրենական մեծ պատերազմի հաղթանակի 70-րդ և Շուշիի ազատագրման 23-րդ տարեդարձերին: Ներկա էին Եղեգնաձորի տարածաշրջանի հոգևոր հովիվ Տ. Վազգեն քհն. Հովհաննիսյանը, մարզպետարանի պաշտոնյաներ, զինվորականներ, ազատամարտիկներ, ուսուցիչներ, աշակերտներ և այլք: Միջոցառումը կազմակերպվել էր Եղեգնաձորի ավագ դպրոցի և Վայոց ձորի մարզային երիտասարդական կենտրոնի կողմից: Միջոցառման ընթացքում4-րդ բանակային կորպուսի հրամանատար, գեներալ-մայոր Անդրանիկ Մակարյանը պարգևներ հանձնեց նի շարք վետերանների և ազատամարտիկների:
Հիշատակի Հոգեհանգստյան կարգ Եղեգնաձորում 09.05.2015
Եղեգնաձորի Երկրապահ կամավորների հուշարձանի մոտ, մասնակցությամբ ՀՀ Վայոց ձորի մարզպետի տեղակալներ Սամվել Թարվերդյանի, Մելս Հարությունյանի, մարզպետարանի աշխատակազմի ղեկավար Կամո Սահակյանի, Եղեգնաձորի քաղաքապետ Դավիթ Հարությունյանի և հանդիսապետությամբ Վայոց ձորի թեմի փոխառաջնորդ Տ. Զարեհ վրդ. Կաբաղյանի, տեղի ունեցավ Հոգեհանգստյան կարգ՝ ի հիշատակ Հայրենական մեծ պատերազմում զոհվածների, Արցախյան պատերազմում զոհված ազատամարտիկների և զոհված Երկրապահ կամավորականների: Այնուհետ Հայր Սուրբը հանդես եկավ օրհնությամբ: Իսկ վերջում ներկաներին իրենց գեղեցիկ ելույթներով ողջունեցին Եղեգնաձորի թիվ 2 հիմնական դպրոցի և թիվ 5 մանկապարտեզի սաները: Նշենք, որ մինչ հուշարձանի մոտ տեղի ունեցած միջոցառումը, Եղեգնաձորի առաջնորդանիստ Սուրբ. Աստվածածին եկեղեցում Վայոց ձորի թեմի փոխառաջնորդ Տ. Զարեհ վրդ. Կաբաղյանի ձեռամբ մատուցվեց Սուրբ. Պատարագ:
Հաղթանակի և խաղաղության տոնին նվիրված հանդիսություն Եղեգնաձորում 09.05.2015
Հաղթանակի և խաղաղության օրվա առիթով 2015 թվականի մայիսի 9-ին Եղեգնաձոր քաղաքի Հայրենական Մեծ պատերազմի զոհվածների հիշատակը հավերժացնող հաղթական տանկ-հուշարձանին հարող հրապարակում տեղի ունեցավ տոնական միջոցառում, որին մասնակցում էին ՀՀ Վայոց ձորի մարզպետ Հարություն Սարգսյանը, ՀՀ պաշտպանության նախարարության 4-րդ բանակային կորպուսի հրամանատար, գեներալ-մայոր Անդրանիկ Մակարյանը, ՀՀ Ազգային անվտանգության ծառայության Վայոց ձորի մարզային վարչության պետ Գագիկ Առաքելյանը, մարզպետի տեղակալները, Եղեգնաձորի քաղաքապետը, մարզպետարանի պատասխանատու աշխատակիցներ, ոստիկանության և բանակի բարձրաստիճան սպաներ, Հայրենական Մեծ պատերազմի վետերաններ, Արցախյան Հերոսամարտի ազատամարտիկներ, Եղեգնաձոր քաղաքի և հարակից համայնքերի բնակիչներ: Միջոցառմանը շնորհավորական խոսքով հանդես եկան ՀՀ Վայոց ձորի մարզպետ Հարություն Սարգսյանը, ՀՀ պաշտպանության նախարարության 4-րդ բանակային կորպուսի հրամանատար, գեներալ-մայոր Անդրանիկ Մակարյանը, Հայրենական Մեծ պատերազմի վետերան Սարգիս Հարությունյանը, Եղեգնաձորի ավագ դպրոցի պատանի երկրապահ ակումբի անդամ Տիգրան Ղազարյանը: Օրհնության խոսքով հանդես եկավ Վայոց ձորի թեմի փոխառաջնորդ Տ. Զարեհ վրդ. Կաբաղյանը: Միջոցառմանը տոնական շունչ հաղորդեց հնչած երաժշտական կատարումները: Զիվորական շքերթից հետո հանդիսության մասնակիցները մարզպետ Հարություն Սարգսյանի ղեկավարությամբ բարձրացան Հաղթանակի բլուր` ծաղիկներ խոնարհելու և ծաղկեպսակներ դնելու Հայրենական Մեծ պատերազմի զոհվածների հուշարձանին:
