Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի կունենա քաղաքացիների ընդունելություն 13.11.2014
Սահմանված կարգի համաձայն` 2014 թվականի նոյեմբերի 14-ին, ժամը` 14-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, ք. Եղեգնաձոր, Շահումյան փողոց, շենք 5: Մարզպետարանի աշխատակազմի տեղեկատվության և հասարակայնության հետ կապերի բաժին
Երեկ տոնական տրամադրություն էր տիրում Վայքի թիվ 2 հիմնական դպրոցում: Դպրոց էր այցելել ՀՀ Վայոց ձորի նորանշանակ մարզպետ Հարություն Սարգսյանը: Նա հանդիպեց դպրոցի կոլեկտիվի հետ, ծանոթացավ նրանց հոգսերին և դպրոցում առկա խնդիրներին: Մարզպետն ուներ ևս մեկ կարևոր առաքելություն՝ > կրթադաստիարակչական բարեգործական հիմնադրամի կողմից անցկացվող > հեռուստամրցաշարի 2014 թվականի եթերաշրջանի եզրափակիչ փուլում 2-րդ մրցանակի արժանացած թիմին հանձնել կրթադաստիարակչական բարեգործական հիմնադրամի տնօրեն Կարին Տոնոյանի կողմից տրված շնորհագիրը: Հարություն Սարգսյանը շնորհագիրը հանձնեց թիմի ավագ Զոհրակ Կարապետյանին, շնորհավորեց թիմի մասնակիցներին և հաջողություններ մաղթեց: Մարզպետը շնորհակալություն հայտնեց նաև դպրոցի տնօրեն Հովիկ Մնացականյանին և թիմին մրցույթի նախապատրաստող բոլոր ուսուցիչներին, մրցանակային տեղ գրավելու համար:
Իրազեկում 11.11.2014
ՀՀ Վայոց ձորի մարզպետարանի և > ՍՊԸ > ԲԿ-ի միջև ստորագրված փոխըմբռնման հուշագրի համաձայն ՀՀ Վայոց ձորի մարզի Ջերմուկ, Վայք և Եղեգնաձոր քաղաքներում > ՍՊԸ > ԲԿ-ն իրականացնում է > : Սիրով ներկայացնում ենք միջոցառման ժամանակացույցը և հրավիրում առողջական խնդիրներ ունեցող վայոցձորցիներին՝ օգտվելու անվճար բուժօգնությունից:
ՀՀ Վայոց ձորի մարզպետ Հարություն Սարգսյանի ուղերձը Տեղական ինքնակառավարման օրվա կապակցությամբ 10.11.2014
Սիրելի հայրենակիցներ, Նոյեմբերի 10-ը Հայաստանի Հանրապետությունում նշվում է որպես Տեղական ինքնակառավարման օր: Տեղական ինքնակառավարման օրվա կապակցությամբ սրտանց շնորհավորում եմ Վայոց ձորի մարզի բոլոր համայնքների ղեկավարներին, համայնքների ավագանիների անդամներին, համայնքային ծառայողներին, համայնքային ենթակայության կազմակերպությունների աշխատակիցներին: Տեղական ինքնակառավարման օրն իրապես տոն է նաև համայնքների բնակիչների համար, քանզի տեղական ինքնակառավարման մարմինները, որոնք ձևավորվում են նրանց վստահության քվեով, կոչված են լուծելու համայնքի բնակիչների սոցիալական, կենսական, կրթամշակութային և համայնքային նշանակության խնդիրները: Երկրում ժողովրդավարական համակարգի զարգացումը պայմանավորված է նաև ՏԻ մարմինների կողմից իրականացվող հանրային ծառայությունների համալիր կազմակերպմամբ, նրանց կողմից լիազորությունների լիարժեք կատարմամբ, իրավասությունների անթերի իրականացմամբ:
2014 թվականի նոյեմբերի 6-ին ՀՀ տարածքային կառավարման նախարարի պաշտոնակատար Վաչե Տերտերյանը Վայոց ձորի մարզպետարանի աշխատակազմին, հանրապետական գործադիր մարմինների տարածքային ստորաբաժանումների, համայնքների, մարզային ենթակայությամբ գործող կազմակերպությունների ղեկավարներին ներկայացրեց ՀՀ Վայոց ձորի նորանշանակ մարզպետ Հարություն Սարգսյանին: Նորանշանակ մարզպետին ներկայացնելով՝ Վաչե Տերտերյանը նշեց, որ նա ինչպես ՏԻՄ, նմանապես և պետական մարմիններում երկարամյա աշխատանքի փորձ ունի, քաջատեղյակ է մարզում առկա խնդիրներին և վստահություն հայտնեց, որ նրա փորձն ու գիտելիքներն օգտակար կլինեն նոր պաշտոնում ևս հաջողությունների հասնելու համար: Նորանշանակ մարզպետին նա արդյունավետ աշխատանք մաղթեց՝ հույս հայտնելով, որ համայնքների ղեկավարների, մարզային կառույցների հետ համագործակցաբար կհաջողվի կյանքի կոչել մարզի սոցիալ-տնտեսական զարգացմանն ուղղված ծրագրեր:
ՀՀ Վայոց ձորի մարզպետ է նշանակվել Հարություն Սարգսյանը 06.11.2014
2014 թվականի նոյեմբերի 6-ին ՀՀ կառավարության որոշմամբ ՀՀ Վայոց ձորի մարզպետ է նշանակվել Հարություն Վաչագանի Սարգսյանը:
