Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀԱՆԴԻՊՈՒՄ ԱՂԱՎՆԱՁՈՐ ՀԱՄԱՅՆՔՈՒՄ 14.10.2014
2014 թվականի հոկտեմբերի 13-ին ՀՀ Վայոց ձորի մարզպետ Էդգար Ղազարյանը, ՀՀ գյուղատնտեսության նախարարի տեղակալ Ռոբերտ Մակարյանի, մարզպետի տեղակալ Սամվել Թարվերդյանի և մարզպետարանի աշխատակազմի գյուղատնտեսության և բնապահպանության վարչության պետ Մարատ Ներսիսյանի հետ այցելել են Աղավնաձոր համայնք և հանդիպել խաղողի արտադրությամբ զբաղվող այգետերերի հետ: Մարզպետի և գյուղատնտեսության փոխնախարարի կողմից համայնքի բնակիչներին տեղեկատվություն և անհրաժեշտ պարզաբանումներ են տրվել խաղողի ընթացքի մթերումների վիճակի և կազմակերպական հարցերի վերաբերյալ: Հանդիպմանը ներկա ԱՐՄԵՆԻԱ ՎԱՅՆ և ՍՊԱՅԿԱ ընկերությունների ներկայացուցիչներն իրենց հերթին տեղեկատվություն են ներկայացրել ընկերությունների կողմից խաղողի մթերումների գրաֆիկի, պայմանների և մեխանիզմների վերաբերյալ: Համայնքի բնակիչներին տեղեկացվել է, որ ինչպես նախորդ տարիներին, այնպես էլ այս տարի, խաղողի ողջ խմբաքանակը մթերվելու է համապատասխան կազմակերպությունների կողմից:
ԸՆԹԱՆՈՒՄ Է ԳՅՈՒՂԱՏՆՏԵՍՈՒԹՅԱՆ ՀԱՄԱՏԱՐԱԾ ՀԱՇՎԱՌՈՒՄ 14.10.2014
2014 թվականի հոկտեմբերի 13-ին ՀՀ Վայոց ձորի մարզպետ, գյուղատնտեսության համատարած հաշվառման Վայոց ձորի մարզային հանձնաժողովի նախագահ Էդգար Ղազարյանը, մարզպետի տեղակալ Սամվել Թարվերդյանի և մարզպետարանի աշխատակազմի գյուղատնտեսության և բնապահպանության վարչության պետ Մարատ Ներսիսյանի ուղեկցությամբ այցելել է ՀՀ Ազգային վիճակագրական ծառայության Վայոց ձորի մարզային ստորաբաժանում և ծանոթացել 2014 թվականի հոկտեմբերի 11-ից մեկնարկած գյուղատնտեսության համատարած հաշվառման աշխատանքների ընթացքին: Է.Ղազարյանը ծանոթացել է հաշվառման ընթացքում կիրառվող փաստաթղթերին և ընթացակարգերին: ՀՀ Ազգային վիճակագրական ծառայության Վայոց ձորի մարզային ստորաբաժան ղեկավար Առուշան Ղազարյանը մարզպետին զեկուցել է, որ աշխատանքներն ընթանում են սահուն գրաֆիկով, հաշվարարների և կազմակերպիչների համար ստեղծված են աշխատանքի բոլոր անհրաժեշտ պայմանները և հաշվառման բնականոն ընթացքին ներկա պահին որևէ խոչըդոտ չի սպառնում:
ՀԱՆԴԻՊՈՒՄ ՏԱՐԲԵՐ ՄԱՐԶԵՐԻ ՀԱՄԱՅՆՔԻ ԱՎԱԳԱՆԻՆԵՐԻ ԿԻՆ ԱՆԴԱՄՆԵՐԻ ՀԵՏ 14.10.2014
2014 թվականի հոկտեմբերի 14-ին ՀՀ Վայոց ձորի մարզպետ Էդգար Ղազարյանն ընդունեց Համալսարանական կրթությամբ կանանց ասոցիացիայի կողմից ՀՀ տարածքային կառավարման նախարարության հետ համատեղ ՄԱԿ-ի Զարգացման ծրագրի կողմից Եվրոպական Միության ֆինանսավորմամբ իրականացվող “Հավասար իրավունքների և հավասար հնարավորությունների խթանում Հայաստանում. Կանայք տեղական ժողովրդավարական գործընթացներում” ծրագրի շրջանակներում ՀՀ Վայոց ձորի մարզի Գոմք գյուղական համայնք այցելելու նպատակով ժամանած համայնքների ավագանիների կին անդամներին: Հանդիպմանը մասնակցում էին ՀՀ Արարատի, Արմավիրի, Լոռու, Կոտայքի և Վայոց ձորի մարզերի համայնքների ավագանիների շուրջ 20 անդամներ: Հանդիպման ընթացքում քննարկվեցին հյուրերին հուզող բազամթիվ խնդիրներ, որոնք վերաբերում էին տեղական ինքնակառավարման համակարգում կանանաց դերի բարձրացմանը, համայնքի ավագանիների ազդեցության և նշանակության մեծացմանը, տեղական ինքնակառավարման բնագավառում իրականացվելիք բարեփոխումների, կրթության խնդիրներին և այլն: Մասնակցիների խնդրանքով Է.Ղազարյանը ներկայացրեց նաև ՀՀ Վայոց ձորի մարզի սոցիալ-տնտեսական իրավիճակը և պատասխանեց նրանց հուզող բազմաթիվ հարցերին: Նույն օրը հյուրերն այցելեցին Գոմք համայնք՝ ծանոթանալու տեղական ինքնակառավարման և մասնակցային ժողովրդավարության հաջող օրինակին:
ՀԱՆԴԻՊՈՒՄ ՀԱՄԱՅՆՔԻ ԱՎԱԳԱՆԻՆԵՐԻ ԿԻՆ ԱՆԴԱՄՆԵՐԻ ՀԵՏ 14.10.2014
2014 թվականի հոկտեմբերի 14-ին Գյուղի կանանց միջազգային օրվան ընդառաջ ՀՀ Վայոց ձորի մարզպետ Էդգար Ղազարյանը հանդիպում ունեցավ ՀՀ Վայոց ձորի մարզի տարբեր համայնքների ավագանիների կին անդամների հետ: Հանդիպմանը մասնակցում էին ՀՀ Վայոց ձորի մարզպետի տեղակալներ Արամ Գրիգորյանն ու Մելսիկ Հարությունյանը, մարզպետարանի աշխատակազմի Տեղական ինքնակառավարման և հանրապետական գործադիր մարմինների հարցերով վարչության պետ Նորիկ Սիմոնյանը և Ընտանիքի, կանանց և երեխաների իրավունքների պաշտպանության բաժնի պետ Վարդգես Իսախանյանը, համայնքի ավագանու անդամներ Եղեգնաձոր, Վայք, Արենի, Գոմք, Հերմոն, Նոր Ազնաբերդ, Քարագլուխ, Աղնջաձոր համայնքներից: Հանդիպման ընթացքում քննարկվեց կանանց դերակատարման կարևորությունը համայնքային կյանքում, իսկ ավագանիների կին անդամները ներկայացրեցին իրենց կողմից իրականացվող աշխատանքները, ծրագրերը և համայնքների հուզող խնդիրները:
Հանդիպում Սոպոտի քաղաքապետի հետ 09.10.2014
2014 թվականի հոկտեմբերի 8-ին ՀՀ տարածքային կառավարման նախարարի առաջին տեղակալ Վաչե Տերտերյանի մոտ տեղի ունեցավ հանդիպում Լեհաստանի առաջին տիկին Աննա Կամարովսկայայի այցի շրջանակներում Հայաստան ժամանած Սոպոտի քաղաքապետ Ժակեք Կարնովսկու հետ: Հանդիպմանը ներկա էին ՀՀ Վայոց ձորի մարզպետ Էդգար Ղազարյանը, ՀՀ տարածքային կառավարման նախարարության աշխատակազմի տեղական ինքնակառավարման հարցերի վարչության պետ Աշոտ Գիլոյանը, Սոպոտի քաղաքապետարանի պատասխանատուներ: Հանդիպման ընթացքում քննարկվեցին տարածքային և տեղական իշխանությունների միջև հայ-լեհական ապակենտրոնացված համագործակցության խնդիրներ: Անդրադարձ եղավ նաև Եվրոմիության կողմից իրականացվող ծրագրերում Սոպոտի և Հայաստանի համայնքների, մասնավորապես, ՀՀ Վայոց ձորի մարզի քաղաքների համատեղ համագործակցության հնարավորություններին և հեռանկարներին:
Լեհաստանի առաջին տիկնոջ այցը Վայոց ձորի մարզ 09.10.2014
2014 թվականի հոկտեմբերի 8-ին ՀՀ Վայոց ձորի մարզ էին այցելել Լեհաստանի Հանրապետության առաջին տիկին Աննա Կամարովսկայան և նրան ուղեկցող պատվիրակության անդամները: Արենի գյուղի մոտ Լեհաստանի առաջին տիկնոջը աղ ու հացով դիմավորեցին Արենի համայնքի պարի խմբի սաները, ՀՀ Վայոց ձորի մարզպետ Էդգար Ղազարյանը՝ տիկնոջ՝ Մարիաննա Ղազարյանի հետ: Մարզպետի ուղեկցությամբ հյուրերն այցելեցին ԱՐԵՆԻ-1 հնագիտական քարանձավ, որտեղ մասնագետների կողմից նրանց ներկայացվեցին քարանձավում կատարաված պեղումների արդյունքները: Այնուհետև հյուրերը եղան Նորավանքի վանական համալիրում, որտեղ Տեր Սահակ քահանա Մարտիրոսյանը ներկայացրեց Նորավանքի պատմությունը: Նորավանքի տարածքում գտնվող Մոմիկի թանգարանում հյուրերը ծանոթացան միջնադարյան հայ ճարտարապետության և մանրանկարչության պատմությանը: Այցի ավարտին Տիկին Կամարովսկայան և նրան ուղեկցող պատվիրակության անդամներն այցելեցին Արենի գինու գործարան, ծանոթացան լավաշի պատրաստման արարողությանը, համտեսեցին Վայոց ձորում արտադրված գինիները և ունկնդրեցին Եղեգնաձորի երաժշտական դպրոցի կողմից պատրաստվա
