Վայոց ձորի մարզպետի աշխատակազմ

2015 թվականի դեկտեմբերի 28-ին կայացավ ՀՀ Վայոց ձորի մարզպետարանի ներքին աուդիտի կոմիտեի հերթական նիստը` կոմիտեի նախագահ Հարություն Սարգսյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալՍամվել Թարվերդյանը, Մելս Հարությունյանը, մարզպետարանի աշխատակազմի իրավաբանական բաժնի պետ Նարինե Մաղաքյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի համապատասխան ստորաբաժանումների ղեկավարներ, ինչպես նաև այն կազմակերպությունների ղեկավարները, որտեղ իրականացվել է աուդիտ:
Օրակարգում ներառված էր՝ 2015թ.-ի ներքին աուդիտի հաստատված ծրագրով, <<Եղեգնաձորի թիվ 2 հիմնական դպրոց>>, <<Եղեգնաձորի մշակույթի կենտրոն>>, <<Եղեգնաձորի երաժշտական դպրոց>> ՊՈԱԿ-ներում իրականացված ֆինանսական աուդիտի, մարզպետարանի 4-րդ եռամսյակի գնումների գործընթացի համապատասխանության աուդիտի հաշվետվությունների ներկայացում, 2016-2018թ.թ.-ի ներքին աուդիտի ռազմավարական ծրագրի նախագծի և 2016թ.-ի ներքին աուդիտի տարեկան ծրագրի նախագծի քննարկում:

Հարցերը ներկայացրեց մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Քննարկվող հարցերի շուրջ արտահայտվեցին Ներքին աուդիտի կոմիտեի նախագահ, ՀՀ Վայոց ձորի մարզպետ Հարություն Սարգսյանը, անդամներ՝ մարզպետի տեղակալներ Սամվել Թարվերդյանը և Մելս Հարությունյանը:
Նիստը ո ր ո շ ե ց`
Առաջարկել՝
1.Ներքին աուդիտի բաժնին՝ ըստ կազմակերպությունների հաշվետվություններում արձանագրված թերությունների և խախտումների վերացման ուղղությամբ իրականացնել խորհրդատվություն:

Հանձնարարել՝

2.ՊՈԱԿ-ների տնօրեններին ապահովել ֆինանսական միջոցների օգտավետ կառավարում: Հաստատված նախահաշիվներով նախատեսված գումարները ծախսել ամբողջությամբ թույլ չտալ դրամական միջոցներով չապահովված կրեդիտորական պարտքերի առկայություն: 1 ամսյա պարբերականությամբ ներկայացնել տեղեկատվություն հանձնարարականների կատարման վերաբերյալ:

3.Տալ հավանություն 2016-2018թ.թ.-ի ներքին աուդիտի ռազմավարական ծրագրի նախագծին և 2016թ.-ի ներքին աուդիտի տարեկան ծրագրի նախագծին: