Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ազատամարտիկների երեխաները և թոռնիկները ամառային հանգիստն անցկացրել են Սոչի քաղաքում 08.09.2015
2015 թվականի օգոստոսի 15-30-ը ՀՀ սփյուռքի նախարարության աջակցությամբ Ռուսաաստանի Դաշնության Սոչի քաղաքում իրենց ամառային հանգիստն են անցկացրել հանրապետության տարբեր մարզերի մի խումբ դպրոցահասակ երեխաներ, որոնք ազատամարտիկներիի երեխաներ են կամ թոռնիկներ: Սոչիում երեխաների հանգիստը, այցերը տարբեր տեսարժան վայրեր իրականցվել են ռուսաստանաբնակ հայ բարերար Վալերի Մուրադյանի անմիջական աջակցությամբ և հովանավորությամբ: Վայոց ձորի մարզից Սոչի է մեկնել Վայքի ավագ դպորցի սան, Հարություն Հակոբյանը, որը ազատամարտիկ, Երկրապահ կամավորների միության անդամ Նարիբեկ Հակոբյանի թոռնիկն է: Այսօր` սեպտեմբերի 8-ին, ՀՀ Վայոց ձորի մարզպետ Հարություն Սարգսյանն ընդունեց Հարություն Հակոբյանին: Հանդիպման ժամանակ Հարությունը կիսվեց իր տպավորություններով և ամոռանալի հուշերով, պատմեց ձեռք բերած գիտելիքների, նոր ծանոթությունների և ընկերների մասին: Հարությունը մարզպետին փոխանցեց իր պապիկի և ծնողների երախտագիտությունը` իրենց զավակին նման հնարավորություն ընձեռելու համար: Տեղեկացնենք, որ հանդիպմանը մասնակցում էին ՀՀ Վայոց ձորի մարզպետարանի աշխատակազմի կրության, մշակույթի և սպորտի վարչության պետ Արփիար Ղազարյանը և Վայք քաղաքի ավագ դպրոցի տնօրեն Թարո Հակոբյանը:
Անցկացվեց գործակարգավարական հերթական խորհրդակցությունը 07.09.2015
Սեպտեմբերի 7-ին ՀՀ Վայոց ձորի մարզպետ Հարություն Սարգսյանը մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական գործակարգավարական խորհրդակցությունը: Ստորաբաժանումների ղեկավարները ներկայացրեցին նախորդ խորհրդակցությանն արձանագրված հանձնարարականների կատարման ընթացքը, անցած շաբաթվա ընթացքում կատարած աշխատանքները և ընթացիկ շաբաթում իրականացվելիք անելիքներն ու ծրագրերը: Մարզպետ Հ. Սարգսյանը խորհրդակցությունը սկսեց Հայաստանի Հանրապետությում սեպտեմբերի 3-6-ը կազմակերպված "Շանթ-2015" ռազմավարական հրամանատարաշտաբային զորավարժությունների արդյունքների ամփոփմամբ: Ընդհանուր առմամբ բավարար գնահատելով իրականացված աշխատանքները, մարզպետ Հ. Սարգսյանը հատուկ ուշադրություն հրավիրեց զորավարժությունների ընթացքում տեղ գտած թերությունների և բացթողումների վրա` համապատասխան հանձնարարականներ տալով դրանց սեղմ ժամկետներում վերացման ուղղությամբ: Մարզպետ Հ. Սարգսյանը հանձնարարեց ՀՀ կառավարության հրատապ ծրագրերով նախատեսված աշխատանքներն իրականացնել ժամանակին և պատշաճ մակարդակով: Մարզպետը հանձնարարեց նաև աջակցել գյուղացիական տնտեսություններին վար ու ցանքի աշխատանքների իրականացման ընթացքում: Մարզի ղեկավարը Կրթության, մշակույթի և սպորտի վարչության պետին հանձնարարեց նախապատրաստական աշխատանքներ իրականացնել Հայաստանի Հանրապետության անկախության տոնի, ինչպես նաև հոկտեմբեր ամսին կայանալիք Գինու և բերքի տոնի միջոցառումների կազմակերպման և անցկացման ուղղությամբ: Մարզպետ Հ. Սարգսյանը ստորաբաժանումների ղեկավարներին տվեց համապատասխան հանձնարարականներ` ուղղված ոլորտային խնդիրների լուծմանը:
ՀՀ Վայոց ձորի մարզում ավարտվեցին "Շանթ-2015" ռազմավարական հրամանատարաշտաբային զորավարժությունները 07.09.2015
Ինչպես հայտնի է, Հայաստանի Հանրապետությում սեպտեմբերի 3-ին մեկնարկեցին "Շանթ-2015" ռազմավարական հրամանատարաշտաբային զորավարժությունները, որում ընդգրկված էին նաև Վայոց ձորի մարզի տարածքային կառավարման և տեղական ինքնակառավարման մարմինները, պետական կառույցները: Վայոց ձորի մարզում զորավարժություններն անցկացվեցին սեպտեմբերի 3-6-ը: Զորավարժություններում ընդգրկված բոլոր պետական կառույցներին առաջադրվեցին խաղարկային խնդիրներ և առաջադրանքներ, որոնք համապատասխան մարմինների կողմից իրականացվեցին պատշաճ մակարդակով և սահմանված ժամկետներում: Ամփոփելով զորավարժությունների արդյունքները, մարզպետ Հարություն Սարգսյանը նշեց, որ զորավարժությունները նպաստում են մարզի բնակչության իրազեկության մակարդակի բարձրացմանը, պետական կառույցների փոխգործակցությանը և արտակարգ իրավիճակներում համապատասխան քայլերի ձեռնարկման և իրականացման ունակության վերստուգմանը:
Ծաղկաձորում մեկնարկել է "Լավագույն մարզական ընտանիք- 2015" մրցույթի հանրապետական փուլը 07.09.2015
Սեպտեմբերի 6-ին Ծաղկաձորի գլխավոր մարզաբազա է մեկնել ՀՀ Վայոց ձորի մարզի` ՀՀ Նախագահի մրցանակի համար անցկացվող "Լավագույն մարզական ընտանիք- 2015" մրցույթի հանրապետական փուլ անցած 12 ընտանիք: Վայոց ձորի պատվիրակության ղեկավար, ՀՀ Վայոց ձորի մարզպետարանի կրթության, մշակույթի և սպորտի վարչության գլխավոր մասնագետ Աղասի Հովհաննիսյանի տեղեկությամբ վայոցձորցիները մարտական են տրամադրված և պայքարելու են հաղթանակի համար: Մրցույթն անցկացվում է չորս տարիքային խմբերով` խաղային փոխանցումավազք 30մ, վարժություն բասկետբոլի գնդակով, խաղային փոխանցումավազք թենիսի գնդակներով, հեռացատկ (տեղից), խաղային փոխանցումավազք 80մ (15մ+25մ+40մ), հավաքիր "ՀԱՂԹԱՆԱԿ" բառը և հրաձգություն (վերջինս երրորդ ու չորրորդ տարիքային խմբերի համար օդամղիչ հրացանով) մրցաձևերից: Հիշեցնենք, որ Վայոց ձորից հանրապետական փուլ են անցել 13 ընտանիք, որոնցից մեկը հաշմանդամ ունեցող ընտանիք է: Վերջինս Վայոց ձորի պատվիրակությանը կմիանա սեպտեմբերի 8-ին: Տեղեկացնենք, որ հաշմանդամ ունեցող ընտանիքները այս մրցույթին մասնակցում են 2014 թվականից:
ՀՀ Վայոց ձորի մարզպետ Հարություն Սարգսյանի ուղերձը՝ ՀՀ ՏԿԱԻՆ աշխատակցի օրվա կապակցությամբ 04.09.2015
Սեպտեմբերի 4-ը Հայաստանի Հանրապետությունում նշվում է որպես ՀՀ ՏԿԱԻՆ աշխատողի օր: Մասնագիտական տոնի կապակցությամբ շնորհավորում եմ ՏԿԱԻՆ Վայոց ձորի մարզային փրկարարական վարչության աշխատակիցներին: Փրկարար ծառայության հարգելի աշխատակիցներ, բարձր գնահատելով ձեր դերը՝ մարզում ստեղծված արտակարգ իրավիճակների ժամանակ մեր բնակչության անվտանգության ապահովման և արտակարգ իրավիճակների հետևանքների վերացման աշխատանքների ընթացքում, ձեզ մաղթում եմ անվտանգ աշխատանք, ձեր ընտանիքներին՝ երջանկաբեր բարօրություն: Համոզված եմ, որ արժանապատվորեն կրելով փրկարարի պատվաբեր կոչումը, դուք պատրաստ եք ցանկացած պահի անձնազոհության գնով անգամ ապհովել մարզի բնակչության անվտանգ կյանքն ու բնականոն կենցաղավարությունը, քանզի դա է փաստում Վայոց ձորի մարզային փրկարարական ծառայության կողմից բնական աղետների հետևանքները հնարավորինս նվազեցնելու նպատակով իրականացվող կանխարգելիչ միջոցառումերը: Կրկին շնորհավորում եմ ձեզ մասնագիտական տոնի կապակցությամբ, մաղթում եմ խաղաղ ծառայություն և անվտանգ գործունեություն:
ՀՀ մշակույթի նախարարի աշխատանքային այցը՝ Վայոց ձոր 03.09.2015
2015 թվականի սեպտեմբերի 2-ին աշխատանքային այցով ՀՀ Վայոց ձորի մարզում էր ՀՀ մշակույթի նախարար Հասմիկ Պողոսյանը, ուղեկցությամբ՝ Հայաստանի կոմպոզիտորների միության նախագահ Արամ Սաթյանի: Մարզում ՀՀ Վայոց ձորի մարզպետ Հարություն Սարգսյանի ուղեկցությամբ նրանք այցելեցին Վայքի քաղաքային մշակույթի տուն, արվեստի դպրոց և գրադարան:Վայքի արվեստի դպրոցի սաները փոքրիկ համերգային կատարումով հանդես եկան հյուրերի առջև: Այնուհետև այցելեցին Եղեգնաձորի մարզային մշակույթի կենրտրոն, որտեղ նախարարին ընդունեցին ավանդական աղ ու հացով և մշակույթի կենտրոնում գործող ,,Արմենիան ղողանջներ,, երգչախմբի գեղեցիկ կատարումով: Նախարարն այցելեց նաև նույն շենքում տեղակայված ,,Վայոց ձորի մարզային գրադարան,, ՊՈԱԿ: Նախարարի վերջին կանգառը Եղեգնաձորի երաժշտական դպրոցն էր, որտեղ բացվել էր Աղավնաձորի Մուրադ Սարգսյանի անվան արվեստի, Եղեգնաձորի գեղարվեստի և Ջերմուկի թիվ 2 արվեստի դպրոցի սաների նկարների և ձեռարվեստի գործերի ցուցահանդես: Այստեղ նույնպես հյուրերին ընդունեցին փոքրիկ համերգային կատարումներով: Հ . Պողոսյանը շրջայց կատարեց այցելած մշակութային բոլոր հաստատություններում, ծանոթացավ աշխատանքային և շենքային պայմաններին: Հանդիպումների ընթացքում քննարկվեցին Վայոց ձորի մարզի մշակութային կյանքին վերաբերող և հաստատությունների պայմանների բարելավման հետ կապված մի շարք հարցեր:
