Տեղեկատվական կենտրոն
Նորություններ
Հանդիպում Վայոց ձորի մարզպետ Հարություն Սարգսյանի մոտ 17.02.2016
Այսօր ՀՀ Վայոց ձորի մարզպետ Հարություն Սարգսյանն ընդունեց Աղետների ռիսկի նվազեցման ազգային պլատֆորմ (,,Առնապ,,) հիմնադրամի տնօրեն Մովսես Պողոսյանին: Հանդիպմանը մասնակցում էին ՀՀ Վայոց ձորի մարզպետի տեղակալ Սամվել Թարվերդյանը և ՀՀ ՏԿԱԻՆ Վայոց ձորի մարզային փրկարարական վարչության պետ, փ/ծ փոխգնդապետ Տիգրան Պետրոսյանը: Հանդիպման ընթացքում քննարկվեց սահմանամերձ Խաչիկ համայնքում ժամանակակից ազդարարման համակարգի տեղադրման ծրագիրը, որը ֆինանսավորվում է Եվրոպայում անվտանգության և համագործակցության կազմակերպության (ԵԱՀԿ) երևանյան գրասենյակի կողմից: Ծրագիրը մեկնարկել է փետրվար ամսվա սկզբին: Համակարգը կմիացվի մարզային և հանրապետական կենտրոնացված համակարգին: Ծրագրով նախատեսվում է նաև ազդարարման համակարգը սպասարկող անձնակազմի ուսուցում: Հիմնադրամի տնօրեն Մ. Պողոսյանի խոսքով ծրագիրը ավարտին կհասցվի երկու ամսվա ընթացքում:
Այսօր՝ փետրվարի 16-ին ՀՀ Վայոց ձորի մարզպետ Հարություն Սարգսյանի մոտ կայացավ խորհրդակցություն, նվիրված Վայքի տարածրջանի համայնքներում 2016 թվականին վարելահողերի նպատակային օգտագործման ավելացման հարցերին: Խորհրդակցությանը մասնակցում էին մարզպետի տեղակալ Սամվել Թարվերդյանը, մարզպետարանի աշխատակազմի գյուղատնտեսության և բնապահպանության վարչություն պետ Մարատ Ներսիսյանը, ՏԻ և ՀԳՄ հարցերով վարչության պետ Նորայր Սիմոնյանը և Վայքի տարածաշրջանի մի շարք համայնքների ղեկավարներ: Առանձին-առանձին համայնքների ղեկավարների հետ քննարկվեց տվյալ համայնքում առկա վարելահողերի օգտագործման ավելացման առավելագույն հնարավորությունները: Հանձնարարվեց վարելահողերի օգտագործման ավելացման նպատակով կատարել գործուն քայլեր, որպեսզի կարողանալ հնարավորինս ապահովել համայնքի բնակիչների գոնե մի մասի հացահատիկային մթերքների պահանջարկը: Քննարկվեց նաև մարզի հողօգտագործողներին պետական աջակցության ծրագրի շրջանակում հատկացվող սերմերի, դիզելային վառելանյութի և պարարտանյութերի տրամադրման, բաշխման հետ կապված հարցեր:
Տեղի ունեցավ քաղաքացիների փետրվար ամսվա ընդունելությունը 16.02.2016
2016 թվականի փետրվարի 12-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ քաղաքացիների հերթական ընդունելությունը: Ընդունելության համար ցուցակագրվել էր 184 քաղաքացի, ընդունելության էին եկել 192-ը: Դրամական աջակցության խնդրանքով դիմել էին 190 քաղաքացիներ, որոնց խնդրանքը բավարարվեց: 2 քաղաքացիներ դիմել էին այլ խնդիրներով՝ աշխատանքի տեղավորման և բնակարանի ձեռք բերման հարցերով: Նշված քաղաքացիների կողմից բարձրացված հարցերին լուծում տալու նպատակով հանձնարարություններ տրվեցին մարզպետարանի աշխատակազմի համապատասխան ստորաբաժանումների ղեկավարներին՝ ուսումնասիրել, օրենքով սահմանված կարգով և նախատեսված ժամկետներում պատասխանել այլ հարցերով դիմած քաղաքացիներին:
Տեղի ունեցավ գործակարգավարական հերթական խորհրդակցությունը 15.02.2016
Փետրվարի 15-ին ՀՀ Վայոց ձորի մարզպետ Հարություն Սարգսյանն անցկացրեց գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և ստորաբաժանումների պետերը: Ստորաբաժանումների ղեկավարները ներկայացրին ընթացիկ շաբաթվա ընթացքում կատարվելիք աշխատանքները, ինչպես նաև նախորդ խորհրդակցության ժամանակ արձանագրված և նախորդ շաբաթվա ընթացքում ստացած հանձնարարականների կատարման ընթացքը: Մարզպետ Հ. Սարգսյանը հետաքրքրվեց դպրոցներում ու նախադպրոցական ուսումնական հաստատություններում ուսումնական պարապմունքներ իրականացնելու համար նորմայով նախատեսված ջերմապահովման գործընթացով և առողջապահական կազմակերպություններում տիրող իրավիճակով: Մարզպետը հանձնարարեց առողջապահության և սոցիալական ապահովության վարչության պետին՝ քննարկել մարզի առողջապահական գլոբալ բյուջեում տեղի ունեցած փոփոխությունները և առողջապահական կազմակերպությունների կողմից նշված բյուջեի փոփոխություններին համաձայն գործունեություն իրականացնելուն միտված քայլերը:
Վայոց ձորի մարզպետարանում շարունակվում է աշխատակազմի ստորաբաժանումների 2015թ. գործունեության հաշվետվությունների ներկայացման գործընթացը: Փետրվարի 15-ին ՀՀ Վայոց ձորի մարզպետ Հարություն Սարգսյանի մոտ 2015թ. գործունեության հաշվետվությունը ներկայացրեց աշխատակազմի ֆինանսական և սոցիալ տնտեսական զարգացման վարչության պետին փոխարինող Անահիտ Սարգսյանը: Հաշվետվությանը ներկա էին ոլորտը համակարգող փոխմարզպետ Սամվել Թարվերդյանը, աշխատակազմի ղեկավար Կամո Սահակյանը, վարչության աշխատակիցները,...
Փետրվարի 15-ին ՀՀ Վայոց ձորի մարզպետ Հարություն Սարգսյանի մոտ 2015թ. գործունեության հաշվետվությունը ներկայացրեց նաև աշխատակազմի ՏԻ և ՀԳՄ հարցերով վարչությունը: Վարչության պետ Նորայր Սիմոնյանը նախ առանձին-առանձին ներկայացրեց վարչության աշխատակիցների գործառույթները, ապա հանդես եկավ հաշվետվությամբ: Հաշվետվությանը ներկա էին ոլորտը համակարգող փոխմարզպետ Սամվել Թարվերդյանը, աշխատակազմի ղեկավար Կամո Սահակյանը, վարչության աշխատակիցները, ԶԼՄ ներկայացուցիչներ: Անդրադարձ եղավ ՏԻ...