Վայոց ձորի մարզպետի աշխատակազմ

   ՀՀ ներքին գործերի նախարարության ոստիկանության հարգելի՛ ծառայողներ, շնորհավորում եմ ձեզ Ոստիկանության մասնագիտական տոնի առթիվ։
   Անգնահատելի է այն մեծածավալ աշխատանքը, որ կատարում եք հասարակության անվտանգության ապահովման, օրենքի, ներքին անվտանգության և հասարակական կարգի պահպանման գործում, անհերքելի են այն ամենօրյա ջանքերը, որ ներդնում եք համակարգի առջև դրված խնդիրների հաղթահարման, ներքին կայունության պահպանման, ոլորտի զարգացման ճանապարհին։
   Բարձր գնահատանքի են արժանի ձեր արհեստավարժությունը և սկզբունքայնությունը, մասնագիտական գիտելիքները և կարողությունները, նվիրվածությունը և պատասխանատվությունը։
   Հարգելի՛ ոստիկաններ, մաղթում եմ ձեզ անփորձանք ծառայություն և մասնագիտական հաջողություններ։ Շարունակե՛ք նույն վճռականությամբ և պատվախնդրությամբ, բարձր գիտակցությամբ և արժանապատվությամբ ծառայել պետության և հասարակության շահերին, ձեր ավանդն ունենալ պետականաշինության կարևորագույն գործում։