Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Lydian International ընկերության ղեկավարների հետ 26.03.2014
Երևանում ընթացող > խորագիրը կրող միջազգային համաժողովի շրջանակներում 2014 թվականի մարտի 25-ին ՀՀ Վայոց ձորի մարզպետ Էդգար Ղազարյանը հանդիպում ունեցավ Lydian International նախագահ Հովարդ Ստեվենսոնի, գործադիր փոխնախագահ Դիդիեր Ֆոհլենի և > ընկերության գլխավոր տնօրեն Հայկ Ալոյանի հետ:Հանդիպման ընթացքում քննարկվել են ընկերության առաջիկա գործունեության և ներդրումային ծրագրերին առնչվող հարցեր: Առանձին անդրադարձ է կատարվել ընկերության կողմից ՀՀ Վայոց ձորի մարզի Ջերմուկ, Գնդեվազ և Սարավան համայնքներում իրականացվող սոցիալական ծրագրերին, ինչպես նաև Ջերմուկ քաղաքի ռազմավարական զարգացման ծրագրով նախատեսված զբոսաշրջության ոլորտում իրականացվելիք ներդրումային ծրագրերին:
ՀՀ Վայոց ձորի մարզպետ Էդգար Ղազարյանը ս/թ մարտի 25-26-ը Երևանի Արմենիա Մարիոթ հյուրանոցում մասնակցում է > խորագիրը կրող միջազգային համաժողովին: Համաժողովին ողջույնի խոսքով հանդես են եկել ՀՀ էներգետիկայի և բնական պաշարների նախարար Արմեն Մովսիսյանը, ՀՀ էկոնոմիկայի նախարար Վահրամ Ավանեսյանը, Համաշխարհային բանկի Հայաստանի գրասենյակի ղեկավար Ժան-Միշել Հապին, ՀՀ-ում ԱՄՆ արտակարգ և լիազոր դեսպան Ջոն Հեֆֆերնը, ՀՀ-ում Մեծ Բրիտանիայի արտակարգ և լիազոր դեսպան Քեթրին Ջեյն Լիչը, ՀՀ-ում Գերմանիայի Դաշնային Հանրապետության արտակարգ և լիազոր դեսպան Ռայներ Մորելը, ՌԴ-ում Կանադայի դեսպանության խորհրդական Դեյվիդ Մալեթը:
ՀՀ Վայոց ձորի մարզպետը մասնակցել է Անդրանիկ Մարգարյանի հիշատակին մատուցված հարգանքի տուրքին 25.03.2014
ՀՀ վարչապետ երջանկահիշատակ Անդրանիկ Մարգարյանի մահվան 7-րդ տարելիցի կապակցությամբ Երևանի քաղաքապետ Տարոն Մարգարյանը երկրի բարձրագույն ղեկավարության, ընտանիքի անդամների և հարյուրավոր քաղաքացիների հետ այցելել է Կոմիտասի անվան պանթեոն, հարգանքի տուրք մատուցել պետական, քաղաքական գործչի հիշատակին: Հայ Առաքելական եկեղեցու սպասավորների կողմից երջանկահիշատակ վարչապետի շիրմի մոտ մատուցվել է հոգեհանգստյան կարգ: Այնուհետ ներկաները ծաղիկներ են դրել երջանկահիշատակ վարչապետի շիրիմին ու խնկարկել Անդրանիկ Մարգարյանի հոգու հանգստյան համար: Ներկաներից շատերը հիշողություններ են պատմել լավ մարդու, պատասխանատու պաշտոնյայի, նվիրյալ ազգային գործչի և կուսակցական սիրելի առաջնորդի մասին: Բոլորն ընդգծել են, որ լուսահոգի վարչապետ Անդրանիկ Մարգարյանը պատգամում էր ամեն ինչ անել պետության հզորացման համար, որպեսզի յուրաքանչյուր քաղաքացի իրեն զգա լիարժեք ու իր ներդրումն ունենա պետության զարգացման գործում։ Հարգանքի տուրքի արարողությանը մասնակցել է նաև ՀՀ Վայոց ձորի մարզպետ Էդգար Ղազարյանը:
Սանիտարական մաքրման աշխատանքներ և ծառատունկ Թանահատի և Սուրբ Խաչ եկեղեցիների շրջակայքում 24.03.2014
ՀՀԿ Վայոց ձորի մարզային երիտասարդական կազմակերպությունը մարտի 22-ին ծառատունկ և սանիտարական մաքրման աշխատանքներ է կատարել Թանահատի և Սուրբ Խաչ եկեղեցիների շրջակայքում: Միջոցառմանը մասնակցել են Գլաձոր և Վերնաշեն համայնքների ղեկավարները, ՀԵՀ Վայոց ձորի մարզային երիտասարդական կենտրոնը, Շատին և Վերնաշեն համայնքների միջնակարգ դպրոցների 11-րդ դասարանների աշակերտները: Միջոցառման ընթացքում > պատմամշակութային արգելոց-թանգարանի վարիչ Բորիս Քոչարյանը ներկայացրել է եկեղեցիների կառուցման, Թանահատի եկեղեցում Գլաձորի համալսարանի գործունեության տարիների պատմությունը: Միջոցառումը հովանավորել են ՀՀ Վայոց ձորի մարզպետարանը, ՀՀԿ Վայոց ձորի մարզային խորհուրդը, Գլաձոր և Վերնաշեն համայնքների ղեկավարները:
Ստեղծվել է ՀՀ Վայոց ձորի մարզպետին առընթեր երիտասարդական խորհուրդ 24.03.2014
Ղեկավարվելով Հայաստանի Հանրապետության Նախագահի 1997թ. մայիսի 6-ի ՆՀ- 728 հրամանագրի 1.6-րդ կետի պահանջով և հիմք ընդունելով ՀՀ կառավարության 2012թ. դեկտեմբերի 27-ի N 1693-Ն որոշմամբ հաստատված ՀՀ երիտասարդական պատական քաղաքականության 2013-2017 թվականների ռազմավարության և միջոցառումների ծրագրի 14-րդ կետի, ինչպես նաև Հայաստանի Հանրապետության վարչապետի 2014 թվականի փետրվարի 10-ի թիվ 85-Ա որոշման պահանջները, Հայաստանի Հանրապետության Վայոց ձորի մարզի տարածքային կառավարման և տեղական ինքնակառավարման մարմիններում երիտասարդական քաղաքականության արդյունավետության բարձրացման, երիտասարդական մասնակցության խթանման նպատակով ՀՀ Վայոց ձորի մարզպետի 20.03.2014թ. N 15 որոշմամբ ստեղծվել է ՀՀ Վայոց ձորի մարզպետին առընթեր երիտասարդական խորհուրդ: Համաձայն օրինակելի կանոնադրության՝ խորհրդի կազմում ընդգրկվել են մարզի 3500-ից ավելի բնակչություն ունեցող համայնքների ղեկավարների տեղակալները կամ աշխատակազմի քարտուղարները և նույն համայնքների 16-30 տարեկան 1-ական երիտասարդներ համայնքի ավագանու որոշմամբ:
ՀՀԿ Վայոց ձորի ԵԿ-ն կազմակերպում է <<Մաքուր պահենք մեր սրբատեղիները>> միջոցառումների շարք 21.03.2014
ՀՀԿ Վայոց ձորի մարզային երիտասարդական կազմակերպությունը սկսում է > միջոցառումների շարք, որի շրջանակում մարտի 22-ին ծառատունկ և սանիտարական մաքրման աշխատանքներ են կատարվելու Թանահատի և Սուրբ Խաչ եկեղեցիների շրջակայքում: Միջոցառմանն իր մասնակցությունը կբերի նաև ՀԵՀ Վայոց ձորի մարզային երիտասարդական կենտրոնը: Միջոցառման ընթացքում կներկայացվի եկեղեցիների կառուցման, Թանահատի եկեղեցում Գլաձորի համալսարանի գործունեության տարիների պատմությունը: Միջոցառումը հովանավորել են ՀՀ Վայոց ձորի մարզպետ Էդգար Ղազարյանը, ՀՀԿ Վայոց ձորի մարզային խորհրդի նախագահ Սամվել Թարվերդյանը, Գլաձոր և Վերնաշեն համայնքների ղեկավարները: Նախաձեռնող խումբը սիրով հրավիրում է բոլոր ցանկացողներին մասնակցելու միջոցառմանը: Ուղևորությունը՝ ՀՀԿ Վայոց ձորի տարածքային գրասենյակի մոտից, ժամը՝ 10.00-ին:
