Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հ.ՄԱԼՅԱՆԻ ԱՆՎԱՆ ԹԱՏՐՈՆԸ ՎԵՐՆԱՇԵՆՈՒՄ 25.09.2014
2014 թվականի սեպտեմբերի 24-ին ՀՀ Վայոց ձորի մարզի Վերնաշեն համայնքի մշակույթի տան դահլիճում Հր.Քոչարի “Կարոտ” ստեղծագործության բեմականացմամբ հանդես եկավ Հ.Մալյանի անվան թատրոնը: Ներկայացումը կազմակերպված էր Հայաստանի թատերական գործիչների միության և ՀՀ Վայոց ձորի մարզպետարանի համագործակցությամբ Մեծ Եղեռնի 100-ամյա տարելիցին նվիրված թատերական փառատոնի շրջանակներում: Ներկայացման ցուցադրությանը ներկա էին ՀՀ Վայոց ձորի մարզպետ Էդգար Ղազարյանը, մարզպետի տեղակալ Արամ Գրիգորյանը, մարզպետարանի աշխատակազմի ղեկավար Կամո Սահակյանը, մարզպետարանի կառուցվածքային ստորաբաժանումների ղեկավարներ, Վերնաշենի համայնքի ղեկավարը և բազմաթիվ բնակիչներ:
Եղեռնի 100-ամյակի առիթով թատերական փառատոնի բացումը Վայոց ձորում 24.09.2014
Հայաստանի Թատերական գործիչների միությունը և ՀՀ Վայոց ձորի մարզպետարանը համատեղ Վայոց ձորի մարզում 2014 թվականի սեպտեմբերի 23-29-ը կազմակերպում են թատերական փառատոն՝ նվիրված Մեծ Եղեռնի 100 ամյակին: Փառատոնի բացումը տեղի ունեցավ 2014 թվականի սեպտեմբերի 23-ին Եղեգնաձորի մշակույթի կենտրոնում՝ Պերճ Զեյթունցյանի ,,100 տարի անց՚՚ պիեսով: Ներկայացնում ենք փառատոնի ժամանակացույցը.
ԹԱՏԵՐԱԿԱՆ ՓԱՌԱՏՈՆ՝ ՆՎԻՐՎԱԾ ՄԵԾ ԵՂԵՌՆԻ 100-ԱՄՅԱ ՏԱՐԵԼԻՑԻՆ 24.09.2014
2014 թվականի սեպտեմբերի 23-ին Եղեգնաձորի մշակույթի տան մեծ դահլիճում Երևանի Գաբրիել Սունդուկյանի անվան Ազգային ակադեմիական թատրոնի կողմից բեմադրված Պերճ Զեյթունցյանի > պիեսի բեմականացմամբ ՀՀ Վայոց ձորի մարզում մեկնարկեց Հայաստանի թատերական գործիչների միության և ՀՀ Վայոց ձորի մարզպետարանի համատեղ ջանքերով կազմակերպած թատերական փառատոնը՝ նվիրված Մեծ Եղեռնի 100-ամյա տարելիցին: Փառատոնը մեկնարկեց Հայաստանյաց Առաքելական Սուրբ եկեղեցու Վայոց ձորի թեմի փոխառաջնորդ Հայր Զարեհ Կաբաղյանի աղոթքով և օրհնանքի խոսքով, որից հետո բացման հանդիսավոր արարողության ժամանակ ելույթներ ունեցան Հայաստանի թատերական գործիչների միության նախագահ Հակոբ Ղազանչյանը, Հայաստանի թատերական գործիչների միության քարտուղար, թատերագետ Լևոն Մութաֆյանը, ՀՀ Վայոց ձորի մարզպետ Էդգար Ղազարյանը: Փառատոնի պաշտոնական բացումից հետո ներկայացվեց բեմադրությունը, որը հանդիսատեսի կողմից ընդունվեց մեծ ոգևորությամբ և ծափահարություններով: Փառատոնի շրջանակներում նախատեսվում է Հայաստանյան յոթ թատերախմբերի ներկայացումների բեմադրությունները ՀՀ Վայոց ձորի մարզի Վերնաշեն, Արենի, Խաչիկ, Գետափ, Վայք և Եղեգնաձոր քաղաքներում: Աննախադեպ այս թատերական փառատոնի եզրափակիչ ներկայացումները տեղի կունենան սեպտեմբերի 29-ին Վայքի մշակույթի տան դահլիճում. Համազգային թատրոնի կողմից կներկայացվի Մ.Խերանյանի >, իսկ Եղեգնաաձորի մշակույթի տան դահլիճում Վանաձորի Հ.Աբելյանի անվան թատրոնի կողմից՝ Ս.Խալաթյանի > ստեղծագործությունները:
ԱՐԵՆԻ ԳԻՆՈՒ ՓԱՌԱՏՈՆ 2014 24.09.2014
2014 թվականի հոկտեմբերի 1-ից 5-ը բոլորին սիրով հրավիրում ենք Վայոց ձոր՝ աննախադեպ տոնախմբություններին մասնակցելու նպատակով: Առաջարկում ենք պլանավորել ընտանեկան հանգստի 5 անմոռանալի օր: Դուք կարող եք այցելել Վայոց ձոր, իջևանել տեղի հյուրանոցներում և հյուրատներում (հյուրանոցներն արդեն կարող են զբաղված լինել, իսկ հյուրատների ցանկը տեղեկայված է ՀՀ Վայոց ձորի մարզպետարանի կայքում http://vdzor.gov.am/Turizm/): Առավոտյան ժամերին կարելի է այցելել խաղողի այգիներ և մասնակցել բերքահավաքի (նախընտրելի վայրեր. Արենի, Ռինդ և Աղավնաձոր համայնքների այգիներ), կեսօրից մասնակցել համայնքային տոնակատարություններին (հոկտեմբերի 1՝ Մալիշկա, հոկտեմբերի 2՝ Ելփին, հոկտեմբերի 3՝ Ռինդ, հոկտեմբերի 4՝ Արենի, հոկտեմբերի 5՝ Եղեգնաձոր), իսկ երեկոյան ժամերին վայելել մշակութային միջոցառումներ և համերգներ Եղեգնաձորի քաղաքային ամֆիթատրոնում կամ մշակույթի տան դահլիճում: Այդ օրերին Դուք կարող եք շրջագայել վայոց ձորի գեղատեսլի վայրերում. Նորավանք, Եղեգիսի կիրճ, Ջերմուկ և այլն: Վայելեք Հայաստանի գեղատեսլի վայրերից մեկի աշնանային ողջ հմայքը 5 անմոռանալի օրերի ընթացքում: ԱՐԵՆԻ ԳԻՆՈՒ ՓԱՌԱՏՈՆ 2014: ԲԱՐԻ ԳԱԼՈՒՍՏ ՎԱՅՈՑ ՁՈՐ:
ԵՎՐՈՊԱԿԱՆ ՄԻՈՒԹՅԱՆ ԾՐԱԳՐԵՐ ՎԱՅՈՑ ՁՈՐՈՒՄ 23.09.2014
2014 թվականի սեպտեմբերի 22-ին ՀՀ Վայոց ձորի մարզ էին այցելել Հայաստանում Եվրոպական Միության պատվիրակության ղեկավար, դեսպան նորին գերազանցություն Տրայան Հրիստեան, Հայաստանում Լիտվայի Հանրապետության արտակարգ և լիազոր դեսպան, նորին գերազանցություն Էդիկաս Պետրիկասը, Հայաստանում Եվրոպական Միության պատվիրակության աշխատակազմի և տեղեկատվական կենտրոնի աշխատակիցներ: Այցելության նպատական էր ծանոթանալ Եվրոպական Միության կողմից ՀՀ Վայոց ձորի մարզում իրականացվող ծրագրերին, ինչպես նաև նեկայացնել նոր ծրագրերն ու դրանց ուղղությունները: Նույն օրը մարզպետարանում հյուրերին ընդունեց ՀՀ Վայոց ձորի մարզպետ Էդգար Ղազարյանը: Մարզպետարանում տեղի ունեցավ հանդիպում դեսպանների և մարզի մի շարք համայնքների ղեկավարների և քաղաքացիական հասարակության կազմակերպությունների ներկայացուցիչների հետ: Հանդիպմանը մասնակցում էին նաև մարզպետի տեղակալներ Սամվել Թարվերդյանն ու Արամ Գրիգորյանը: Հանդիպման ընթացքում դեսպան Տրոյան Հրստեայի կողմից ներկայցվեց Հայաստանում Եվրոպական Միության քաղաքականության հիմնական ուղղությունները և ներկայացվեցին համագարծակցության հիմնական ծրագրերը: Դեսպան Էդիկաս Պետրիկասը ներկայացրեց հայ-լիտվական երկկողմ համագործակցության ուղղությամբ կատարված աշխատանքներն ու ապագա ծրագրերը: Դեսպանները պատասխանեցին նաև մասնակիցներին հուզող հարցերին: Ամփոփելով հանդիպումը՝ ՀՀ Վայոց ձորի մարզպետ Էդգար Ղազարյանը շնորհակալություն հայտնեց հյուրերին համագործակցության և այցի համար, շեշտեց, որ Հայաստանը, լինելով ժամանակակից, ժողովրդավարական, քրիստոնեկան եվրոպական պետություն, միշտ պատրաստակամ և ակտիվ է եղել եվրոպական համագործակցության ցանկացած նախաձեռնության հարցում և այսուհետ ևս հետաքրքիր են բոլոր այն ծրագրերը, որոնք առաջարկվում են եվրոպացի գործընկերների կողմից: Նույն օրը ՀՀ Վայոց ձորի մարզպետի աշխատասենյակում տեղի ունեցավ առանձին հանդիպում, որին հրավիրված էին նաև մարզի քաղաքային համայնքների ղեկավարները: Հանդիպման ընթացքում ներկայացվեցին համագործակցության առանձին ծրագրեր, որոնք առավել հետաքրքրական կարող են լինել քաղաքային համայնքներում իրականացնելու տեսանկյունից: Դեսպան Տրոյան Հրիստեան առաջարկեց քաղաքապետերին անդամակցել քաղաքապետերի եվրոպական ցանցին և հայտ ներկայցնել նոր ծրագրերին գործընկեր դառնալու համար:
ՏԵՂԻ ՈՒՆԵՑԱՎ ՎԱՅՈՑ ՁՈՐԻ ՄԱՐԶԽՈՐՀՐԴԻ ՀԵՐԹԱԿԱՆ 4-ՐԴ ՆԻՍՏԸ 23.09.2014
2014 թվականի սեպտեմբերի 23-ին Վայոց ձորի մարզպետարանի նիստերի դահլիճում ՀՀ Վայոց ձորի մարզպետ Էդգար Ղազարյանի նախագահությամբ տեղի ունեցավ ՀՀ Վայոց ձորի մարզխորհրդի հերթական 4-րդ նիստը: Նիստի օրակարգում ընդգրկված էր երեք հարց և չորս հայտարարություն: Օրակարգի երկու հարցերը վերաբերում էին համայնքների բյուջեներին ամրագրված սեփական եկամուտների հավաքագրման ութ ամիսների արդյունքներին և 2014 թվականի երրորդ եռամսյակում մարզի համայնքներում իրականացված վարչական հսկողության արդյունքներին: Օրակարգի երրորդ հարցի՝ բերքահավաքի և կերերի կուտակման աշխատանքների ընթացքի և գյուղատնտեսական արտադրանքի ծավալների ավելացման մասին հարցի քննարկմանն իր մասնակցությունը բերեց ՀՀ գյուղատնտեսության նախարար Սերգո Կարապետյանը: Նախարարն իր ելույթում մտահոգություններ ներկայացրեց Վայոց ձորի մարզի գյուղատնտեսական ցուցանիշների վերաբերյալ՝ հորդորելով համայնքների ղեկավարներին գործուն քայլեր գործադրել ցանքատարածությունների ավելացման և գյուղատնտեսական մթերքների ծավալների ավելացման ուղղությամբ: Է.Ղազարյանն իր հերթին շնորհակալություն հայտնեց նախարարին մարզի գյուղատնտեսության զարգացման խնդիրների վրա մշտական ուշադրության և պարբերական այցերի համար՝ կիսելով յնչեցված մտահոգությունները: Է.Ղազարյանը հավելեց, որ կառավարության կողմից իրականացվում է գյուղատնտեսության աջակցության բազմաթիվ և մեծ ծավալի ծրագրեր, որոնց արդյունքը պետք է լինի օգտագործվող հողատարածությունների և գյուղատնտեսական արտադրանքի ծավալների մեծացումը, ինչի հարցում մեծ է համայնքների ղեկավարների դերը:
