Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Հարություն Սարգսյանը հանդիպեց լրագրողների հետ 15.09.2015
Սեպտեմբերի 13-ին, "Մարդը կարիքի մեջ" չեխական կազմակերպության հայաստանյան ներկայացուցչության կողմից կազմակերպված մեդիա արշավի շրջանակներում, ՀՀ Վայոց ձորի մարզպետ Հարություն Սարգսյանը հանդիպեց մի խումբ լրագրողների հետ: Մարզպետ Հ. Սարգսյանը ողջունեց լրագրողներին և շնորհակալություն հայտնեց այցի և մարզի հիմնահարցերի նկատմամբ ցուցաբերած ուշադրության համար: Հանդիպման ընթացքում լրագրողների կողմից բարձրացվեցին հարցեր կապված մարզի գյուղատնտեսության ոլորտի հետ, մասնավորապես` խաղողի բերքատվություն, մթերում և սակագնային քաղաքականություն: Խոսվեց մարզի բնակչության զբաղվածության, աշխատատեղերի ավելացման հեռանկաների, կրթական, առողջապահական ոլորտների, սահմանամերձ համայնքների խնդիրների, միգրացիոն և այլ հարցերի շուրջ: Մարզպետարանում կայացած հարցազրույցից հետո` մարզպետի ուղեկցությամբ, լրագրողներն այցելեցին Եղեգնաձորի նորաբաց պահածոների գործարան, ծանոթացան գործարանի աշխատանքային պայմաններին, արտադրատեսակներին, զրուցեցին գործարանում աշխատող բանվորների և աշխատակազմի հետ: Այնուհետև հանդիպում տեղի ունեցավ ձեռնարկության հիմնադիր և գործադիր տնօրեն Սարգիս Պողոսյանի հետ: Հանդիպման ընթացքում Ս. Պողոսյանը լրագրողներին ներկայացրեց մանրամասներ ձեռնարկության գործունեության, հետագա ծրագրերի և հեռանկարային այլ նախագծերի մասին:
Սեպտեմբերի 15-ին կայացավ հերթական գործակարգավարական խորհրդակցությունը 15.09.2015
Այսօր ՀՀ Վայոց ձորի մարզպետ Հարություն Սարգսյանը մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական գործակարգավարական խորհրդակցություն: Ստորաբաժանումների ղեկավարները ներկայացրեցին նախորդ խորհրդակցության ժամանակ արձանագրված հանձնարարականների կատարման ընթացքը, շաբաթվա ընթացքում կատարած աշխատանքները և ընթացիկ շաբաթում իրականացվելիք ծրագրերը: Մարզպետ Հ. Սարգսյանի կողմից ստորաբաժանումների ղեկավարներին տրվեցին հանձնարարականներ` համապատասխան ոլորտներում աշխատանքների իրականացման և խնդիրների լուծման ուղությամբ:
Կայացավ քաղաքացիների 2015 թվականի սեպտեմբեր ամսվա ընդունելությունը 15.09.2015
2015 թվականի սեպտեմբերի 11-ին ՀՀ Վայոց ձորի մարզպետ Հարություն Սարգսյանի մոտ կայացավ քաղաքացիների հերթական ընդունելությունը: Ընդունելության համար ցուցակագրվել էր 107 քաղաքացի, ընդունելության էին եկել 102-ը: Ֆինանսական օժանդակության խնդրանքով դիմել էին 102 քաղաքացիներ, որոնց խնդրանքը բավարարվեց:
Հանդիպում <<Հաբիթաթ ֆոր Հյումենիթի Արմենիա>> հիմնադրամի ներկայացուցիչների հետ 10.09.2015
Սեպտեմբերի 10-ին ՀՀ Վայոց ձորի մարզպետ Հարություն Սարգսյանը հանդիպեց ,,Հաբիթաթ ֆոր Հյումենիթի Արմենիա,, հիմնադրամի գործադիր տնօրեն Լուիզա Վարդանյանի և ,,Վերականգնվող էներգիայի և էներգիայի արդյունավետ օգտագործման հնարավորությունը Վայք և Սպիտակ քաղաքներում,, ծրագրի ղեկավար Սերգեյ Արզումանյանի հետ: Հանդիպմանը մասնակցում էր ՀՀ Վայոց ձորի մարզպետի խորհրդական Վասիլ Ասլանյանը: ,,Վերականգնվող էներգիայի և էներգիայի արդյունավետ օգտագործման հնարավորությունը Վայք և Սպիտակ քաղաքներում,, ծրագիրը` Եվրամիության ֆինանսավորմամբ, իրակացվում է ,,Հաբիթաթ ֆոր Հյումենիթի Արմենիա,, հիմնադրամի կողմից Վայքի և Սպիտակի քաղաքապետարանների հետ համագործակցությամբ: Ծրագրի իրականացման աշխատանքները մեկնարկել են 2015 թվականին, որի տևողությունը 4 տարի է: Հանդիպման ընթացքում քննարկվեցին ծրագրային ընթացիկ խնդիրներ և հետագա աշխատանքների իրականացման հետ կապված այլ հարցեր:
Այսօր` սեպտեմբերի 10-ին, ՀՀ Վայոց ձորի մարզպետարանում տեղի ունեցավ քննարկում` բրիտանական >-Հայաստան կազմակերպության կողմից Վայոց ձորի մարզում իրականացվող > (ԱՌՆ) ծրագրի ավարատական փուլի հետ կապված: Հանդիպում-քննարկմանը մասնակցում էին ՀՀ Վայոց ձորի մարզպետ Հարություն Սարգսյանը, մարզպետի տեղակալ Սամվել Թարվերդյանը, ՀՀ ՏԿԱԻՆ Վայոց ձորի փրկարարական վարչության պետ, փ/ծ փոխգնդապետ Տիգրան Պետրոսյանը, Հայաստանում և Վրաստանում >-ի համակարգող Աննա Պալոմկան, > ծրագրի պատասխանատու Զարուհի Տոնոյանը, ծրագրերի անկախ գնահատող Արմեն Գրիգորյանը, "Ապավեն համայնքներին" ԲՀԿ-ի գործադիր տնօրեն Արմեն Մանասյանը, "Ընդդեմ իրավական կամայականությունների" ՀԿ-ի նախագահ Արթուր Հարությունյանը և Վայոց ձորի մարզի աղետների ռիսկերի նվազեցման աշխատանքային խումբը: > ծրագրի շրջանակներում մարզի Ելփին, Չիվա, Խաչիկ, Արենի, Արփի, Հորբատեղ, Արտաբույնք և Ագարակաձոր համայնքներում իրականացվել են փոքրածավալ շինարարական աշխատանքներ: Նշված համայնքների դպրոցականների շրջանում իրականացվել են նաև ուսումնական վարժանքներ, դասընթացներ աղետների, արտակարգ իրավիճակների դեպքերում համապատասխան գիտելիքների, հմտությունների ձեռք բերման, բարելավման և դրանց կիրառման ուղղությամբ: Հանդիպման ընթացքում քննարկվեցին և ամփոփվեցին ծրագրի շրջանակներում իրականացված աշխատանքները: Մարզպետ Հ. Սարգսյանը, ընդհանուր առմամբ դրական գնահատելով իրականացրած ծրագիրը, հույս հայտնեց, որ ծրագիրը իր շարունակությունը կունենա` իր մեջ ընդգրկելով մարզի մյուս համայնքները: > ծրագրի պատասխանատու Զարուհի Տոնոյանը նշեց, որ մարզում առկա են լավ հիմքեր և հրաշալի մասնագետներ, որոնք կարող են նախադրյալ հանդիսանալ ծրագրի շարունակականությունը ապահովելու առումով:
Զարգացման նոր ծրագիր Վայոց ձորի մարզում 09.09.2015
Գերմանիայի Դաշտային Հանրապետության տնտեսական համագործակցության և զարգացման նախարարության ֆինանսավորմամբ Բնության համաշխարհային հիմնադրամի հայաստանյան մասնաճյուղը ՀՀ Վայոց ձորի մարզում իրականացնում է > ծրագիրը: Ծրագրում ընդգրկված են Վայոց ձորի Արենի, Խաչիկ և Գնիշիկ համայնքները: Այսօր` սեպտեմբերի 9-ին, ՀՀ Վայոց ձորի մարզպետ Հարություն Սարգսյանի մոտ անցկացվեց աշխատանքային հանդիպում Արենի, Խաչիկ և Գնիշիկ համայնքների ղեկավարների հետ, քննարկվեցին ծրագրի իրականցման ընթացիկ հարցեր և հիմնախնդիրներ: Հանդիպմանը մասնակցում էին ՀՀ Վայոց ձորի մարզպետի տեղակալ Սամվել Թարվերդյանը և մարզպետարանի աշխատակազմի զարգացման ծրագրերի և վերլուծության բաժնի պետ Արամ Կոստանյանը: Ծրագրի նպատակը համայնքներին ապրուստի դիվերսիֆիկացումը զարգացնելու գործում աջակցություն ցուցաբերելն է` ստեղծելով խթաններ և այլընտրանքային ապրուստի միջոցներ, պահպանել կենսաբազմազանությունը և էկոհամակարգային ծառայությունները` նվազեցնելով բնական ռեսուրսների ոչ կայուն օգտագործումը: Ծրագրի իրականացումը կնպաստի նաև աղքատության կրճատմանը և նոր աշխատատեղերի ստեղծմանը: Տեղեկացնենք, որ վերոնշյալ ծրագիրն իրականացվում է նաև ՀՀ Սյունիքի մարզում:
