Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Եղեգնաձորի մարզային մշակույթի կենտրոնի համերգային դահլիճում ՀՀ Վայոց ձորի մարզպետ Հարություն Սարգսյանի մասնակցությամբ տեղի ունեցավ ՀՀ ՊՆ 3-րդ բանակային կորպուսի հրամանատար, գնդապետ Օնիկ Գասպարյանի հանդիպումը կորպուսում լավագույն ծառայությամբ աչքի ընկնող 42 զինվորների ծնողների հետ: Միջոցառում կազմակերպվել էր > խորագիրը կրող բանակ-ընտանիք-հասարակություն կապի խորացման ու ամրապնդման նպատակով իրականացվող ծրագրի շրջանակում: Միջոցառման բացման խոսքով հանդես եկավ 3-րդ բանակային կորպուսի հրամանատարի տեղակալ Արա Սարգսյանը: Միջոցառման մասնակիցներին ողջունեց, հայոց բանակին բարեմաղթանքներ հղեց և կազմակերպիչներին ուղղված շնորհակալանքի խոսք ասաց ՀՀ Վայոց ձորի մարզպետ Հարություն Սարգսյանը: 3-րդ բանակային կորպուսի հրամանատար, գնդապետ Օնիկ Գասպարյանը շնորհակալություն հայտնեց զինծառայողների ծնողներին հայրենասեր զավակներ դաստիարակելու համար և շնորհակալագրեր հանձնեց նրանց: Միջոցառման համերգային մասում ելույթ ունեցան կորպուսում գործող գեղարվեստական ինքնագործունեության խմբի սաները և զինվորական երգի կատարման մոսկովյան մրցույթի դափնեկիր, վայոցձորցի Արթուր Կարապետյանը: Նշենք, որ ժամկետային զինծառայողներին տրվեց կարճաժամկետ՝ հնգօրյա արձակուրդ:
Տեղի ունեցավ քաղաքացիների նոյեմբեր ամսվա ընդունելությունը 17.11.2014
2014 թվականի նոյեմբերի 14-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ քաղաքացիների հերթական ընդունելությունը: Ընդունելության համար ցուցակագրվել էր 65 քաղաքացի, բոլորն էլ եկել էին ընդունելության: Ընդունելության եկած 57 քաղաքացիներ դիմել էին ֆինանսական օժանդակության խնդրանքով, որոնց խնդրանքը բավարարվեց: Այլ հարցերով դիմել էին 8 քաղաքացիներ՝ 2 քաղաքացի դիմել էր աշխատանքի տեղավորման խնդրանքով, 2-ը՝ հողի և շենք-շինությունների, 2-ը վառելափայտի ձեռք բերման, 1-ական քաղաքացիներ նպաստի տրամադրման և առողջարանային ուղեգրի ձեռք բերման հարցերով: Մարզպետի կողմից հանձնարարություն տրվեց մարզպետարանի աշխատակազմի համապատասխան ստորաբաժանումների ղեկավարներին՝ այլ հարցերով դիմումատուների խնդրանքի բավարարման նպատակով ուսումնասիրել հարցերը և օրենքով նախատեսված ժամկետներում պատասխանել բոլոր դիմումներին:
ՀՀ Վայոց ձորի մարզպետ Հարություն Սարգսյանի ուղերձը Ուսանողների միջազգային օրվա կապակցությամբ 17.11.2014
Սիրելի ուսանողներ, Սրտանց շնորհավորում եմ բոլորիդ Ուսանողության միջազգային օրվա կապակցությամբ: Նոյեմբերի 17-ը ողջ աշխարհում նշվում է որպես Ուսանողների համաշխարհային օր, իսկ մի շարք երկրներում այն նշվում է նաև որպես երիտասարդության համախմբման ու միասնականության օր: Ձեզ մաղթում եմ հաջողություններ, աշխույժ և ակտիվ ուսանողական կյանք, խորը և կայուն գիտելիքներ, քանզի մասնագիտական աշխատանք ձեռք բերելու ճանապարհին մրցունակ գիտելիքների առկայության դեպքում միայն կարող է ապահովված լինել աշխատանքում լավագույնս դրսևորվելու հնարավորությունը: Որպես կանոն ուսանողները նաև իրենց ժամանակի հասարակական կյանքի ակտիվ մասնակիցներն են լինում, քաղաքացիական հասարակության ձևավորման առաջամարտիկները: Ուստի լիահույս եմ, որ վայոցձորցի ուսանողները, որոնք մեծ ավանդ և ակտիվություն ունեն մարզի հասարակական կյանքում, այսուհետ նույնպես լինելու են մարզային բոլոր ձեռնարկումների մասնակից, ինչու չէ, նաև խաձեռնողներ: Սիրելիներս Վայոց ձորի վաղվա լուսավոր օրը և ապագան պայմանավորված է նաև Ձեզանով: Մեկ անգամ ևս շնորհավորում եմ մայրաքաղաքում և մարզում գործող ԲՈՒՀ-երի և միջնակարգ մասնագիտական ուսումնական հաստատություններում սովորող վայոցձորցի բոլոր ուսանողներին Ուսանողների միջազգային օրվա կապակցությամբ, մաղթում՝ կամք, ուժ ու եռանդ, ուսման մեջ հաջողություններ ու հաստատակամություն նպատակների իրականացման ճանապարհին:
Աշխատանքային այցելություն Բարձրունի, Խնձորուտ, Մարտիրոս, Նոր Ազնաբերդ, Սերս համայնքներ 14.11.2014
2014 թվականի նոյեմբերի 13-ին ՀՀ Վայոց ձորի մարզպետ Հարություն Սարգսյանը, մարզպետի տեղակալներ Սամվել Թարվերդյանի, Արամ Գրիգորյանի, մարզպետարանի աշխատակազմի քաղաքաշինության վարչության, կրթության, մշակույթի և սպորտի վարչության և առողջապահության բաժնի պետերի ուղեկցությամբ աշխատանքային այցելություն է կատարել Բարձրունի, Խնձորուտ, Մարտիրոս, Նոր Ազնաբերդ, Սերս սահմանմերձ համայնքներ: Համայնքներում հանդիպումներ են կայացել համայնքի բնակիչների, ավագանու անդամների, դպրոցի ուսուցիչների, բուժկետի աշխատակիցների հետ, որոնց ընթացքում մարզպետ Հարություն Սարգսյանը ծանոթացել է համայքներում տիրող իրավիճակին, համայնքում առկա կրթական և առողջապահական խնդիրներին: Մարզպետը ծանոթացել է նաև Խնձորուտ և Նոր Ազնաբերդ համայնքներում կառուցվող ոռոգելի ջրագծերի շինարարական աշխատանքների ընթացքին:
2014 թվականի նոյեմբերի 12-ին ՀՀ Վայոց ձորի մարզպետ Հարություն Սարգսյանը հանդիպեց ասմունքի հանրապետական մանկապատանեկան 8-րդ փառատոնի Վայոց ձորի մարզային փուլի ժյուրիի անդամներին: Մարզպետը ողջունեց հյուրերին, հաջողություններ մաղթեց նրանց իրենց գնահատելի առաքելության իրականացման գործում: Փառատոնի պատասխանատու քարտուղար Մարիետա Մակարյանը նշեց, որ փառատոնն անցկացվում է ՀՀ վարչապետ Հովիկ Աբրահամյանի հովանու ներքո և այն դարձել է ամենամյա: Խոսվեց փառատոնի կարևորության մասին, որպես խթան՝ խորությամբ ծանոթանալու հայ գրողների կյանքին ու գործունեությանը և հանրությանը ներկայացնելու նրանց մտքի գոհարները: Մարզպետ Հ. Սարգսյանը շնորհակալություն հայտնեց կազմակերիպիչներին, փառատոնի միջոցով դպրոցականների հայրենասիրական ոգին բարձրացնելու և նրանց մոտ գեղագիտական ճաշակի ձևավորմանն օժանդակելու համար:
Տեղի ունեցավ ասմունքի հանրապետական մանկապատանեկան 8-րդ մրցույթ-փառատոնի Վայոց ձորի մարզային փուլը 13.11.2014
2014 թվականի նոյեմբերի 12-ին Եղեգնաձորի մարզային մշակույթի կենտրոնի համերգային դահլիճում կայացավ ՀՀ վարչապետ Հովիկ Աբրահամյանի հովանու ներքո անցկացվող ասմունքի հանրապետական մանկապատանեկան ամենամյա մրցույթ-փառատոնի Վայոց ձորի մարզային փուլը, որն այս տարի նվիրված էր Հովհաննես Թումանյանի 145 և Ավետիք Իսահակյանի 140-ամյա հոբելյաններին: Ասմունքի փառատոնի նախնական լսումներին մասնակցել են Վայոց ձորի մարզի 50 կրթօջախների 860 աշակերտներ, տարածաշրջանային փուլին՝ 140-ը, որոնցից մարզային փուլ էին անցել 40-ը։ Ժյուրիի կազմում էին լրագրող, փառատոնի պատասխանատու քարտուղար Մարիետա Մակարյանը, անվանի բանաստեղծ Ռազմիկ Դավոյանը, ՀՀ ժողովրդական արտիստ Գուժ Մանուկյանը, ՀՀ վաստակավոր արտիստ Սարգիս Նաջարյանը, ՀՀ վաստակավոր արտիստուհի Էվելինա Շահիրյանը, դերասան Ջուլիետա Բաբայանը, Եղիշե Չարենցի անվան գրականության և արվեստի թանգարանի տնօրեն, գրականագետ Կարո Վարդանյանը, ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, տեղեկատվության և հասարակայնության հետ կապերի բաժնի պետ Սոնա Մարգարյանը: Ներկաներին ողջունեց ՀՀ Վայոց ձորի մարզպետի տեղակալ Մելս Հարությունյանը: ՀՀ Վայոց ձորի մարզպետի անունից մարզպետի տեղակալը պատվոգրեր հանձնեց մարզային փուլում հաղթած այն դպրոցականներին, ովքեր իրավունք ստացան մասնակցելու փառատոնի հանրապետական փուլին։
