Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Շնորհավորանքներ Վայոց ձորի մարզպետարանում 20.05.2016
Այսօր ՀՀ Վայոց ձորի մարզպետ Հարություն Սարգսյանը շնորհավորեց ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության գլխավոր մասնագետ, մշակույթի և սպորտի գծով պատասխանատու Աղասի Հովհաննիսյանին, ծննդյան 60-րդ տարեդարձի առթիվ ՀՀ մշակույթի նախարարության Ոսկե մեդալին արժանանալու կապակցությամբ: Հանդիպմանը մասնակցում էին մարզպետի տեղակալներ Սամվել Թարվերդյանը, Մելս Հարությունյանը, մարզպետարանի աշխատակազմի ղեկավար Կամո Սահակյանը, մարզպետարանի աշխատակազմի կրթության, մշակույթի և սպորտի վարչության պետը և մարզային ենթակայության մշակութային կազմակերպությունների ղեկավարները: Մարզպետը գոհունակություն հայտնեց, որ ՀՀ մշակույթի նախարարը հարգել է իր միջնորդագիրը և շնորհավորեց ու բարեմաղթանքներ հղեց հոբելյարին: Շնորհավորանքին միացան նաև ներկաները, մաղթելով՝ աշխատանքային հաջողություններ և անձնական երջանկություն:
Քննարկում ՀՀ Վայոց ձորի մարզպետի մոտ 19.05.2016
Այսօր ՀՀ Վայոց ձորի մարզպետ Հարություն Սարգսյանն ընդունեց Համահայկական տեղեկատվական կենտրոնի տնօրեն Վահե Հարությունյանին, աշխատանքային խմբով: Հանդիպմանը մասնակցում էին մարզպետի տեղակալ Սամվել Թարվերդյանը, մարզպետարանի աշխատակազմի զարգացման ծրագրերի և վերլուծության, ինչպես նաև տեղեկատվության և հասարակայնության հետ կապերի բաժինների պետերը: Հանդիպման ընթացքում քննարկվեց մարզում զբոսաշրջության զարգացմանը վերաբերող մի շարք հարցեր: Բանախոսը ներկայացրեց, որ Համահայկական տեղեկատվական կենտրոնի կողմից նախապատրասվում է թողարկվել ,,Welcome to Armenia,, անվամբ գիդ-տարեգիրք, միտված՝ Հայաստանի Հանրապետությունում զբոսաշրջության զարգացմանը: Նախատեսվում է գիդ-տարեգրքի էջերում, ի թիվս Հայաստանի պատմամշակութային հուշարձանների, եկեղեցիների ու վանքերի, ինչպես նաև մշակութային այլ արժեքների, զետեղել նաև հայկական ավանդական ուտեստները և խմիչքները նաև օտարերկրյա հյուրերին և զբոսաշրջիկներին հասնելի դարձնելու նպատակով կազմակերպվող փառատոներին վերաբերող տեղեկություններ, այդ թվում՝ նաև ՀՀ Վայոց ձորի մարզում կազմակերվող փառատոների վերաբերյալ: Մարզպետը նշեց, որ մարզում կազմակերպվում են գինու, մրգային օղու, ինձպես նաև մարզում արտադրվող բնամթերքների և գյուղմթերքների փառատոներ, որոնց մասին կարելի է հարուստ տեղեկություններ զետեղել: Իսկ պատմամշակութային հուշարձանների, եկեղեցիների ու վանքերի առատությամբ Վայոց ձորի մարզը Հայաստանի Հանրապետությունում համարվում է եզակի հարստություն ունեցող մարզերից մեկը: Մարզպետ Հ. Սարգսյանն իր խոսքում կարևորեց զբոսաշրջության ոլորտի զարգացման գործում գիդ-տարեգրքի ստեղծման գաղափարը և համագործակցության պատրաստակամություն հայտնեց:
Այսօր ՀՀ Վայոց ձորի մարզպետ Հարություն Սարգսյանն ընդունեց ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության գլխավոր մասնագետ Աղասի Հովհաննիսյանին, ով ծննդյան 60 ամյակի առթիվ պարգևատրվել էր ՀՀ սպորտի և երիտասարդության հարցերի նախարարության ,,Ֆիզիկական կուլտուրայի և սպորտի պատվավոր աշխատող,, մեդալով: Մարզպետ Հարություն Սարգսյանը շնորհավորեց հոբելյարին և մաղթեց աշխատանքային նորանոր հաջողություններ: Նշենք, որ Աղասի Հովհաննիսյանի ծննդյան 60-րդ տարեդարձը լրացել է ս/թ մայիսի 17-ին: Այդ առիթով ՀՀ Վայոց ձորի մարզպետ Հարություն Սարգսյանը միջնորդագիր էր ներկայացրել ՀՀ սպորտի և երիտասարդության հարցերի նախարար Գաբրիել Ղազարյանին, ծննդյան հոբելյանի և սպորտի բնագավառում երկարամյա գործունեության համար Աղասի Հովհաննիսյանին պագևատրելու համար: Երեկ Աղասի Հովհաննիսյանին հյուրընկալել է նախարար Գաբրիել Ղազարյանը և պարգևը հանձնել նրան: Աղասի Հովհաննիսյանը շուրջ քառասուն տարի աշխատում է սպորտի բնագավառում, որից 20-ը՝ ՀՀ Վայոց ձորի մարզպետարանում:
Հանձնաժողովի նիստ՝ Վայոց ձորի մարզպետարանում 18.05.2016
Այսօր՝ մայիսի 18-ին , Վայոց ձորի մարզպետարանում տեղի ունեցավ ՀՀ Վայոց ձորի մարզի վիրուսային, մասնավորապես` արտաընդերային ճանապարհով փոխանցվող հեպատիտների կանխարգելման հանձնաժողովի նիստ, որը վարում էր ՀՀ Վայոց ձորի մարզպետ Հարություն Սարգսյանը: Նիստին մասնակցում էին մարզպետի տեղակալ Մելս Հարությունյանը, մարզպետարանի աշխատակազմի առողջապահության և սոցիալական ապահովության վարչության պետը և նրա տեղակալը, հանձնաժողովի անդամները և բուժ-հաստատությունների ղեկավարներն ու ներկայացուցիչները: Նիստի օրակարգում ընդգրկված էր ,,Եղեգնաձորի ԲԿ,, ՓԲԸ-ում և ,,Վայքի ԲՄ,, ՓԲԸ-ում արտաընդերային ճանապարհով փոխանցվող վարակների կանխարգելման ուղղությամբ տարվող աշխատանքների ներկա վիճակի և առաջիկա խնդիրների մասին հարցը: Հարցի ներկայացրեց ՀՀ առողջապահության նախարարության ,,Հիվանդությունների վերահսկան և կանխարգելման ազգային կենտրոն,, ՊՈԱԿ-ի Վայոց ձորի մասնաճյուղի բժիշկ-համաճարակաբան Ենոք Շիրինյանը: Բանախոսը ներկայացրեց
Կայացավ քաղաքացիների 2016 թվականի մայիս ամսվա ընդունելությունը 17.05.2016
2016 թվականի մայիսի 13-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ քաղաքացիների հերթական ընդունելությունը: Ընդունելության համար ցուցակագրվել էր 93 քաղաքացի, ընդունելության էին եկել 98-ը: Ընդունելության եկած 91 քաղաքացիներ դիմել էին դրամական աջակցության խնդրանքով, որոնց խնդրանքը բավարարվեց: Մեկ քաղաքացի դիմել էր հոսանքի անկանոն մատակարարման, 2 քաղաքացի՝ տան վթարայնության, 4 քաղաքացի՝ աչքի վիրահատման հարցով: Հոսանքի անկանոն մատակարարման և տան վթարայնության հարցերով դիմած քաղաքացիների բարձրացրած խնդիրների լուծումը գտնելու նպատակով մարզպետը հանձնարարություն տվեց մարզպետարանի աշխատակազմի համապատասխան ստորաբաժանման ղեկավարներին՝ ուսումնասիրել և օրենքով սահմանված կարգով պատասխանել քաղաքացիներին: Իսկ աչքի վիրահատման խնդրով դիմած քաղաքացիներին մարզպետն ասաց, որ առաջիկայում > առողջապահական կազմակերպությունն այցելելու է Վայոց ձորի մարզ, որի ընթացքում բժշկական օգնություն կստանան նաև նրանք:
Խորհրդակցություն մարզի դպրոցների տնօրենների մասնակցությամբ 17.05.2016
Այսօր ՀՀ Վայոց ձորի մարզպետ Հարություն Սարգսյանն աշխատանքային խորհրդակցություն անցկացրեց մարզի դպրոցների տնօրենների հետ: Խորհրդակցությանը մասնակցում էին նաև մարզպետի տեղակալներ Սամվել Թարվերդյանը և Մելս Հարությունյանը: Խորհրդակցության օրակարգում ընդգրկված էին հետևյալ հարցերը. 1. 2015-2016 ուսումնական տարվա ամփոփում և >, > նախապատրաստական աշխատանքների կազմակերպում: 2.Պետական ավարտական և միասնական քննությունների կազմակերպում: 3.Dsaran.am կրթական ծրագրի աշխատանքների ամփոփում: 4.ՀՀ Նախագահի մրցանակի համար > մրցույթի նախապատրաստում: 5.Կայուն դպրոցական սննդի կազմակերպում: 6. ՀՀ վարչապետի հանձնարարականը դպրոցների ազատ ֆինանսական միջոցների տնօրինման վերաբերյալ: 7.Հայտարարություններ. Խորհրդակցության բացման խոսքում մարզպետ Հարություն Սարգսյանը դպրոցների տնօրեններին հանձնարարեց դպրոցներում կազմակերպվելիք վերջին զանգի արարողություններն ավարտել վերջին դասով և բացառել մարզի դպրոցներում դրամահավաքությունը: Առաջին չորս հարցերի վերաբերյալ
