Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կապույտ վառելիքը հասավ Աղավնաձոր 21.12.2011
Երեկ Վայոց ձորի մարզի Աղավնաձոր համայքի բնակիչները ցնծության մեջ էին: Կատարվել էր բնակիչների երազանքը` կապույտ վառելիքը մուտք էր գործել Աղավնաձոր: Այդ առիթով գյուղում կազմակերպվել էր հանդիսավոր արարողություն, որին մասնակցում էին ՀՀՎայոց ձորի մարզպետ Սերգեյ Բագրատյանը, ՀՀ ԱԺ պատգամավոր Սամվել Սարգսյանը:
Փոխվարչապետն այցելեց Վայոց ձորի մարզ 02.12.2011
ՀՀ փոխվարչապետ, տարածքային կառավարման նախարար Արմեն Գեւորգյանը շարունակում է մարզային այցելությունները` առաջնահերթ խնդիրների լուծման ծրագրի ընթացքին ծանոթանալու եւ հրատապ այլ խնդիրների քննարկման նպատակով:
Ասմունքի հանրապետական փառատոնի կիսաեզրափակիչ փուլը` Վայոց ձորում 29.11.2011
Երեկ Եղեգնաձորի մարզային մշակույթի տանը կայացավ արդեն ավանդական դարձած ասմունքի հանրապետական փառատոնի մարզային փուլը: Փառատոնի ներդպրոցական փուլին մասնակցել են մարզի կրթական հաստատությունների շուրջ 1500 աշակերտներ: Փառատոնն անց է կացվել 2 տարիքային խմբերով` 11-14 և 15-17 տարեկանների խմբեր: Մարզային կիսաեզրափակիչ փուլին մասնակցեցին ներդպրոցական փուլում աչքի ընկած 35 լավագույն ասմունքողներ` 11-14 տարիքային խմբից` 19 աշակերտներ, իսկ 15-17 տարիքային խմբից` 16 աշակերտներ:
Գրական-գեղարվեստական ցերեկույթ` մարզային գրադարանում 25.11.2011
Այսօր Վայոց ձորի մարզային գրադարանում տեղի ունեցավ խորագրով գրական-գեղարվեստական ցերեկույթ , որին մասնակցում էին ՀՀ Վայոց ձորի մարզպետարանի աշխատակիցներ,լրագրողներ, դպրոցականներ, աշակերտներ: Բացման խոսքով հանդես եկավ մարզային գրադարանի տնօրեն Ռոզա Լևոնյանը:
Տեղի ունեցավ մարզխորհրդի նիստ 21.11.2011
Այսօր Վայոց ձորի մարզպետարանի նիստերի դահլիճում կայացավ մարզխորհրդի հերթական նիստը, որին մասնակցում էին մարզի համայնքների ղեկավարները, նրանց աշխատակազմերի քարտուղարներն ու ֆինանսիստները, Եղեգնաձոր և Վայք քաղաքների զինկոմիսարները, մարզպետարանի կառուցվածքային և առանձնացված ստորաբաժանումների ղեկավարները, ՀՀ տարածքային կառավարման նախարարության կառավարման և զարգացման վարչության վարչական հսկողության բաժնի գլխավոր մասնագետ Հովհաննես Օհանյանը, ԶԼՄ ներկայացուցիչներ : Մարզպետ Սերգեյ Բագրատյանը նիստն սկսեց ՏԻ համակարգի ներդրման 15-րդ տարեդարձի կապակցությամբ շնորհավորանքներով և շնորհակալություն հայտնեց համայնքային եկամուտների հավաքագրման աշխատանքներում լավագույն ցուցանիշ ունեցող համայնքապետերին: Մարզպետը խոսեց մարզի կենսագործունեության տարբեր ոլորտներում գրանցված հաջողությունների մասին: Նա անդրադարձավ նաև մարզում կուտակված խնդիրներին, առանձնացնելով` առողջապահության և քաղաքաշինության ոլորտները:
ՀՀ Վայոց ձորի մարզպետ Սերգեյ Բագրատյանի ուղերձը` Ուսանողների միջազգային օրվա կապակցությամբ 17.11.2011
Սիրելի ուսանողներ Իմ ջերմ շնորհավորանքներն ու բարեմաղթանքները ձեզ` Ուսանողների միջազգային օրվա կապակցությամբ: Տոնն այս յուրահատուկ խորհուրդ ունի, քանզի այն միտված է մտքի, իմացության ու գիտելիքների կրողների` ուսանողության, ասել կուզի` հասարակության ուսյալ անդամների համախմբմանը: Իսկ բոլոր ժամանակներում երկրների , պետությունների զարգացումն ու առաջընթացը պայմանավորված է եղել նաև տվյալ երկրների ու պետությունների ուսյալ անձանց իմացության սահմաններով և գիտելիքների խորությամբ:
