Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Հարություն Սարգսյանի շնորհավորական ուղերձը Ուսուցչի օրվա առթիվ 05.10.2015
Սիրելի ուսուցիչներ: Ամենայն սիրով ու խորին հարգանքով շնորհավորում եմ Ձեզ մասնագիտական տոնի` Ուսուցչի օրվա կապակցությամբ: Սիրելիներս, թույլ տվեք, օգտվելով ընձեռված առիթից, նշել Ձեր հանդեպ մեր ժողովրդի ունեցած երախտագիտության ու սիրո մասին և հավելել, որ բոլորը սիրով են սպասում այս շատ ցանկալի, համաժողովրդական տոնին՝ բարձրաձայնելու գնահատումի և խոնարհումի խոսքեր, որոնց Դուք իրապես արժանի եք՝ աշակերտների նկատմաբ Ձեր հոգածությամբ, նրանց հանդեպ տածած ծնողական սիրո Ձեր դրսևորմամբ: Հարգելիներս, անառարկելի ճշմարտություն է, որ ամուր պետականություն ունենալու համար պետք է ունենալ լավ հասարակություն, իսկ լավ հասարակություն ունենալու համար հարկ է ունենալ հզոր կրթական համակարգ և նվիրյալ մանկավարժներ: Իսկ Դուք բոլոր ժամանակներում եղել եք ոչ միայն մանկավարժական գործի նվիրյալներ, այլև հույսի ու լույսի սերմնացաններ, քանզի Ձեր հոգածությամբ են կրթվում ու դաստիարակվում մեր զավակները: Դուք եք նրանց հոգիներում սերմանում վեհ գաղափարներ, նրանց մոտ ձևավորում ազգային և համամարդկային արժեհամակարգ: Եվ հանդերձ այդ ամենով՝ զորավիգ դառնում մեր մարզի զարգացման գործին, որպեսզի այն համահունչ լինի պետության զորացման ու հզորացման գործընթացին: Իրավ անուրանալի է Ձեր ներդրումը հասարակության զարգացման գործընթացում և նվիրումն՝ անսահման, ջանքերն` անկշռելի: Ի տրիտուր այդ ամենի՝ Դուք արժանանում եք Ձեր սաների անսպառ սիրուն և հասարակության երախտագետ վերաբերմունքին: Թանկագին ուսուցիչներ, կրկին շնորհավորում եմ Ձեր տոնը, մաղթում եմ ամուր առողջություն, հաջողություններ ու նոր ձեռքբերումներ, խաղաղ աշխատանքային առօրյա: Ձեզ` գնահատումի ու մեծարանքի խոսքեր, հարգանքի ու խոնարհումի դրսևորումներ:
Հոկտեմբերի 4-ին Եղեգնաձորի քաղաքային մարզադպրոցում տեղի ունեցավ ՀՀ Նախագահի մրցանակի համար "Լավագույն մարզական նախադպրոցական հիմնարկ 2015" մարզական միջոցառման մարզային փուլը: Մրցույթի մարզային փուլին մասնակցում էին նախորդ` համայնքային փուլում, հաղթող ճանաչված թիմերը` Եղեգնաձորի թիվ 1, Եղեգնաձորի թիվ 5, Վայքի թիվ 1 և Ջերմուկ քաղաքի "Զատիկ" մանկապարտեզները: Միջոցառմանը մասնակցում և փոքրիկ մարզիկներին ոգևորում էին ՀՀ Վայոց ձորի մարզպետ Հարություն Սարգսյանը, ՀՀ ՊՆ 4-րդ բանակային կորպուսի հրամանատար Անդրանիկ Մակարյանը, ՀՀ ՊՆ հատուկ հանձնարարությունների գծով գեներալ Հովիկ Օհանյանը, մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության աշխատակիցներ, ծնողներ, իրենց ընկերներին ոգևորող բազմաթիվ փոքրիկներ: Մարզային փուլում փոքրիկները մրցում էին հետևյալ մարզաձևերում` փոխանցումավազք՝ արգելքների հաղթահարումով, խաղային փոխանցումավազք, անցում մարմնամարզական օղակների միջով, խաղային փոխանցումավազք՝ թենիսի գնդակներով, հավաքիր "ՀԱՂԹԱՆԱԿ" բառը, նետումներ նշանակետին: Մարզային փուլում հաղթող ճանաչվեց Եղեգնաձորի թիվ 1 մանկապարտեզը, երկրոդ պատվավոր մրցանակին արժանացավ Վայքի թիվ 1 մանկապարտեզը, իսկ Ջերմուկ քաղաքի "Զատիկ" մանկապարտեզի թիմը զբաղեցրեց 3-րդ մրցանակային տեղը: Հաղթող թիմերը ՀՀ սպորտի և երիտասարդության հարցերի նախարարության կողմից պարգևատրվեցին գավաթներով և դիպլոմներով, որոնք մրցանակակիրներին հանձնեց մարզպետ Հ. Սարգսյանը: Եղեգնաձորի թիվ 5 մանկապարտեզը Վայոց ձորի մարզպետի կողմից արժանացավ շնորհակալագրի: "Նման մրցույթները կարևոր են առողջ սերունդ ունենալու և առողջ ապրելակերպի մշակույթի տարածման և քարոզման հարցում: Ուստի մեր մանկապարտեզներում հարկ է՝ առավել մեծ ուշադրություն դարձնել մեր փոքրիկների սպորտով և մարմնամարզությամբ զբաղվելու հարցերին",- իր խոսքում նշեց մարզպետ Հ. Սարգսյանը: Հավելենք, որ մրցանակային տեղեր գրաված 3 թիմերը ստանալու են ՀՀ Նախագահի կողմից սահմանված դրամական պարգևներ: Մարզային փուլում հաղթող ճանաչված Եղեգնաձորի թիվ 1 մանկապարտեզն իրավունք է ստացել մասնակցելու "Լավագույն մարզական նախադպրոցական հիմնարկ 2015" մարզական միջոցառման մրցույթի հանրապետական փուլին, որն անցկացվելու է հոկտեմբերի 22-24-ը Երևանում:
Տեղի կունենա քաղաքացիների ընդունելություն 05.10.2015
Սահմանված կարգի համաձայն` 2015 թվականի հոկտեմբերի 9-ին` ժամը 14:00-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցե` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
Կայացավ գործակարգավարական հերթական խորհրդակցությունը 05.10.2015
Այսօր՝ հոկտեմբերի 5-ին, ՀՀ Վայոց ձորի մարզպետ Հարություն Սարգսյանը մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և մարզպետարանի աշխատակազմի ստորաբաժանումների ղեկավարների մասնակցությամբ անցկացրեց հերթական գործակարգավարական խորհրդակցությունը: Մարզպետարանի աշխատակազմի ստորաբաժանումների ղեկավարները ներկայացրեցին նախորդ խորհրդակցության ժամանակ արձանագրված հանձնարարականների կատարման ընթացքը, շաբաթվա ընթացքում կատարած աշխատանքները և ընթացիկ շաբաթում իրականացվելիք ծրագրերը: Մարզի ղեկավարը խորհրդակցության վերջում ստորաբաժանումների ղեկավարներին տվեց համապատասխան հանձնարարականներ ոլորտներին վերաբերող խնդիրների լուծման, աշխատանքների կատարման և ոլորտային ծրագրերի իրականացման նպատակով: Մարզպետը հանձնարարեց մարզպետարանի աշխատակազմի քաղաքաշինության վարչությանը՝ ամենօրյա հսկողություն իրականացնել հրատապ խնդիրների լուծման ծրագրերով մարզում իրականացվող շինարարական աշխատանքների որակին:
Վայոց ձորի մարզպետը շնորհակալագրերով պարգևատրեց մարզի դպրոցների մի խումբ ուսուցիչների 05.10.2015
Այսօր՝ հոկտեմբերի 5-ին, Եղեգնաձորի մշակույթի կենտրոնի համերգային մեծ դահլիճում տեղի ունեցավ տոնական միջոցառում նվիրված Ուսուցչի օրվան: Միջոցառումը կազմակերպել էր ՀՀ Վայոց ձորի մարզպետարանը: Միջոցառմանը մասնակցում էին ՀՀ Վայոց ձորի մարզպետ Հարություն Սարգսյանը, մարզպետի տեղակալները, մարզպետարանի պատասխանատուներ, ուսումնական հաստատությունների ղեկավարներ, ուսուցիչներ, հյուրեր: Միջոցառման բացման խոսքով հանդես եկավ մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, որը շնորհավորեց բոլոր ուսուցիչներին մասնագիտական տոնի առթիվ և բեմահարթակ հրավիրեց մարզպետ Հարություն Սարգսյանին: >,- այսպիսի ջերմագին խոսքերով սկսեց իր ողջույնը մարզպետ Հ. Սարգսյանը և հավելեց` >: Եվ ի հաստատումն ուսուցիչների աշխատանքի բարձր գնահատումի՝ մարզպետ Հ. Սարգսյանը մարզի հանրակրթական հաստատությունների 24 ուսուցիչների պարգևատրեց շնորհակալագրերով:
Տեղի ունեցավ եղեգնաձորյան ,,Բերքի տոն 2015,, ավանդական տոնահանդեսը 04.10.2015
Այսօր՝ հոկտեմբերի 4-ին, Եղեգնաձորի քաղաքային ամֆիթատրոնում տեղի ունեցավ ,,Բերքի տոն 2015,, ավանդական տոնահանդես միջոցառումը: Միջոցառման բացման խոսքով հանդես եկավ ՀՀ Վայոց ձորի մարզպետ Հարություն Սարգսյանը: Տոնի մասնակիցներին ողջույնի խոսք հղեց նաև ՀՀ գյուղատնտեսության նախարար Սերգո Կարապետյանը: 2015 թվականին վայոցձորյան այգիներում ու դաշտերում արտադրված մրգի ու բանջարեղենի օրհնության կարգը կատարվեց Վայոց ձորի թեմի Եղեգնաձոր քաղաքի հոգևոր հովիվ, Տեր Վազգեն քահանա Հովհաննիսյանի ձեռամբ: Մարզպետ Հ.Սարգսյանը ողջույնի իր խոսքում տոնական տրամադրություն մաղթեց բերքի տոնի մասնակիցներին: Նա անդրադարձավ երկրի սահմաններում եղած լարվածությանը, բարեմաղթեց հայ զինվորին խաղաղ ծառայություն, իսկ վայոցձորցիներին՝ խաղաղ կեցություն և խաղաղությամբ արտադրած բերք ու բարիքի բարի վայելում: Մարզպետ նշեց, որ եղեգնաձորյան բերքի տոնով ավարտվում է հոկտեմբեր ամսին Վայոց ձորի մարզում կազմակերպված աշնանային եռատոնը և հավելեց, որ բերքի տոնը վաղուց դուրս է եկել եղեգնաձորյան տոն լինելու սահմաններից և դարձել մարզային տոնակատարություն: Միջոցառմանը մասնակցում էին Հայոց բանակի գեներալներ՝ ՀՀ ՊՆ հատուկ հանձնարարությունների գծով գեներալ Հովիկ Օհանյանը և ՀՀ ՊՆ 4-րդ բանակային կորպուսի հրամանատար Անդրանիկ Մակարյանը, մարզպետի տեղակալները, մարզպետարանի պատասխանատուներ, համայնքների ղեկավարներ, հյուրեր՝ ՀՀ այլ մարզերից և բազմաթիվ զբոսաշրջիկներ: Տոնակատարության մասնակիցները համտեսեցին ամֆիթատրոնին հարակից Նարեկացի փողոցում տեղադրված համայնքների տաղավարների անուշահամ ուտեստները և հիացան սեղանների գեղեցիկ ձևավորումներով: Միջոցառման համերգային ծրագիրը Վայոց ձորին նվիրված երգի գեղեցիկ կատարումով բացեց բազմաթիվ մրցանակների դափնեկիր, վայոցձորցի սիրված երգիչ Արթուր Կարապետյանը: Համերգային ծրագրին մասնակցում էին արմատներով վայոցձորցի սիրված երգչուհի Նարինե Դովլաթյանը, ազգագրական երգի-պարի ,,Մասունք,, համույթը, վայոցձորյան անհատ կատարողներ Կարեն Մելքոնյանը, Լուսինե Ստեփանյանը, Լուսինե Կարպետյանը, մարզում գործող գեղարվեստական, ինքնագործունեության խմբեր՝ Եղեգնաձորի մշակույթի տան դհոլահարների խումբը, Վայքի ՄՍԿ-ի ,,Անուրջներ,, Աղավնաձորի Մուրադ Սարգսյանի անվան արվեստի դպրոցի, Գետափ >, Գնդեվազի >, Ագարակաձորի >պարային համույթները, ինչպես նաև Եղեգնաձորի > պարային դպրոցի և Շոտոկան կարատեի դպրոցի սաները: Համերգային ծրագիրն ընդհատվեց մրցանակաբաշխության հաղթած համայնքներին և մշակութային լավագույն կատարումների համար պարգևատրման հանդիսությամբ: Այնուհետև մինչ ուշ երեկո հնչում էր ուրախ երգն ու պարը և առավել տոնականորեն պարուրում վայոցձորցիների ավանդական բերքի տոնի մասնակիցների տրամադրությունը: Մնում է ավելացնել՝ քեզ դալար բազուկ աշխատասեր, քարից հաց քամող վայոցձորցի և անամպ երկինք:
