Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի ունեցավ Վայոց ձորի մարզխորհրդի 2016 թվականի անդրանիկ նիստը 26.02.2016
2016 թվականի փետրվարի 26-ին ՀՀ Վայոց ձորի մարզպետարանի նիստերի դահլիճում տեղի ունեցավ ՀՀ Վայոց ձորի մարզխորհրդի 2016 թվականի անդրանիկ նիստը, որը վարում էր ՀՀ Վայոց ձորի մարզպետ Հարություն Սարգսյանը: Մազխորհրդի նիստին մասնակցում էին մարզպետի տեղակալները, մարզի համայնքների ղեկավարները և աշխատակազմի քարտուղարները, հանրապետական գործադիր մարմինների տարածքային ծառայությունների ղեկավարներ, մարզպետարանի աշխատակազմի ղեկավարը, կառուցվածքային և առանձնացված ստորաբաժանումների ղեկավարներ և ԶԼՄ ներկայացուցիչներ: Մարզխորհրդի նիստին ներկա էր նաև ՀՀ տարածքային կառավարման և զարգացման նախարարության աշխատակազմի տարածքային կառավարման և զարգացման վարչության վարչական վերահսկողության բաժնի պետ Հովհաննես Օհանյանը: Նիստի օրակարգում ընդգրկված էին հետևյալ հարցերը ՝ 1. ՀՀ Վայոց ձորի մարզպետի 2015 թ-ի գործունեության և մարզի սոցիալ-տնտեսական վիճակի մասին հաշվետվությունը, 2. Գարնան գյուղատնտեսական աշխատանքների նախապատրաստման ընթացքը մարզի համայնքներում: Նիստի առաջին հարցի մասին զեկուցումով հանդես եկավ ՀՀ Վայոց ձորի մարզպետ Հ. Սարգսյանը: Երկրորդ հարցը ներկայացրեց ՀՀ Վայոց ձորի մարզպետարանի աշխատակազմի գյուղատնտեսության և բնապահպանության վարչության պետ Մարատ Ներսիսյան: Հայտարարությամբ
Ընդունելություն ՀՀ Վայոց ձորի մարզպետի մոտ 26.02.2016
ՀՀ Վայոց ձորի մարզպետ այսօր հյուրընկալել էր Եղեգնաձորի պահածոների գործարանի փոխտնօրեն Գևորգ Սաքանյանին: Հանդիպման առիթը ձեռնարկության հերթական ձեռքբերումն է: Պահածոների գործարանն իր արտադրած պահածոների տեսականիներով մասնակցել է Ռուսաստանի Դաշնության գյուղատնտեսության նախարարության կողմից 2016 թվականի փետրվարի 8-12 կազմակերպված ,,Պրոդ էքսպո,, 23-րդ միջազգային ցուցահանդեսին և արժանացել 20 ոսկե, 6 բրոնզե և 1 արծաթե մեդալնների: Նշենք, որ մեծ հեղինակություն և ճանաչում վայելող այս ցուցահանդեսը ամենամեծն է Ռուսաստանում և արևելյան Եվրոպայում: ,,Պրոդ էքսպո,, միջազգային ցուցահանդեսն այս տարի ունեցել է մոտ 2000 մասնակից՝ 65 երկրներից, որի ժամանակ ներկայացվում է սնունդ, խմիչքներ և դրանց արտադրման համար անհրաժեշտ հումքը: Շնորհավորելով այս կարևորագույն հաղթանակի և ձեռքբերման առթիվ, մարզպետ Հ. Սարգսյանը նշեց, որ Եղեգնաձորի պահածոների գործարանի վերագործարկումը մեծ նշանակությունն ունի Վայոց ձորի գյուղատնտեսության ոլորտի հետագա զարգացման հարցում: Տեղեկացնենք, որ ցուցահանդեսի ժամանակ գործարանն արաժանացել է նաև ,,Տարվա լավագույն արտադրանք,, և ,,Տարվա լավագույն ինովացիոն արտադարանք,, մրցանակներին:
Տեղի ունեցավ ՀՀ Վայոց ձորի մարզպետարանի Ներքին աուդիտի կոմիտեի հերթական նիստը 24.02.2016
2016 թվականի փետրվարի 24-ին կայացավ ՀՀ Վայոց ձորի մարզպետարանի ներքին աուդիտի կոմիտեի նիստը` կոմիտեի նախագահ Հարություն Սարգսյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալներ Սամվել Թարվերդյանը, Մելս Հարությունյանը, մարզպետարանի աշխատակազմի իրավաբանական բաժնի պետ Նարինե Մաղաքյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը: Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի համապատասխան ստորաբաժանումների ղեկավարները, ինչպես նաև այն կազմակերպությունների ղեկավարները, որտեղ իրականացվել է աուդիտ: Օրակարգում ներառված էր՝ 2016թ.-ի ներքին աուդիտի հաստատված ծրագրով,
Տեղի կունենա ՀՀ Վայոց ձորի մարզխորհրդի 2016 թվականի անդրանիկ նիստը 23.02.2016
Ս/թ. փետրվարի 26-ին տեղի կունենա ՀՀ Վայոց ձորի մարզխորհրդի 2016 թվականի անդրանիկ նիստը, հետևյալ օրակարգով՝
Փետրվարի 23-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ աշխատանքային խորհրդակցություն, որի ընթացքում քննարկվեց Սպարապետ Վազգեն Սարգսյանի ծննդյան օրվան և պատանի երկրապահների երդման հանդիսավոր արարողությանը նվիրված մարզային միջոցառումների անցկացման ծրագիրը: Խորհրդակցությանը մասնակցում էին մարզպետի տեղակալՄելս Հարությունյանը, ԵԿՄ վարչության փոխնախագահ Մխիթար Հարությունյանը, ՀՀ ՏԿԱԻՆ Վայոց ձորի մարզային փրկարարական վարչության պետ, փ/ծ փոխգնդապետ Տիգրան Պետրոսյանը, Եղեգնաձորի Սուրբ Աստվածածին եկեղեցու հոգևոր հովիվ Տեր Վազգեն քահանա Հովհաննիսյանը, ԵԿՄ վարչության մարզային բաժանմունքների նախագահները, մարզպետարանի աշխատակազմի համապատասխան ստորաբաժանումների ղեկավարները: Մարզպետարանի աշխատակազմի կրթության, մշակույթի և սպորտի վարչության պետը ներկայացրեց Սպարապետի ծննդյան օրվան նվիրված մարզամշակութային միջոցառումների պլանը՝ մարզի հանրակրթական հաստատություններում կկազմակերպվեն մրցույթներ, հիշատակի ցերեկույթներ, մարտի 5-ին ծաղիկներ կխոնարհվեն զոհված և անհայտ կորած ազատամարտիկների հուշարձանին, այնուհետև Եղեգնաձորի Սուրբ Աստվածածին եկեղեցում կկատարվի պատանի երկրապահների օրհնության կարգ և տեղի կունենա ,,Ծնունդդ շնորհավոր Սպարապետ, պատանի երկրապահների երդման հանդիսավոր արարողությունը,,: Նույն օրը մարզից շուրջ 100 պատանի երկրապահներ կմասնակցեն նաև մայրաքաղաքում կայանալիք հանրապետական կարգի միջոցառմանը: Մարզպետ Հ. Սարգսյանը մարզպետարանի ստորաբաժանումների պատասխանատուներին հանձնարարեց՝ գործադրել ամեն ջանք՝ կազմակերպվելիք միջոցառումների հանդիսավորությունն ու համաժողովրդականությունն ապահովելու նպատակով:
Տեղի ունեցավ գործակարգավարական հերթական խորհրդակցությունը 22.02.2016
Փետրվարի 22-ին ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և ստորաբաժանումների պետերը: Ստորաբաժանումների ղեկավարները ներկայացրին ընթացիկ շաբաթվա ընթացքում կատարվելիք աշխատանքները, ինչպես նաև նախորդ խորհրդակցության ժամանակ արձանագրված և նախորդ շաբաթվա ընթացքում ստացած հանձնարարականների կատարման ընթացքը: Մարզպետին զեկուցվեց դպրոցներում ու նախադպրոցական ուսումնական հաստատություններում ուսումնական պարապմունքներ իրականացնելու համար նորմայով նախատեսված ջերմապահովման մասին: Մարզպետ Հ. Սարգսյանը հետաքրքրվեց ՀՀ ԱՍՀՆ Զբաղվածության պետական ծառայություն գործակալության կողմից իրականցվող ծրագրերով և հանձնարարեց մարզպետարանի աշխատակազմի առողջապահության և սոցիալական ապահովության վարչության պետին՝ ուսումնասիրել ծրագրերը և հնարավոր իրազեկում իրականացնել սոցիալական տարբեր խմբերի ներկայացուցիչներին, որպեսզի պահանջվող չափանիշերին համապատասխանելու դեպքում նշված ընտանիքներն ընդգրկվեն մարզում իրականացվող ծրագրերին: Հ. Սարգսյանը հանձնարարեց աշխատակազմի հողաշինության և հողoգտագործման բաժին - մարզային հողային պետական տեսչության պետին՝
