Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի ունեցել Գնդեվազ համայնքի ղեկավարի 2015 թվականի գործունեության տարեկան հաշվետվությունը 04.03.2016
Տեղի է ունեցել Գնդեվազ համայնքի ղեկավար Հայրապետ Մկրտչյանի 2015 թվականի գործունեության վերաբերյալ տարեկան հանրային հաշվետվությունը: Միջոցառմանը ներկա են եղել ՀՀ Վայոց ձորի մարզպետարանի աշխատակազմի հողաշինության և հողօգտագործման բաժին-մարզային հողային պետական տեսչության պետ Մեսրոպ Մեսրոպյանը: Ներկայացվել է 2015 թվականի ֆինանսական հասվետվությունը և կատարված աշխատանքները: Խոսվել է նաև 2016 թվականին իրականացվելիք ծրագրերի մասին: Ավագանին համայնքապետի տարեկան գործունեությունը գնահատել է բավարար:
Տեղի կունենա քաղաքացիների ընդունելություն 04.03.2016
Սահմանված կարգի համաձայն` 2016 թվականի մարտի 11-ին` ժամը 14:00-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5
Տեղի ունեցավ Եղեգնաձորի քաղաքապետի 2015 թվականի գործունեության վերաբերյալ հաշվետվությանը 03.03.2016
Մարտի 3-ին Եղեգնաձորի քաղաքապետարանում տեղի ունեցավ համայնքի ղեկավարի հանրային հաշվետվությունը: Նիստին մասնակցում էին ՀՀ Վայոց ձորի մարզպետի տեղակալ Սամվել Թարվերդյանը, մարզպետարանի աշխատակազմի ՏԻ և ՀԳՄ հարցերով վարչության պետ Նորայր Սիմոնյանը, համայնքի ղեկավարի աշխատակազմը, համայնքի ավագանու անդամները, համայնքային ոչ առևտրային կազմակերպությունների ներկայացուցիչներ, հասարակական կազմակերպությունների անդամներ, համայնքի ակտիվ բնակիչներ: 2015 թվականի ընթացքում կատարած աշխատանքները ներկայացրեց քաղաքապետի տեղակալ Վարդան Ավագյանը: Ֆինանսական հաշվետվությամբ հանդես եկավ քաղաքապետարանի աշխատակազմի ֆինանսիստ Աշոտ Հարությունյանը: Ներկաները բարձրացրին քաղաքի Չալաբյան փողոցի վերանորոգման, կեղտաջրերի մաքրման սեպտիկական հորի կառուցման հարցերը: Ավագանին քաղաքապետի մեկ տարվա գործունեությունը գնահատեց բավարար:
Տեղեկանք 01.03.2016
2016 թվականի փետրվար ամսվա ընթացքում Վայոց ձոր մարզի ծննդօգնություն իրականացնող բուժհաստատություններում ընդունած ծնունդների մասին՝ ըստ տարածաշրջանների:
Վայքի քաղաքապետի 2015 թվականի գործունեության վերաբերյալ ներկայացվեց հանրային հաշվետվություն 01.03.2016
Մարտի 1-ին մասնակցությամբ ՀՀ Վայոց ձորի մարզպետարանի աշխատակազմի ՏԻ և ՀԳՄ հարցերով վարչության պետ Նորայր Սիմոնյանի Վայք քաղաքապետարանի նիստերի դահլիճում տեղի ունեցավ համայնքի ղեկավար Արագած Սաղաթելյանի 2015 թվականի գործունեության վերաբերյալ հանրային հաշվետվությունը: Ներկայացվեց քաղաքապետարանի 2015 թվականի ընթացքում կատարած աշխատանքները, խոսեց առաջիկա իրականացվելիք ծրագրերի և անելիքների մասին: Նիստին մասնակցում էին համայնքի ղեկավարի աշխատակազմը, ավագանու անդամները, համայնքային ոչ առևտրային կազմակերպությունների ղեկավարները, հասարակական կազմակերպությունների անդամներ, համայնքի ակտիվ բնակիչներ: Բարձրացվեցին համայնքային կյանքին վերաբերող հարցեր, որոնց մի մասը կընդգրկվի քաղաքապետարանի կողմից 2016 թվականին իրականացվելիք ծրագրերում: Ավագանին բաց քվեարկությամբ բավարար գնահատեց քաղաքապետի տարեկան գործունեությունը:
Տեղի ունեցավ գործակարգավարական հերթական խորհրդակցությունը 29.02.2016
Փետրվարի 29-ին ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և ստորաբաժանումների պետերը: Ստորաբաժանումների ղեկավարները ներկայացրին ընթացիկ շաբաթվա ընթացքում կատարվելիք աշխատանքները, ինչպես նաև նախորդ խորհրդակցության ժամանակ արձանագրված և նախորդ շաբաթվա ընթացքում ստացած հանձնարարականների կատարման ընթացքը: Մարզպետին զեկուցվեց մարզի տարածքում սկսվող գարնան գյուղատնտեսական աշխատանքների վիճակի և մարզում ընթացող դպրոցական առարկայական օլիմպիադայի ընթացքի մասին: Մարզպետարանի աշխատակազմի ստորաբաժանումների ղեկավարները մարզպետ Հ. Սարգսյանի կողմից ստացան համապատասխան հանձնարարականներ, իրենց ղեկավարած ոլորտներում աշխատանքների իրականացման և խնդիրների լուծման ուղղությամբ կատարվող աշխատանքների վերաբերյալ:
