Տեղեկատվական կենտրոն
Նորություններ
1988 թվականի երկրաշարժի զոհերի հիշատակին նվիրված ցերեկույթ՝ Եղեգնաձորի երաժշտական դպրոցում
08.12.2017
Դեկտեմբերի 7-ին Վայոց ձորի մարզի Եղեգնաձոր քաղաքի երաժշտական դպրոցում տեղի ունեցավ հիշատակի ցերեկույթ, նվիրված 1988 թվականի ահեղ երկրաշարժի զոհերի հիշատակին: Հիշատակի միջոցառումը կայացավ երաժշտական դպրոցի Ֆիլիպ Բալոյանի անվան համերգային դահլիճում: Այն կազմակերպվել էր դպրոցի սաների ուժերով: Միջոցառմանը մասնակցում էին Վայոց ձորի մարզպետարանի պաշտոնյաներ, դպրոցի տնօրինությունը, մանկավարժներ, ծնողներ և աշակերտներ:
Հնչեցին վոկալ ու գործիքային կատարումներ, որոնք աղոթք էին առ Աստված՝ զոհերի լուսավոր հիշատակի համար և ուղերձ ապրողաց՝ ապրելով հաղթել մահին: Միջոցառումն ավարտվեց պատգամով՝ ստեղծագործ աշխատանքով, անմնացորդ նվիրումով և միասնությամբ շենացնել հող հայրենին, նպաստելով՝ մեր երկրի հզորացմանը և հավերժի ճամփորդ հայ ժողովրդի դարերից խորքից դեպի գալիք դարեր ընթացող անխափան երթին: