Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եղեգիսի համայնքապետարանը հայտարարում է աճուրդ համայնքային սեփականություն հանդիսացող հողերի համար 09.04.2024
2024 թվականի մայիսի 7-ին` ժամը 15:30-ին, Հայաստանի Հանրապետության Վայոց ձորի մարզի Եղեգիսի համայնքապետարանի շենքում կկայանա աճուրդ Եղեգիս համայնքի Շատին գյուղի վարչական սահմաններում գտնվող համայնքային սեփականություն հանդիսացող հողերի համար (գյուղատնտեսական նշանակության հողը՝ գյուղատնտեսական գործունեություն ծավալելու նպատակով,բնակավայրերի նշանակության հողը՝ կառուցապատման)` 1)գյուղատնտեսական նշանակության այլ հողատեսք, կադաստրային ծածկագիր 10-035-0231-0074, մակերեսը 0,4194հա, մեկ լոտ, մեկնարկային գին սահմանել կադաստրային արժեքի 150%-ի չափով, 2)բնակավայրերի նշանակության այլ հողատեսք, կադաստրային ծածկագիր 10-035-0040-0041, մակերեսը 0,103հա, մեկնարկային գին սահմանել կադաստրային արժեքի 200%-ի չափով:
Եղեգիսի համայնքապետարանը հայտարարում է մրցույթ համայնքի վարչական սահմաններում գտնվող հողատեսքի համար 09.04.2024
2024 թվականի մայիսի 7-ին՝ ժամը 11:30-ին, ՀՀ Վայոց ձորի մարզի Եղեգիսի համայնքապետարանի շենքում կկայանա մրցույթ Եղեգիս համայնքի վարչական սահմաններում գտնվող հողատեսքի համար․ Հերմոն գյուղ, համայնքային սեփականություն հանդիսացող գյուղատնտեսական նշանակության արոտավայրը 25 (քսանհինգ) տարի ժամկետով գյուղատնտեսական գործունեութուն ծավալելու նպատակով. 1)կադաստրային ծածկագիր՝ 10-029-0125-0012, մակերեսը՝ 0,73հա։ 2)Մեկնարկային գին սահմանել 20 000 (քսան հազար) ՀՀ դրամի չափով։
Տեղի կունենա Եղեգնաձոր համայնքի ավագանու հերթական նիստը 08.04.2024
Հարգելի՛ քաղաքացիներ, տեղեկացնում ենք, որ 2024 թվականի ապրիլի 12-ին՝ ժամը 18։00-ին, Եղեգնաձորի համայնքապետարանում տեղի կունենա Եղեգնաձոր համայնքի ավագանու հերթական նիստը։ Նիստի օրակարգին կարող եք ծանոթանալ այս հղումով։
Տեղի կունենա Վայք համայնքի ավագանու հերթական նիստը 08.04.2024
Հարգելի՛ քաղաքացիներ, տեղեկացնում ենք, որ 2024 թվականի ապրիլի 12-ին՝ ժամը 15։30-ին, Վայքի համայնքապետարանի նիստերի դահլիճում տեղի կունենա Վայք համայնքի ավագանու հերթական նիստը։ Նիստի օրակարգին կարող եք ծանոթանալ այս հղումով։
Հանդիպում Լեռնային Ղարաբաղից բռնի տեղահանված և Եղեգնաձոր համայնքում բնակվող անձանց հետ 08.04.2024
ՀՀ Վայոց ձորի մարզպետի աշխատակազմի նիստերի դահլիճում մարզպետ Կ․ Միքաելյանի գլխավորությամբ տեղի ունեցավ հանդիպում Լեռնային Ղարաբաղից բռնի տեղահանված և Եղեգնաձոր համայնքում բնակվող անձանց հետ։ Ողջունելով ներկաներին՝ մարզպետը նշեց, որ հանդիպման նպատակը այս փուլում նրանց խնդիրների վերհանումն է, ընթացիկ լուծումներ տալը, նրանց առնչվող ծրագրերի իրազեկվածության մակարդակի բարձրացումը և այլն։ Հանդիպմանը մասնակցում էին նաև մարզպետի աշխատակազմի առողջապահության և սոցիալական ոլորտի հարցերի վարչության պետ Վ. Ասլանյանը, ՀՀ ԱԱԾ Վայոց ձորի մարզային վարչության պետի տեղակալ Ա. Թարվերդյանը, ՀՀ ՆԳՆ ոստիկանության Վայոց ձորի մարզային վարչության պետ Տ․ Կարապետյանը, ՀՀ ՆԳՆ ՓԾ Վայոց ձորի մարզային փրկարարական վարչության պետ Հ․ Սարգսյանը, ՀՀ ԱՍՀՆ ՄՍԾ Եղեգնաձորի տարածքային կենտրոնի տնօրեն Գ. Գևորգյանը:
Երբ խոսում են գույները․․․ 08.04.2024
Ապրիլի 5-ին ՀՀ Վայոց ձորի մարզպետի տեղակալ Բագրատ Սողոմոնյանը և մարզպետի խորհրդական Սարո Հովսեփյանը Հայաստանի Ազգային պատկերասրահի Ջերմուկի պատկերասրահ մասնաճյուղում ներկա գտնվեցին վայոցձորցի փոքրիկ նկարչուհի Մարիա Մխիթարյանի /Մարիա Արամի/ > խորագրով անհատական ցուցահանդեսի բացմանը։ Բազմաթիվ ստեղծագործությունների հեղինակ փոքրիկը սկսել է նկարել դեռ երկու տարեկանից և արդեն իսկ հասցրել է շատերին գրավել իր գունագեղ աշխարհով՝ մրցանակային տեղեր զբաղեցնելով մի շարք միջազգային մրցույթներում։ Նրա նկարներում իշխում են վառ գույները, ինքնատիպ ներդաշնակությունը, թեմաներում՝ բնության գեղեցկությունը, խաղաղության մոտիվները։Նրա զարմանահրաշ նկարներից ճառագում են բարության լույսն ու մաքրությունը։ Ի դեպ, նա հասցրել է սահմանել ռեկորդ և գրանցվել ՀՀ > գրքում։ Ցուցահանդեսը տևելու է մինչև մայիսի 5-ը։
