Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզից դպրոցահասակ երեխաների առաջին խումբը մեկնեց <<Հասմիկ>> ճամբար 03.07.2024
Հուլիսի 1-ին Վայոց ձորի մարզի Ջերմուկի և Վայքի տարածաշրջաններից 70 դպրոցահասակ երեխա մեկնեց Կոտայքի մարզի Հանքավանի մանկական առողջարարական > ճամբար։ ՀՀ պետական բյուջեի միջոցներով իրականացվող «Դպրոցականների ամառային հանգuտի կազմակերպում» ամենամյա ծրագրի շրջանակներում 7-13 տարեկան երեխաների ամառային հանգիստը կկազմակերպվի երկու հերթափոխով 20-ական օրով: Առաջին հերթափոխի խումբը կհանգստանա հուլիսի 1-20-ը, երկրորդ հերթափոխը՝ ևս 70 երեխա ՝ հուլիսի 20-ից օգոստոսի 8-ը:
Վայոց ձորի մարզպետ Կոլյա Միքաելյանն ընդունեց Մանկական զարգացման հիմնադրամի տնօրեն Լուսինե Սիմոնյանին 02.07.2024
ՀՀ Վայոց ձորի մարզպետ Կոլյա Միքաելյանը հուլիսի 1-ին ընդունեց Մանկական զարգացման հիմնադրամի տնօրեն Լուսինե Սիմոնյանին և Մանկական զարգացման հիմնադրամի Վայոց ձորի մարզի ծրագրերի համակարգող Անուշ Զեյնալյանին։ Հանդիպմանը մասնակցում էին նաև մարզպետի օգնական Արմինե Ասատրյանը և մարզպետի աշխատակազմի առողջապահության և սոցիալական ոլորտի հարցերի վարչության մասնագետներ Ցողիկ Բաբայանը և Լյուսյա Պողոսյանը։
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Դատախազության աշխատակցի օրվա առթիվ 01.07.2024
ՀՀ դատախազության համակարգի հարգելի՛ աշխատակիցներ, շնորհավորում եմ ձեզ հուլիսի 1-ի՝ Դատախազության աշխատակցի օրվա կապակցությամբ: Մասնագիտական օրն առիթ է մեկ անգամ ևս արժևորելու ձեր անգնահատելի ներդրումը և ջանքերը Հայաստանի Հանրապետության պետական շահերի պաշտպանության, իրավունքի գերակայության հաստատման, պետականության ամրապնդման և զարգացման, հասարակության իրավագիտակցության բարձրացման, ժողովրդավար, իրավական, կայուն զարգացող պետության կերտման ճանապարհին։
Շարունակվում են իրազեկման հանդիպումները 01.07.2024
Վայոց ձորի մարզում շարունակվում են ՀՀ կառավարության՝ Լեռնային Ղարաբաղից բռնի տեղահանված անձանց բնակապահովման ծրագրի իրազեկման աշխատանքները։ Հերթական հանդիպումը Ջերմուկ համայնքում էր։ ՀՀ Վայոց ձորի մարզպետ Կոլյա Միքաելյանը, մարզպետի տեղակալ Արսեն Խաչատրյանը և մարզպետի աշխատակազմի առողջապահության և սոցիալական ոլորտի հարցերի վարչության պետ Վասիլ Ասլանյանը, Ջերմուկ համայնքի ղեկավարի տեղակալ Աշոտ Խաչատրյանը մեր հայրենակիցներին հանգամանալից ներկայացրին ծրագրին դիմելու ընթացակարգը, ժամկետները, փուլերը, գործող առցանց հարթակը՝ https://housing.socservice.am/։
Ջերմուկի համայնքապետարանը հայտարարում է հողամասի դասական աճուրդով վաճառքի մասին 01.07.2024
Ջերմուկի համայնքապետարանի՝ համայնքի տարածքում հողերի օտարման աճուրդային հանձնաժողովը հայտարարում է հետևյալ հողամասի դասական աճուրդով վաճառքի մասին։ Լոտ N 1- բնակելի կառուցապատման համար, հասցեն՝ Ջերմուկ համայնք, գ․ Գնդեվազ, 20-րդ փողոց N 10, կադաստրային ծածկագիրը՝ 10-016-0011-0022, մակերեսը՝ 0,0375 հա, մեկնարկային գինը՝ 300000 դրամ: Նշված հողամասում չկան ճանապարհներ, ջրատար, գազատար, կոյուղու խողովակաշարեր և էլեկտրահաղորդման գծեր, սերվիտուտներ, այլ սահմանափակումներ: Աճուրդի մասնակցության վճարը 10000 դրամ է, որն անկախ աճուրդի արդյունքներից` չի վերադարձվում:
Վայոց ձորի մարզպետ Կոլյա Միքաելյանը ներկա գտնվեց <<Քայլող ֆուտբոլ>> խորագրով մրցաշարին 01.07.2024
Հունիսի 30-ին ՀՀ Վայոց ձորի մարզպետ Կոլյա Միքաելյանը ներկա գտնվեց Հայաստանի ֆուտբոլի ֆեդերացիայի և Վայոց ձորի մարզպետի աշխատակազմի հետ համատեղ անցկացվող > խորագրով 48 տարեկան և բարձր տարիքի վետերան ֆուտբոլիստների անդրանիկ մրցաշարին։ Մասնակցում էին Արենիի, Արփիի, Եղեգնաձորի, Գլաձորի 50-ից ավելի վետերան ֆուտբոլիստներ։ Եզրափակիչ խաղում Արփիի և Եղեգնաձորի վետերան ֆուտբոլիստների համառ պայքարն ավարտվեց Արփիի հաղթանակով՝ 2։1 հաշվով։ 3-րդ և 4-րդ տեղերը համապատասխանաբար գրավեցին Գլաձորի և Արենիի թիմերը։ Մասնակից բոլոր թիմերն արժանացան պատվոգրերի և գավաթների, բոլոր ֆուտբոլիստները՝ ՀՖՖ-ի կողմից ազգային հավաքականի մարզաշապիկների։
