Վայոց ձորի մարզպետի աշխատակազմ

   Հարգելի՛ սոցիալական աշխատողներ, շնորհավորում եմ ձեզ մասնագիտական տոնի՝ Սոցիալական աշխատողի օրվա առթիվ։
   Դուք յուրաքանչյուր օր ձեր աշխատանքով, հոգատարությամբ, դիմացինի խնդիրները լսելու և հասկանալու մարդկային և մասնագիտական կարողությամբ, կյանքի բարդ իրավիճակներում նրանց սատարելու մեծ պատասխանատվությամբ է՛լ ավելի եք բարձրացնում քաղաքացիների, սոցիալական տարբեր խմբերի վստահությունը սոցիալական համակարգի և պետության՝ քաղաքացու սոցիալական շահը կարևորելու քաղաքականության նկատմամբ, ներշնչում մարդկանց լավատեսություն և հավատ։
   Ձեր առաքելության ճանապարհին մասնագիտական հմտություններով և մարդակենտրոն մոտեցումներով նպաստում եք նաև սոցիալական համակարգի կատարելագրծմանը, ոլորտի ծրագրերի արդյունավետության ապահովմանը, շահառուների գոհունակության բարձրացմանը, սոցիալական բեռի մեղմմանը և սոցիալական խնդիրների հաղթահարմանը։
   Հարգելի՛ սոցիալական աշխատողներ, ձեր ջանքերն արժանի են բարձր գնահատականի։ Ցանկանում եմ ձեզ մասնագիտական կարողությունների կատարելագործում, համբերատարություն և եռանդ։ Թող սոցիալական խնդիրների հասցեական լուծումները և ոլորտում դրական տեղաշարժերը ոչ միայն ապահովեն կարճաժամկետ արդյունքներ, այլև նպաստեն ավելի երկարաժամկետ ծրագրերի պլանավորմանը և իրականացմանը։