Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«ՀՀ քաղաքացու օրվա» շրջանակներում Վայոց ձորի մարզում նախատեսվում են մի շարք միջոցառումներ 25.04.2025
Այս տարի «ՀՀ քաղաքացու օր» նշվելու է ապրիլի 26-ին։ Այդ կապակցությամբ բազմաբնույթ միջոցառումների շրջանակում ՀՀ բոլոր մարզերում նախատեսվում է կազմակերպել «Շենացրո՛ւ պետությունդ՝ եղի՛ր օրինապահ, նվիրված ու հոգատար» խորագրով բանախոսությունների շարք երիտասարդների մասնակցությամբ:
Վայոց ձորի մարզպետի տեղակալ Արսեն Խաչատրյանն ապրիլի 23-ին ընդունել է Հայաստանում ՄԱԿ-ի Փախստականների հարցերով գերագույն հանձնակատարի ներկայացուցչի ժամանակավոր պաշտոնակատար Մոնիկա Սանդրիին։ Ա․Խաչատրյանը շնորհակալություն է հայտնել ՄԱԿ-ի փախստականների գերագույն հանձնակատարի գրասենյակի կողմից ՀՀ Վայոց ձորի մարզում իրականացված և ընթացքի մեջ գտնվող ծրագրերի համար, այնուհետև ներկայացրել է Լեռնային Ղարաբաղից բռնի տեղահանված բնակչության շրջանում կատարված աշխատանքների հիմնական ուղղությունները, առկա խնդիրները և տրված լուծումները։
ՀՀ Վայոց ձորի մարզպետ Կոլյա Միքաելյանի ուղերձը Հայոց ցեղասպանության 110-րդ տարելիցի կապակցությամբ 24.04.2025
Հարգելի՛ հայրենակիցներ, այսօր մենք ոգեկոչում Հայոց ցեղասպանության՝ Մեծ եղեռնի զոհերի հիշատակը։ 20-րդ դարի սկզբի ողբերգական իրադարձությունները խոր հետք են թողել մեր պատմության վրա , յուրաքանչյուր հայի գիտակցության վրա։ Ապրելով մեծ ողբերգություն՝ հայ ժողովուրդը, ի հեճուկս պատմական ճակատագրի դաժան փորձությունների և թեկուզ սփռված աշխարհի տարբեր ծայրերում, կարողացավ վեր հառնել իր շեների և օջախների մոխիրներից և ավերակներից, շտկել իր մեջքը, նորից արարել, ստեղծել, ստեղծագործել և ապացուցել ,որ աննկուն է հայոց ոգին․․․
Հարգանքի տուրք Մեծ եղեռնի զոհերի հիշատակին 24.04.2025
Ապրիլի 24-ին՝ Մեծ եղեռնի 110-րդ տարելիցի օրը, Վայոց ձորի մարզում ոգեկոչվեց Հայոց մեծ եղեռնի զոհերի հիշատակը: Մարզկենտրոն Եղեգնաձորում ՀՀ Վայոց ձորի մարզպետ Կոլյա Միքաելյանը, ուժային կառույցների տարածքային մարմինների ղեկավարները, պետական կառավարման և տեղական ինքնակառավարման մարմինների ներկայացուցիչները, տարբեր հաստատությունների աշխատակիցներ, ուսանողներ, աշակերտներ, բազմաթիվ մարդիկ հարգանքի տուրք են մատուցել Մեծ եղեռնի անմեղ զոհերի հիշատակին և նրանց հիշատակը հավերժացնող հուշակոթողին ծաղիկներ խոնարհել:
Ագարակաձոր բնակավայրում տեղի ունեցավ սպանդանոցային կետի բացման հանդիսավոր արարողությունը 23.04.2025
Օրերս ՀՀ Վայոց ձորի մարզի Արենի համայնքի Ագարակաձոր բնակավայրում տեղի ունեցավ սպանդանոցային կետի բացման հանդիսավոր արարողությունը, որին ներկա էին ՀՀ Էկոնոմիկայի նախարարի տեղակալ Տաթևիկ Սարգսյանը, ՀՀ Վայոց ձորի մարզպետի աշխատակազմի գյուղատնտեսության և շրջակա միջավայրի պահպանության վարչության պետ Գեղամ Մարգարյանը, <<Քարդ>> հիմնադրամի տնօրեն Գագիկ Սարդարյանը, ՀՀ էկոնոմիկայի նախարարության, մարզպետի աշխատակազմի, համայնքային իշխանությունների ներկայացուցիչներ, շահագրգիռ այլ անձինք։...
ՆԳՆ Ոստիկանության մի խումբ ծառայողներ Վայոց ձորի մարզպետի կողմից արժանացան շնորհակալագրերի 23.04.2025
ՀՀ ՆԳՆ Ոստիկանության մասնագիտական տոնի շրջանակներում Վայոց ձորի մարզպետ Կոլյա Միքաելյանն օրերս այցելել է ՀՀ ՆԳՆ ոստիկանության քրեական ոստիկանության գլխավոր վարչության Վայոց ձորի մարզային վարչություն, ՀՀ ՆԳՆ ոստիկանության ՀՈԳՎ Եղեգնաձորի, Վայքի, Ջերմուկի բաժիններ, ՀՀ ՆԳՆ ոստիկանության պարեկային ծառայության Վայոց ձորի մարզի գումարտակ։
