Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ քաղաքացիների հուլիս ամսվա ընդունելությունը 13.07.2013
ՀՀ Վայոց ձորի մարզպետ Էդգար Ղազարյանի մոտ ս/թ հուլիսի 12-ին կայացավ քաղաքացիների հերթական ընդունելությունը: Ընդունելության համար ցուցակագրվել էին 26 քաղաքացի, ընդունելության էին եկել 26-ը: Խմելու և ոռոգման ջրի հարցերով դիմել էին 2 քաղաքացի, շենք-շինությունների հարցով՝ 2-ը, անվճար բուժօգնության խնդրանքով՝ նույնպես 2-ը: Իսկ 20 քաղաքացիներ դիմել էին դրամական օժանդակության խնդրանքով, որոնց խնդրանքը բավարարվեց: Այլ հարցերով դիմած քաղաքացիներին պատասխանելու նպատակով մարզպետի կողմից հանձնարարություն տրվեց մարզպետարանի աշխատակազմի ստորաբաժանումների ղեկավարներին` քննարկել նշված դիմումները և ընդունված կարգով պատասխանել դիմումատուներին:
Գնդեվազ համայնքի ղեկավարը հանդես եկավ հաշվետվությամբ 12.07.2013
Ս/թ հունիսի11-ին ՀՀ Վայոց ձորի մարզպետ Էդգար Ղազարյանի մասնակցությամբ Գնդեվազի համայնքապետարանում համայնքի ղեկավար Հայրապետ Մկրտչյանը հանդես եկավ 2013 թվականի առաջին կիսամյակի գործունեության վերաբերյալ հաշվետվությամբ: Համայնքապետը նախ ներկայացրեց համայնքի բյուջեին 2013 թվականի առաջին կիսամյակում ամրագրված սեփական եկամուտների հավաքագրման ընթացքը, ապա ներկայացրեց կատարած աշխատանքները և առաջիկա ծրագրերն ու անելիքները: Օգտվելով առիթից մարզպետ Էդգար Ղազարյանը համայնքի ղեկավար Հայրապետ Մկրտչյանի ուղեկցությամբ այցելեց դպրոց, մանկապարտեզ և ծանոթացավ պետական բյուջեի ֆինանսավորմամբ գյուղի փողոցների ասֆալտապատման աշխատանքների որակին: Մարզպետին ուղեկցում էր տեղակալ Արամ Գրիգորյանը:
Գենդերային հարցերով զբաղվող հանձնաժողովի հերթական նիստը` Վայոց ձորում 12.07.2013
Ս/թ հուլիսի 11-ին Վայոց ձորի մարզպետարանում տեղի ունեցավ մարզում գենդերային հարցերով զբաղվող մշտական հանձնաժողովի հերթական նիստը, որը վարում էր հանձնաժողովի նախագահ, Վայոց ձորի մարզպետի տեղակալ Մելս Հարությունյանը: Նիստում քննարկվեցին հետևյալ հարցերը. ա/2013թ. առաջին կիսամյակի ընթացքում գենդերային ուղղվածությամբ մարզում իրականացված աշխատանքների արդյունքները: բ/ Վայոց ձորի մարզային գենդերային հարցերով զբաղվող մշտական հանձնաժողովների կարողությունների գնահատում և վերապատրաստման խնդիրների և ձևերի նախապատրաստում:
ՀՀ Վայոց ձորի մարզպետ Էդգար Ղազարյանը ս/թ հուլիսի 9-ին հանդիպել է ,,Լույս,, հիմնադրամի աջակցությամբ աշխարհի լավագույն բարձրագույն ուսումնական հաստատություններում սովորող մի խումբ ուսանողների, որոնք հանգրվանել էին Վայոց ձորի մարզի Հերմոն համայնքի տարածքում գործող ,,Լուսի,, տուրիստական հանգստի տանը: Մարզպետ Էդգար Ղազարյանը զրուցել է ուսանողների հետ նրանց ուսումնառության հետ կապված ծրագրերի մասին, ինչպես նաև ձեռք բերված գիտելիքներով մեր երկրի տնտեսության զարգացմանը օգտակար լինելու հարցերի շուրջ: Հանդիպմանը մասնակցել է նաև մարզպետի տեղակալ Արամ Գրիգորյանը:
Վայոց ձորի երիտասարդները մասնակցել են պետական խորհրդանիշերին նվիրված միջոցառմանը 11.07.2013
ՀՀ Վայոց ձորի մարզի համայնքների շուրջ 140 երիտասարդներ Վայոց ձորի մարզպետարանի աշխատակազմի կրթության, մշակույթի և սպորտի վարչության գլխավոր մասնագետ Աղասի Հովհաննիսյանի գլխավորությամբ մասնակցել են հայկական պատական հորհրդանիշերին նվիրված ավանդական միջոցառմանը, որը տեղի է ունեցել ս/թ հուլիսի 6-ին մայրաքաղաք Երևանում:
Տեղի կունենա քաղաքացիների ընդունելություն 10.07.2013
Սահմանված կարգի համաձայն` 2013 թվականի հուլիսի 12-ին, ժամը` 14-ին, ՀՀ Վայոց ձորի մարզպետ Էդգար Ղազարյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, ք. Եղեգնաձոր, Շահումյան փողոց, շենք 5:
