Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Հարություն Սարգսյանի ուղերձը Հաշմանդամների միջազգային օրվա կապակցությամբ 03.12.2014
Ամեն տարի դեկտեմբերի 3-ը նշվում է որպես Հաշմանդամների միջազգային օր: Շուրջ 22 տարի աշխարհի բազմաթիվ պետություններ, առաջադեմ մարդիկ, հասարակական կազմակերպություններ անում են հնարավորինը, որպեսզի հաշմանդամություն ունեցող անձիք ունենան հավասար հնարավորություններ և իրավունքներ: Իհարկե բավականին աշխատանք է կատարվել այս ուղղությամբ նաև Վայոց ձորի մարզում: Հաշմանդամների միջազգային օրը ևս մեկ առիթ է իմի բերելու կատարված աշխատանքները, գնահատելու դրանց արդյունքում մարզի հասարակական կյանքին, ինչպես նաև տնտեսական գործունեության ոլորտում հաշմանդամների հնարավոր ներգարավումն ապահովելու պայմանների առկա վիճակը: Հայաստանի Հանրապետության կառավարության, միջազգային կառույցների, հասարակական կազմակերպությունների կողմից հաշմանդամություն ունեցող անձանց հասարակության մեջ լիակատար ինտեգրմանն ուղղված ծրագրեր են իրականացվում, որոնց արդյունքն ակնառու է: Սակայն դեռ երկար ճանապարհ կա անցնելու, դեռևս լուծվելիք բազմաթիվ խնդիրներ կան: Իսկ ֆիզիկապես մատչելի միջավայրի ստեղծումից ոչ պակաս կարևոր է հաշմանդամություն ունեցող անձանց շուրջ բարոյահոգեբանական միջավայրի ձևավորումը, նրանց նկատմամբ հանրության վերաբերմունքի արմատական վերափոխումը: Համոզված եմ, որ ցանկալի այդ արդյունքին մենք հասնելու ենք մարզային կառույցների, հասարակական կազմակերպությունների, բարեհոգի անհատների և այդ խնդիրներով մտահոգ անձանց համախմբված աշխատանքի միջոցով: Իմ գոհունակությունն եմ հայտնում Վայոց ձորի մարզի հաշմանդամների խնդրով մտահոգ բոլոր անձանց և կազմակերպություններին Աստվածահաճո իրենց գործունեության համար: Հարգելիներս, ձեզ առավել մեծ եռանդ և ուժ երախտագիտության արժանի ձեր ձեռնարկներում: Իսկ դուք, սիրելի բարեկամներ, hամոզված եղեք, որ մարզային իշխանությունների նպատակն է ստեղծել պայմաններ, որ լիովին պաշտպանված լինեն ձեր իրավունքները, որպեսզի դուք ակտիվ մասնակցություն ունենաք մեր մարզի հասարակական, քաղաքական, տնտեսական և մշակութային կյանքում: Մաղթում եմ ձեզ ամուր առողջություն, ձեր ընտանիքներին՝ խաղաղ ու աժանավայել կեցություն:
Տեղեկատվություն 02.12.2014
Մարզի Եղեգնաձոր, Վայք, Ջերմուկ քաղաքների ՍԾՏԳ-ներում 2014 թ. նոյեմբեր ամսին իրականացված աշխատանքների մասին
Տեղեկատվություն 02.12.2014
2014 թվականի նոյեմբեր ամսվա ընթացքում Վայոց ձորի մարզի բուժհաստատություններում ընդունված ծնունդների մասին` ըստ տարածաշրջանների
Տեղեկատվություն 02.12.2014
Մարզպետարանի աշխատակազմի ՏԻ և ՀԳՄ հարցերով վարչության նոյեմբեր ամսվա ընթացքում կատարած աշխատանքների վերաբերյալ
Տեղի ունեցավ մարզային զորակոչային հանձնաժողովի հերթական նիստը 01.12.2014
Ս/թ նոյեմբերի 29-ին ՀՀ Վայոց ձորի մարզպետարանում տեղի ունեցավ մարզային զորակոչային հանձնաժողովի նիստը, որը վարում էր զորակոչային հանձնաժողովի նախագահ, ՀՀ Վայոց ձորի մարզպետ Հարություն Սարգսյանը: Քննարկվեցին 2014 թվականի ձմեռային զորակոչի իրականացման կազմակերպչական հացերը:
ՀՀ Վայոց ձորի մարզպետն այցելել է Ջերմուկ համայնք 01.12.2014
Նախորդ շաբաթվա վերջին աշխատանքային օրը՝ նոյեմբերի 28-ին, ՀՀ Վայոց ձորի մարզպետ Հարություն Սարգսյանը, մարզպետի տեղակալ Սամվել Թարվերդյանի, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ աշխատանքային այցելություն է կատարել Ջերմուկ համայնք: Մարզպետը համայնապետարանում հանդիպում է ունեցել համայնքի ղեկավար Վարդան Հովհաննիսյանի և քաղաքապետարանի աշխատակիցների հետ: Այնուհետև այցելել է > քաղաքային մանկապարտեզ, քաղաքի թիվ 1 հիմնական և թիվ 2 ավագ դպրոցներ, երաժշտական և արվեստի կրթօջախներ, քաղաքային գրադարան ծանոթացել կրթական և մշակութային հաստատությունների գործունեությանը, ինչպես նաև նրանցում առկա խնդիրներին:
