Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետը մասնակցեց համայնքների խոշորացման խնդիրներին նվիրված քննարկմանը 17.07.2014
2014 թվականի հուլիսի 16-ին ՀՀ Վայոց ձորի մարզպետ Էդգար Ղազարյանի մասնակցությամբ Զառիթափ համայնքի դպրոցի դահլիճում տեղի ունեցավ հանրային քննարկում՝ նվիրված համայնքների խոշորացման խնդիրներին: Քննարկմանը մասնակցում էին նաև ՀՀ Վայոց ձորի մարզպետի տեղակալ Արամ Գրիգորյանը, ՀՀ տարածքային կառավարման նախարարության աշխատակազմի տեղական ինքնակառավարման հարցերի վարչության պետ Աշոտ Գիլոյանը, Համայնքների ֆինանսիստների միավորում ՀԿ նախագահ Վահան Մովսիսյանը, Գերմանական միջազգային համագործակցության կազմակերպության (GIZ) փորձագետներ, Զառիթափ, Մարտիրոս, Սերս, Բարձրունի, Խնձորուտ, Նոր Ազնաբերդ, Գոմք և Արտավան համայնքների ղեկավարները, համայնքների ավագանիների անդամներ, հիշյալ համայնքների բնակիչներ: Վահան Մովսիսյանի կողմից մասնակիցներին մանրամասն կերպով ներկայացվեց համայնքների խոշորացման հայեցակարգային մոտեցումները, ինչպես նաև առանձնակի անդրադարձ կատարվեց Զառիթափ կենտրոնով խոշորացվող համայնքային փնջի ձևավորման հնարավորություններին, ակնկալվող արդյունքներին, ինչպես նաև հավանական ռիսկերին: Տրվեցին մասնակիցներին հուզող հարցերի պատասխանները: Հանրային քննարկման ժամանակ ելույթով հանդես եկավ նաև ՀՀ Վայոց ձորի մարզպետ Էդգար Ղազարյանը՝ ներկայացնելով համայնքների խոշորացման անհրաժեշտությունը տեղական ինքնակառավարման համակարգի բարեփոխումների և համայնքային կարողությունների ամրապնդման համատեքստում:
Քննարկվեցին կանանց քաղաքական մասնակցության խթանման խնդիրներ 17.07.2014
2014 թվականի հուլիսի 16-ին ՀՀ Վայոց ձորի մարզպետ Էդգար Ղազարյանի աջակցությամբ մարզպետարանի նիստերի դահլիճում տեղի ունեցավ քննարկում՝ նվիրված կանանց քաղաքական մասնակցության խթանման խնդիրներին: Քննարկումը կազմակերպել էր > հասարակական կազմակերպությունը: Մասնակցում էին Վայոց ձորի մարզի պետական կառավարման համակարգի, կրթական, առողջապահական հաստատությունների, հասարակական կազմակերպությունների ներկայացուցիչներ, ավագանու կին անդամներ, գործարար կանայք և քաղաքացիական ակտիվիստներ: Քննարկումը վարում էին > ՀԿ-ի > ծրագրի համակարգող Լուսինե Սաղումյանը և նույն կազմակերպության ծրագրերի ղեկավար Տաթևիկ Աղաբեկյանը: Վերջինս խոսեց նաև հասարակության մեջ և ընտանիքներում տեղի ունեցող ֆիզիկական ու հոգեբանական բռնությունների մասին:
Տեղի կունենա <<Լույս>> հիմնադրամի կողմից կազմակերպված <<Եղեգեաց>> խորագրով փառատոնը 17.07.2014
Սիրով ներկայացնում ենք փառատոնի կազմակերպիչների` > հիմնադրամի, կողմից տարածած մամլո հաղորդագրությունը և բոլոր ցանկացողներին հրավիրում Եղեգնաձորի քաղաքային ամֆիթատրոն: Հասցեն՝ ՀՀ Վայոց ձորի մարզ, ք. Եղեգնաձոր, Մոմիկի անվան զբոսայգի:
2014 թվականի հուլիսի 15-ին ՀՀ Վայոց ձորի մարզպետարանի նիստերի դահլիճում տեղի ունեցավ գյուղատնտեսական համատարած հաշվառման նախապատրաստման և անցկացման Վայոց ձորի մարզային հանձնաժողովի նիստը, որը վարում էր ՀՀ Վայոց ձորի մարզպետ, հանձնաժողովի նախագահ Էդգար Ղազարյանը: Նիստին մասնակցում էին ՀՀ ազգային վիճակագրական ծառայության նախագահ Ստեփան Մնացականյանը, ՀՀ Վայոց ձորի մարզպետի տեղակալ Սամվել Թարվերդյանը, ՀՀ վիճակագրության պետական խորհրդի անդամ Գագիկ Անանյանը: Նիստի օրակարգում ներառված էր հետևյալ հարցերը. 1. Գյուղատնտեսական համատարած հաշվառման նպատակը և կարևորությունը, 2. Գյուղատնտեսական համատարած հաշվառման նախապատրաստական աշխատանքների ընթացքը, 3. Մարզային հանձնաժողովների և համայնքապետերի կողմից ցուցաբերվելիք օժանդակության մասին, 4. Այլ հարցեր: Ներկայացվեց, որ գյուղատնտեսական համատարած հաշվառումը զուտ վիճակագրական նպատակներով գյուղատնտեսության կառուցվածքի վերաբերյալ համընդգրկում տվյալների հավաքագրման, մշակման, տարածման և դրանց օգտագործման վիճակագրական գործառույթ է: Ներկայացվեցին օրակարգի հարցերը, ծավալվեց շահագրգիռ քննարկում: Նիստին մասնակցում էին ՀՀ գործադիր մարմինների տարածքային ծառայությունների, Վայոց ձորի մարզպետարանի աշխատակազմի համապատասխան ստորաբաժանումների և մարզի համայնքների ղեկավարներ:
ՀՀ Կառավարության որոշմամբ ծնողազուրկ, սոցիալապես անապահով բազմազավակ ընտանիքների երեխաների ամառային հանգստի կազմակերպան նպատակով 2014 թվականին ՀՀ Վայոց ձորի մարզին հատկացվել է 195 տեղ: Այն անցկացվելու է 3 փուլով, 20-ական օր տևողությամբ: Երեխաների հանգստի կազմակերպման առաջին փուլն սկսվել է հունիսի 20-ին: Վայոց ձորի մարզից այդ փուլում Հանքավանի > ճամբար է մեկնել 55 երեխա: Նրանք իրենց հանգիստն անցկացրել են մինչև հուլիսի 9-ը: Ճամբարային հանգստի երկրորդ փուլը մեկնարկեց հուլիսի 9-ին: Ճամբար է մեկնել 70 երեխա: Երկրորդ խմբի երեխաները ճամբարում կհանգստանան մինչև հուլիսի 28-ը: Իսկ հուլիսի 28-ին այս երեխաներին կփոխարինեն ևս 70-ը, որոնց հանգիստը կկազմակերպվի մինչև օգոստոսի 16-ը: Երեխաների տեղափոխությունը կազմակերպվում է ՀՀ Վայոց ձորի մարզպետարանի կողմից: Ճամբար մեկնող երեխաներին տեղափոխող տրանսպորտային միջոցներին ուղեկցում են ճանապարհային ոստիկանության մարզային աշխատակիցները:
Կայացավ քաղաքացիների հուլիս ամսվա ընդունելությունը 14.07.2014
ՀՀ Վայոց ձորի մարզպետ Էդգար Ղազարյանի մոտ ս/թ հուլիսի 11-ին կայացավ քաղաքացիների հերթական ընդունելությունը: Ընդունելության համար ցուցակագրվել էր 71 քաղաքացի, ընդունելության էին եկել 64-ը: Ընդունելության եկած 62 քաղաքացիներ դիմել էին ֆինանսական օժանդակության խնդրանքով, որոնց խնդրանքը բավարարվեց: 2 քաքաքացի դիմել էր աշխատանքի տեղավորրման խնդրանքով, որոնց դիմումների վերաբերյալ հանձնարարություն տրվեց մարզպետարանի աշխատակազմի համապատասխան ստորաբաժանումների ղեկավարներին՝ ուսումնասիրել հարցերը և օրենքով նախատեսված ժամկետներում պատասխանել:
