Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀԱՆԴԻՊՈՒՄ ՏԱՐԲԵՐ ՄԱՐԶԵՐԻ ՀԱՄԱՅՆՔԻ ԱՎԱԳԱՆԻՆԵՐԻ ԿԻՆ ԱՆԴԱՄՆԵՐԻ ՀԵՏ 14.10.2014
2014 թվականի հոկտեմբերի 14-ին ՀՀ Վայոց ձորի մարզպետ Էդգար Ղազարյանն ընդունեց Համալսարանական կրթությամբ կանանց ասոցիացիայի կողմից ՀՀ տարածքային կառավարման նախարարության հետ համատեղ ՄԱԿ-ի Զարգացման ծրագրի կողմից Եվրոպական Միության ֆինանսավորմամբ իրականացվող “Հավասար իրավունքների և հավասար հնարավորությունների խթանում Հայաստանում. Կանայք տեղական ժողովրդավարական գործընթացներում” ծրագրի շրջանակներում ՀՀ Վայոց ձորի մարզի Գոմք գյուղական համայնք այցելելու նպատակով ժամանած համայնքների ավագանիների կին անդամներին: Հանդիպմանը մասնակցում էին ՀՀ Արարատի, Արմավիրի, Լոռու, Կոտայքի և Վայոց ձորի մարզերի համայնքների ավագանիների շուրջ 20 անդամներ: Հանդիպման ընթացքում քննարկվեցին հյուրերին հուզող բազամթիվ խնդիրներ, որոնք վերաբերում էին տեղական ինքնակառավարման համակարգում կանանաց դերի բարձրացմանը, համայնքի ավագանիների ազդեցության և նշանակության մեծացմանը, տեղական ինքնակառավարման բնագավառում իրականացվելիք բարեփոխումների, կրթության խնդիրներին և այլն: Մասնակցիների խնդրանքով Է.Ղազարյանը ներկայացրեց նաև ՀՀ Վայոց ձորի մարզի սոցիալ-տնտեսական իրավիճակը և պատասխանեց նրանց հուզող բազմաթիվ հարցերին: Նույն օրը հյուրերն այցելեցին Գոմք համայնք՝ ծանոթանալու տեղական ինքնակառավարման և մասնակցային ժողովրդավարության հաջող օրինակին:
ՀԱՆԴԻՊՈՒՄ ՀԱՄԱՅՆՔԻ ԱՎԱԳԱՆԻՆԵՐԻ ԿԻՆ ԱՆԴԱՄՆԵՐԻ ՀԵՏ 14.10.2014
2014 թվականի հոկտեմբերի 14-ին Գյուղի կանանց միջազգային օրվան ընդառաջ ՀՀ Վայոց ձորի մարզպետ Էդգար Ղազարյանը հանդիպում ունեցավ ՀՀ Վայոց ձորի մարզի տարբեր համայնքների ավագանիների կին անդամների հետ: Հանդիպմանը մասնակցում էին ՀՀ Վայոց ձորի մարզպետի տեղակալներ Արամ Գրիգորյանն ու Մելսիկ Հարությունյանը, մարզպետարանի աշխատակազմի Տեղական ինքնակառավարման և հանրապետական գործադիր մարմինների հարցերով վարչության պետ Նորիկ Սիմոնյանը և Ընտանիքի, կանանց և երեխաների իրավունքների պաշտպանության բաժնի պետ Վարդգես Իսախանյանը, համայնքի ավագանու անդամներ Եղեգնաձոր, Վայք, Արենի, Գոմք, Հերմոն, Նոր Ազնաբերդ, Քարագլուխ, Աղնջաձոր համայնքներից: Հանդիպման ընթացքում քննարկվեց կանանց դերակատարման կարևորությունը համայնքային կյանքում, իսկ ավագանիների կին անդամները ներկայացրեցին իրենց կողմից իրականացվող աշխատանքները, ծրագրերը և համայնքների հուզող խնդիրները:
Հանդիպում Սոպոտի քաղաքապետի հետ 09.10.2014
2014 թվականի հոկտեմբերի 8-ին ՀՀ տարածքային կառավարման նախարարի առաջին տեղակալ Վաչե Տերտերյանի մոտ տեղի ունեցավ հանդիպում Լեհաստանի առաջին տիկին Աննա Կամարովսկայայի այցի շրջանակներում Հայաստան ժամանած Սոպոտի քաղաքապետ Ժակեք Կարնովսկու հետ: Հանդիպմանը ներկա էին ՀՀ Վայոց ձորի մարզպետ Էդգար Ղազարյանը, ՀՀ տարածքային կառավարման նախարարության աշխատակազմի տեղական ինքնակառավարման հարցերի վարչության պետ Աշոտ Գիլոյանը, Սոպոտի քաղաքապետարանի պատասխանատուներ: Հանդիպման ընթացքում քննարկվեցին տարածքային և տեղական իշխանությունների միջև հայ-լեհական ապակենտրոնացված համագործակցության խնդիրներ: Անդրադարձ եղավ նաև Եվրոմիության կողմից իրականացվող ծրագրերում Սոպոտի և Հայաստանի համայնքների, մասնավորապես, ՀՀ Վայոց ձորի մարզի քաղաքների համատեղ համագործակցության հնարավորություններին և հեռանկարներին:
Լեհաստանի առաջին տիկնոջ այցը Վայոց ձորի մարզ 09.10.2014
2014 թվականի հոկտեմբերի 8-ին ՀՀ Վայոց ձորի մարզ էին այցելել Լեհաստանի Հանրապետության առաջին տիկին Աննա Կամարովսկայան և նրան ուղեկցող պատվիրակության անդամները: Արենի գյուղի մոտ Լեհաստանի առաջին տիկնոջը աղ ու հացով դիմավորեցին Արենի համայնքի պարի խմբի սաները, ՀՀ Վայոց ձորի մարզպետ Էդգար Ղազարյանը՝ տիկնոջ՝ Մարիաննա Ղազարյանի հետ: Մարզպետի ուղեկցությամբ հյուրերն այցելեցին ԱՐԵՆԻ-1 հնագիտական քարանձավ, որտեղ մասնագետների կողմից նրանց ներկայացվեցին քարանձավում կատարաված պեղումների արդյունքները: Այնուհետև հյուրերը եղան Նորավանքի վանական համալիրում, որտեղ Տեր Սահակ քահանա Մարտիրոսյանը ներկայացրեց Նորավանքի պատմությունը: Նորավանքի տարածքում գտնվող Մոմիկի թանգարանում հյուրերը ծանոթացան միջնադարյան հայ ճարտարապետության և մանրանկարչության պատմությանը: Այցի ավարտին Տիկին Կամարովսկայան և նրան ուղեկցող պատվիրակության անդամներն այցելեցին Արենի գինու գործարան, ծանոթացան լավաշի պատրաստման արարողությանը, համտեսեցին Վայոց ձորում արտադրված գինիները և ունկնդրեցին Եղեգնաձորի երաժշտական դպրոցի կողմից պատրաստվա
Տեղի ունեցավ քաղաքացիների հոկտեմբեր ամսվա ընդունելությունը 09.10.2014
2014 թվականի հոկտեմբերի 9-ին ՀՀ Վայոց ձորի մարզպետ Էդգար Ղազարյանի մոտ տեղի ունեցավ քաղաքացիների հերթական ընդունելություն, որին մասնակցում էր նաև մարզպետարանի աշխատակազմի առողջապահության և սոցիալական հարցերի վարչության պետ Խաչիկ Գևորգյանը: Մարզպետն ընդունեց ընդունելության եկած ավելի քան 6 տասնյակ քաղաքացիների: Քաղաքացիները հիմնականում դիմում էին սոցիալական աջակցության, առողջապահական և այլ հարցերով: Սոցիալական օգնության հետ կապված գրեթե բոլոր դիմումները բավարարվեցին:
Տեղի ունեցավ ներքին աուդիտի կոմիտեի հերթական նիստը 09.10.2014
2014 թվականի հոկտեմբերի 9-ին ՀՀ Վայոց ձորի մարզպետ Էդգար Ղազարյանի նախագահությամբ տեղի ունեցավ ՀՀ Վայոց ձորի մարզպետարանի ներքին աուդիտի կոմիտեի հերթական՝ 6-րդ նիստը: Նիստում քննարկվեցին 2014 թվականի ներքին աուդիտի ծրագրով հաստատված >, >, > և > պետական ոչ առևտրային կազմակերպություններում իրականացված աուդիտի հաշվետվությունների արդյունքները, ինչպես նաև 2014 թվականի ընթացքում իրականացված աուդիտի հաշվետվություններով արձանագրված թերությունների և խախտումների վերացման վերահսկողական գործընթացի արդյունքները:
