Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՎԱՅՈՑ ՁՈՐԻ ՄԱՐԶԻ ԴՊՐՈՑՆԵՐՈՒՄ ՄԵԿՆԱՐԿԵՑ ԴՊՐՈՑԱԿԱՆՆԵՐԻ ԿԱՅՈՒՆ ՍՆՆԴԻ ԾՐԱԳԻՐԸ 03.09.2014
2014 թվականի սեպտեմբերի 1-ը ՀՀ Վայոց ձորի մարզի հանրակրթական բոլոր դպրոցների համար նշանավորվեց ՀՀ կառավարության կողմից իրականացվող դպրոցականների կայուն սննդի ծրագրի մեկնարկով: Ծրագիրը կրում է փորձնական բնույթ և ՀՀ կառավարության ֆինանսավորմամբ իրականացվում է առայժմ ՀՀ Վայոց ձորի և Սյունիքի մարզերում: Ծրագրի սահուն ընթացքն ապահովելու նպատակով դեռևս 2014 թվականի հունվարից մարզի 21 հանրակրթական դպրոցներում իրականացվեցին նախապատրաստական աշխատանքներ և ծրագրի փորձնական մեկնարկ` ՄԱԿ-ի պարենի համաշխարհային կազմակերպության և ՌԴ սննդի ինստիտուտի աջակցությամբ: 2014 թվականի սեպտեմբերի 1-ից ՀՀ կառավարության որոշմամբ ՀՀ Վայոց ձորի մարզի բոլոր հանրակրթական դպրոցների 1-ից 4-րդ դասարանների և նախակրթարանների 2504 աշակերտների տրամադրվում է հյութ և թխվածքաբլիթներ: 2014 թվականի նոյեմբերի 1-ից դպրոցների զգալի մասում աշակերտներին այս ծրագրի շրջանակներում կտրամադրվի նաև տաք սնունդ:
ԱՅՑԵԼՈՒԹՅՈՒՆ ԵՂԵԳՆԱՁՈՐ ՔԱՂԱՔԻ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ 03.09.2014
2014 թվականի սեպտեմբերի 2-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ, նոր ուսումնական տարվա մեկնարկի կապակցությամբ, այցելել է Հայաստանի պետական տնտեսագիտական համալսարանի Եղեգնաձորի մասնաճյուղ, Եղեգնաձորի թիվ 1 և թիվ 2 հիմնական դպրոցներ, Եղեգնաձորի ավագ դպրոց, ինչպես նաև Եղեգնաձորի երաժշտական դպրոց: Այցելությունների ընթացքում Է.Ղազարյանը հանդիել է ուսանողներին, դասախոսներին, աշակերտներին, ուսուցիչներին, առաջին դասարանցիների ծնողներին, ծանոթացել ուսումնական գործընթացի կազմակերպման և հիմնական դպրոցներին դպրոցականների կայուն սննդի ծրագրի շրջանակներում ստեղծված պայմաններին: Հանդիպումներին ընթացքում Է.Ղազարյանն իր շնորհավորանքներն է հղել կրթական գործընթացի մասնակիցներին Գիտելիքի, գրի և դպրության օրվա, նոր ուսումնական տարվա մեկնարկի, ինչպես նաև Արցախի Հանրապետության տոնի կապակցությամբ:
ՀՀ ՎԱՅՈՑ ՁՈՐԻ ՄԱՐԶՊԵՏ ԷԴԳԱՐ ՂԱԶԱՐՅԱՆԻ ՈՒՂԵՐՁՆ ԱՐՑԱԽԻ ՀԱՆՐԱՊԵՏՈՒԹՅԱՆ ԱՆԿԱԽՈՒԹՅԱՆ ՕՐՎԱ ԱՌԻԹՈՎ 02.09.2014
Սիրելի հայրենակիցներ: Սրտանց շնորհավորում եմ Ձեզ Արցախի Հանրապետության Անկախության օրվա կապակցությամբ: Ցանկացած ժողովրդի երազանքն է ապրել ազատ ու անկախ երկրում: Արցախում ապրող մեր հայրենակիցներն իրենց վճռականությամբ, տոկունությամբ և իմաստնությամբ կարողացան կյանքի դժվարին ժամանակահատվածում, հաղթահարելով ամեն տեսակի փորձություններն ու պատերազմի աղետալի հետևանքները, հառնել ինչպես փյունիկ և կերտել ժամանակակից ժողովրդավարական մի հրաշալի և օրինակելի պետություն: Ազատ Արացախի Հանրապետությունը հայ ժողովրդի միասնության, ուժի և պայքարի խորհրդանիշն է: Այն աշխահի ցանկացած անկյունում ապրող յուրաքանչյուր հայի հպարտություն է: Այս գեղեցիկ տոնի կապակցությամբ առաջին հերթին շնորհավորում եմ Արցախում ապրող մեր ժողովրդին, Արցախի Հանրապետության Նախագահին և մեր գործընկերներին: Թող հավիտենական հաջողություններով ուղկեցվի Արցախի Հանրապետության լուսվոր ապագան, խաղաղություն և կապույտ երկինք Արցախի սահմանները պաշտպանող մեր զինվորականներին և բարօրություն ու նորանոր նվաճումներ Արցախի հերոսական ժողովրդին: ՀՀ Վայոց ձորի մարզպետ Էդգար Ղազարյան 02, սեպտեմբերի 2014թ.
ԱՅՑԵԼՈՒԹՅՈՒՆ ՋԵՐՄՈՒԿԻ ՄԱՔՍԻՄ ԳՈՐԿՈՒ ԱՆՎԱՆ ՀԻՄՆԱԿԱՆ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Ջերմուկի նոր անվանակոչված Մաքսիմ Գորկու անվան հիմնական դպրոց: Է.Ղազարյանը հանդիսանում է այդ դպրոցի շրջանավարտ: Իր ողջույնի խոսքում Է.Ղազարյանը շնորհավորեց դպրոցի բոլոր աշակերտներին, ուսուցիչներին, ծնողներին գիտելիքի, գրի և դպրության տոնի, ինչպես նաև նոր ուսումնական տարվա մեկնարկի առիթով: Մարզպետը մաղթեց, որ աշակերտները լավ սովորեն, իսկ ուսուցիչները՝ ծնողի հոգատարությամբ իրնեց գիտելիքներն ու դաստիարակությունը փոխանցեն մատաղ սերնդին: ՀՀ Վայոց ձորի մարզպետ Էդգար Ղազարյանի որոշմամբ բոլորովին վերջերս Ջերմուկի թիվ 1 հիմնական դպրոցն անվանակոչվել է ռուս նշանավոր գրող Մաքսիմ Գորկու անունով: Դպրոցի անվանակոչումը ՀՀ Վայոց ձորի մարզի և ՌԴ Նեժեգորոդի նահանգի միջև բարեկամության և համագործակցության արդյունքներից է: 2014 թվականի ընթացքում Ջերմուկ քաղաքում ԳԵՈԹԻՄ ընկերության կողմից իրականացվող սոցիալական ծրագրերի շրջանակներում հիմնանորոգվել են դպրոցի սանհանգույցներն ու աշակերտական ճաշարնաը՝ պայմաններով ստեղծելով 2014 թվականի սեպտեմբերի 1-ից ՀՀ Վայոց ձորի մարզի հանրակրթական դպրոցներում իրակնացվող դպրոցականների կայուն սննդի ծրագրի իրականացման համար:
ԱՅՑԵԼՈՒԹՅՈՒՆ ՋԵՐՄՈՒԿ ՀԱՄԱՅՆՔԻ ԿԵՉՈՒՏ ԳՅՈՒՂԻ ՀԻՄՆԱԿԱՆ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Ջերմուկ համայնքի Կեչուտ գյուղի հիմնական դպրոց: Դպրոցի տնօրեն Ստեփան Ստեփանյանի կողմից նոր ուսումնական տարվա մեկնարկի ազդարարումից հետո ՀՀ պետական օրհներգի հնչյունների ներքո դպրոցի բակում բարձրացվեց ՀՀ պետական դրոշը: Այնուհետև Ջերմուկի հոգևոր հովիվ Տեր Գալուստ քահանայի հետ միասին հավաքվածներն արտասանեցին Տերունական աղոթքը և ստացան նրա օրհնությունը: ՀՀ Վայոց ձորի մարզպետ Էդգար Ղազարյանը շնորհավորեց դպրոցի բոլոր աշակերտներին, ուսուցիչներին, աշակերտներին ծնողներին պետական տոնի՝ գիտելիքի, գրի և դպրոության օրվա առիթով: Է.Ղազարյանն ընթրցեց նաև ՀՀ Նախագահ Սերժ Սարգսյանի շնորհավորական ուղերձը: Դպրոցի տնօրենի կողմից նախորդ ուսումնական տարում գերեզանց առաջադիմություն ցուցաբերած աշակերտներին հանձնավեցին գովասանագրեր:
ԱՅՑԵԼՈՒԹՅՈՒՆ ԳՆԴԵՎԱԶ ԳՅՈՒՂԻ ՄԻՋՆԱԿԱՐԳ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Գնդեվազ գյուղի միջնակարգ դպրոց: Դպրոցի բակում կազմակերպված տոնական միջոցառման ժամանակ Է.Ղազարյանը շնորհավորեց դպրոցի աշակերտներին, ուսուցիչներին և ծնողներին գիտելիքի, գրի և դպրության տոնի առիթով և ընթերցեց ՀՀ Նախագահ Սերժ Սարգսյանի շնորհավորական ուղերձը: Այնուհետև աշակերտները հրավիրվեցին դպրոց: Է.Ղազարյանը դպրոցի տնօրենի ուղեկցությամբ շրջայց կատարեց դպրոցի տարածքում, ծանոթացավ դպրոցականների կայուն սննդի տրամադրման պայմաններին, այցելեց դպրոցի բակում Գնդեվազ համայնքում ԳԵՈԹԻՄ ընկերության սոցիալական ծրագրերի շրջանակներում կառուցվող խաղադաշտի շինարարական հրապարակ:
