Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տոնական հանդես ,,Խելացի մանուկ,, մանկական զարգացման կենտրոնում 10.03.2015
2015 թվականի մարտի 6-ին Եղեգնաձորի ,,Գիտելիք,, համալսարանի դահլիճում կայացավ ,,Խելացի մանուկ,, մանկական զարգացման կենտրոնի սաների համերգը, նվիրված կանանց միջազգային օրվան: Միջոցառմանը մասնակցում էին ՀՀ Վայոց ձորի մարզպետ Հարություն Սարգսյանը և մարզպետի տեղակալ Սամվել Թարվերդյանը: Երեխաներն իրենց ծնողներին և հրավիրյալ հյուրերին ողջունեցին երգ ու պարով, մայրերին նվիրված ոտանավորներով: Ներկաներին միջոցառման առիթով շնորհավորեց և շնորհակալություն հայտնեց կենտրոնի տնօրեն Սուսաննա Ավագյանը: Վերջում մարզպետ Հարություն Սարգսյանը շնորհակալություն հայտնեց երեխաներին իրենց հուզիչ ելույթի համար, մաղթեց նրանց անհոգ մանկություն և ամուր առողջություն: Մարզպետը շնորհավորեց դահլիճում ներկա կանանց և աղջիկների Մարտի 8-ը: Տոնական միջոցառումից հետո Հարություն Սարգսյանը շրջայց կատարեց կենտրոնում, ծանոթացավ աշխատանքային և ուսումնական պայմաններին, ինչպես նաև երեխաներին մատուցվող սննդակարգին: Նշենք, որ կենտրոն են հաճախում Եղեգնաձորի և մերձակա համայքների նախադպրոցական և մսուրային տարիքի շուրջ 56 երեխա:
Տեղի կունենա քաղաքացիների ընդունելություն 09.03.2015
Սահմանված կարգի համաձայն` 2015 թվականի մարտի 13-ին, ժամը` 14-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
ՀՀ Վայոց ձորի մարզպետ Հարություն Սարգսյանի շնորհավորական ուղերձը Կանանց միջազգային օրվա առթիվ 06.03.2015
Հարգարժան տիկնայք, սիրելի մայրեր և տատիկներ, նազելի քույրեր ու դուստրեր, ընդունեցեք իմ ջերմ ու սրտագին շնորհավորանքները, Կանանց միջազգային օրվա` մարտի 8-ի առթիվ: Մաղթում եմ ձեզ առողջություն, կանացի երջանկություն, ընտանեկան ներդաշնակություն և աշխատանքային հաջողություններ: Թող ձեր բոլոր օրերը լեցուն լինեն խինդով, ձեր հոգիներում մշտապես թագավորեն լույսն ու ջերմությունը: Թող ի կատար ածվեն ձեր բոլոր նվիրական երազանքները: Բոլորիդ մաղթում եմ պայծառ գարուններ ու սեր: Մաղթում եմ նաև, որ գարնան նման լուսավոր ու կենսատու լինեք `Ձեր ընտանիքներին բերելով խաղաղ օրեր, ընտանիքում դառնալով կյանքի սկիզբ ու ներդաշնակ կեցության խորհրդանիշ: Անգնահատելի է հայ կնոջ դերը մեր ժողովրդի կյանքում և անչափելի է նրա ներդրումը՝ ժողովրդի համար կարևորագույն և գոյության պայքարի շրջադարձային պահերին։ Կնոջ դերը մեր ժողովրդի պատմության ընթացքում մշտապես կարևորվել է նաև ընտանիքի ամրության, ավանդական կենսաձևի պահպանման ու երեխաների դաստիարակության գործում: Մայրերն են մեր երեխաների հոգիներում սերմանում ազգայինն ու համամարդկայ
Տոնական շնորհավորանքներ Վայոց ձորի մարզպետարանում 06.03.2015
Տոնական շնորհավորանքներ Վայոց ձորի մարզպետարանում:
Հերթական միջոցառումը Վայոց ձորի մարզային գրադարանում 06.03.2015
Մարտի 5-ին Վայոց ձորի մարզային գրադարանում ,,Հայ ընտանիքի հոգեբանական պատկերը,, խորագիրը կրող զեկուզումով հանես եկավ ՀՀ Վայոց ձորի մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժնի պետ Վարդգես Իսախանյանը: Միջոցառումը կազմակերպվել էր մարզային գրադարանի կողմից Հայաստանի Հանրապետությունում 2014 թվականը ,,Ընտանիքի տարի,, հայտարարած ծրագրի շրջանակում: Միջոցառմանը մասնակցում էին մարզպետարանի պաշտոնյաներ, գրադարանի աշխատակիցներ, ընթերցողներ, ավագ տարիքի դպրոցականներ, ՀԿ և ԶԼՄ ներկայացուցիչներ: Զեկուցումից հետո ներկաներն իրենց հետաքրքրող հարցերն ուղղեցին բանախոսին և ստացան սպառիչ պատասխաններ: Միջոցոռման ավարտին գրադարանի տնօրեն Ռոզա Լևոնյանը շնորհակալություն հայտնեց բանախոսին և մասնակիցներին:
Միջոցոռում նվիրված Սպարապետի ծննդյան օրվան 06.03.2015
Սպարապետ Վազգեն Սարգսյանի ծննդյան օրվա կապակցությամբ հանդիսավոր միջոցառում էր կազմակերպվել մարզկենտրոն Եղեգնաձորի ավագ դպրոցում: Ներկա էին Վայոց ձորի մարզպետարանի, մարզի տարածքային զինկոմիսարիատի, ոստիկանության մարզային վարչության, հասարակական կազմակերպությունների, ԶԼՄ-ների ներկայացուցիչներ, ուսուցիչներ, զինվորներ, աշակերտներ: Ներկաներին ողջունեցին դպրոցի տնօրեն Կարինե Հարությունյանը և ՀՀ ՊՆ 4-րդ բանակային կորպուսի հրամանատարի ԱՀՏԱ գծով տեղակալի ժամանակավոր պաշտոնակատար, փոխգնդապետ Վահագն Շահբազյանը: Աշակերտները նախ ներկայացրին Սպարապետի կենսագրությունը՝ խոստում տալով հավատարիմ մնալ Երկրապահ կամավորականի երդմանը, այնուհետ ցուցադրեցին ռազմահայրենասիրական խաղերի իրենց հմտությունները:
