Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի կունենա ՀՀ Վայոց ձորի մարզխորհրդի 2016 թվականի անդրանիկ նիստը 23.02.2016
Ս/թ. փետրվարի 26-ին տեղի կունենա ՀՀ Վայոց ձորի մարզխորհրդի 2016 թվականի անդրանիկ նիստը, հետևյալ օրակարգով՝
Փետրվարի 23-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ աշխատանքային խորհրդակցություն, որի ընթացքում քննարկվեց Սպարապետ Վազգեն Սարգսյանի ծննդյան օրվան և պատանի երկրապահների երդման հանդիսավոր արարողությանը նվիրված մարզային միջոցառումների անցկացման ծրագիրը: Խորհրդակցությանը մասնակցում էին մարզպետի տեղակալՄելս Հարությունյանը, ԵԿՄ վարչության փոխնախագահ Մխիթար Հարությունյանը, ՀՀ ՏԿԱԻՆ Վայոց ձորի մարզային փրկարարական վարչության պետ, փ/ծ փոխգնդապետ Տիգրան Պետրոսյանը, Եղեգնաձորի Սուրբ Աստվածածին եկեղեցու հոգևոր հովիվ Տեր Վազգեն քահանա Հովհաննիսյանը, ԵԿՄ վարչության մարզային բաժանմունքների նախագահները, մարզպետարանի աշխատակազմի համապատասխան ստորաբաժանումների ղեկավարները: Մարզպետարանի աշխատակազմի կրթության, մշակույթի և սպորտի վարչության պետը ներկայացրեց Սպարապետի ծննդյան օրվան նվիրված մարզամշակութային միջոցառումների պլանը՝ մարզի հանրակրթական հաստատություններում կկազմակերպվեն մրցույթներ, հիշատակի ցերեկույթներ, մարտի 5-ին ծաղիկներ կխոնարհվեն զոհված և անհայտ կորած ազատամարտիկների հուշարձանին, այնուհետև Եղեգնաձորի Սուրբ Աստվածածին եկեղեցում կկատարվի պատանի երկրապահների օրհնության կարգ և տեղի կունենա ,,Ծնունդդ շնորհավոր Սպարապետ, պատանի երկրապահների երդման հանդիսավոր արարողությունը,,: Նույն օրը մարզից շուրջ 100 պատանի երկրապահներ կմասնակցեն նաև մայրաքաղաքում կայանալիք հանրապետական կարգի միջոցառմանը: Մարզպետ Հ. Սարգսյանը մարզպետարանի ստորաբաժանումների պատասխանատուներին հանձնարարեց՝ գործադրել ամեն ջանք՝ կազմակերպվելիք միջոցառումների հանդիսավորությունն ու համաժողովրդականությունն ապահովելու նպատակով:
Տեղի ունեցավ գործակարգավարական հերթական խորհրդակցությունը 22.02.2016
Փետրվարի 22-ին ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և ստորաբաժանումների պետերը: Ստորաբաժանումների ղեկավարները ներկայացրին ընթացիկ շաբաթվա ընթացքում կատարվելիք աշխատանքները, ինչպես նաև նախորդ խորհրդակցության ժամանակ արձանագրված և նախորդ շաբաթվա ընթացքում ստացած հանձնարարականների կատարման ընթացքը: Մարզպետին զեկուցվեց դպրոցներում ու նախադպրոցական ուսումնական հաստատություններում ուսումնական պարապմունքներ իրականացնելու համար նորմայով նախատեսված ջերմապահովման մասին: Մարզպետ Հ. Սարգսյանը հետաքրքրվեց ՀՀ ԱՍՀՆ Զբաղվածության պետական ծառայություն գործակալության կողմից իրականցվող ծրագրերով և հանձնարարեց մարզպետարանի աշխատակազմի առողջապահության և սոցիալական ապահովության վարչության պետին՝ ուսումնասիրել ծրագրերը և հնարավոր իրազեկում իրականացնել սոցիալական տարբեր խմբերի ներկայացուցիչներին, որպեսզի պահանջվող չափանիշերին համապատասխանելու դեպքում նշված ընտանիքներն ընդգրկվեն մարզում իրականացվող ծրագրերին: Հ. Սարգսյանը հանձնարարեց աշխատակազմի հողաշինության և հողoգտագործման բաժին - մարզային հողային պետական տեսչության պետին՝
Երիտասարդների համար նախատեսված ծրագրի մեկնարկը տրված է 22.02.2016
<<Ապագայի մանդատ>> երիտասարդական ՀԿ-ն Հայաստանում երիտասարդների ներգրավվածության խթանման ծրագրի շրջանակներում սկսել է իրականացնել <<Երիտասարդների քննարկման խմբերի և առաջնորդության դասընթացների իրականացման ծառայություններ հանձնարարականը>>, որն իրագործվում է ՀՀ աշխատանքի և սոցիալական հարցերի ու ՀՀ սպորտի և երիտասարդության հարցերի նախարարությունների հետ համատեղ՝ Համաշխարհային Բանկի ֆինանսավորմամբ: Ծրագիրն ընդգրկում է Շիրակ, Տավուշ, Սյունիք, Վայոց ձոր և...
Մեկնարկել է առարկայական օլիմպիադայի մարզային փուլը 22.02.2016
ՀՀ Վայոց ձորի մարզում մեկնարկել է դպրոցականների առարկայական օլիմպիադայի մարզային փուլը, որին մասնակցում են դպրոցական փուլում հաղթած աշակերտները: Դպրոցական փուլին մասնակցել են 9-րդից 12-րդ դասարանների շուրջ 2000 աշակերտներ, որոնցից 1500-ը էլեկտրոնային եղանակով անցկացված մաթեմատիկա, ֆիզիկա, քիմիա, կենսաբանություն, աշխարհագրություն, ինֆորմատիկա և աշխարհագրություն առարկաներից: Փետրվարի 20-ին անցկացվել է մաթեմատիկա առարկայի մարզային փուլը, որին մասնակցել են դպրոցական փուլում նվազագույն շեմը հաղթահարած 5 աշակերտներ:
Այսօր՝ փետրվարի 22-ին, ՀՀ Վայոց ձորի մարզպետ Հարություն Սարգսյանի, մարզպետի տեղակալ Սամվել Թարվերդյանի, մարզպետարանի աշխատակազմի համապատասխան ստորաբաժանումների ղեկավարների մասնակցությամբ տեղի ունեցավ Հյուսիս-հարավ ճանապարհային միջանցքի ներդրումային ծրագրի տրանշ 4-ի շրջանակներում նախագծող խորհրդատու ,,Սպեա Ինջենյերիա Էուրոպեա Ս.պ.Ա. և ԱյԱրԴի Ինջինիրինգ Ս.ր.Լ,, ՀՁ (այսուհետ՝ Նախագծող խորհրդատու) կողմից իրականացված Արտաշատ-Քաջարան (կմ28+912-կմ333+000) ճանապարհահատվածի տեխնիկատնտեսական ուսումնասիրության արդյունքների հանրային իրազեկման քննարկում-ներկայացում, շահառուների հետ, որը նախաձեռնել է Նախագծող խորհրդատուն: Հանրային հանդիպմանը մասնակցում էին նաև ծրագծի երկայնքով տեղակայված ՀՀ Վայոց ձորի մարզի մի շարք համայնքների ղեկավարներ և այլ իրավասու ներկայացուցիչներ: Հանդիպման բանախոսներն էին Ծրագրի ղեկավար Աթիլիո Սիվիերոն, ,,Ճաննախագիծ,, ինստիտուտ ՍՊԸ ինժեներ Արթուր Սանոյանը, ծրագրի իրականացման կազմակերպության սոցիալական զարգացման և վերաբնակեցման մասնագետ Սոնա Պողոսյանը:
