Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ցուցահանդես նվիրված Թանգարանների միջազգային օրվան 27.05.2016
Մայիսի 26-ին ՀՀ Վայոց ձորի մարզպետ Հարություն Սարգսյանը մասնակցել է ՀՀ մշակույթի նախարարության > ՊՈԱԿ-ի և Հայաստանի ազգային պատկերասրահի Եղեգնաձորի մասնաճյուղի կողմից կազմակերպված ցուցահանդեսի բացմանը: Բացման արարողությանը ներկա են գտնվել նաև մարզպետի տեղակալներ Սամվել Թարվերդյանի և Մելս Հարությունյանը: Ցուցահանդեսում ընդգրկված են այնպիսի աշխատանքներ, որոնցում արտահայտված է հայկական բնաշխարհը գունային իր ողջ ներկապնակով: Ինչպես նշեցին ցուցահանդեսի կազմակերպիչները, բնության մեջ մեզ արդեն ծանոթ ամեն անկյուն կտավների վրա նոր շունչ է ստանում, իսկ գարնանային բնության զարթոնքը նկարչին տալիս մեկ այլ տրամադրություն, խթան և թարմ շունչ նորանոր կտավներ ստեղծելու և արարելու համար: Տեղեկացնենք, որ ցուցահանդեսը նվիրված է Թանգարանների միջազգային օրվան:
Կայացավ <<Լավագույն մարզական նախադպրոցական հիմնարկ 2016>> մարզական միջոցառման մարզային փուլը 27.05.2016
Եղեգնաձորի քաղաքային մարզադպրոցում տեղի ունեցավ ՀՀ Նախագահի մրցանակի համար ,,Լավագույն մարզական նախադպրոցական հիմնարկ 2016,, մարզական միջոցառման մարզային փուլը, որին մասնակցում էին համայնքային փուլում հաղթող ճանաչված թիմերը` Եղեգնաձորի թիվ 1, Եղեգնաձորի թիվ 5, Վայքի թիվ 1 և Վայքի թիվ 3 մանկապարտեզները: Մարզային փուլում փոքրիկ մարզիկները մրցում էին հետևյալ մարզաձևերում` փոխանցումավազք՝ արգելքների հաղթահարումով, խաղային փոխանցումավազք, անցում մարմնամարզական օղակների միջով, խաղային փոխանցումավազք՝ թենիսի գնդակներով և հավաքիր "ՀԱՂԹԱՆԱԿ" բառը: Մարզային փուլում հաղթող ճանաչվեց Եղեգնաձորի թիվ 1 մանկապարտեզը, երկրոդ պատվավոր մրցանակին արժանացավ Վայքի թիվ 2 մանկապարտեզը, իսկ Վայքի թիվ 1 մանկապարտեզի թիմը զբաղեցրեց 3-րդ մրցանակային տեղը: Հաղթող թիմերը ՀՀ սպորտի և երիտասարդության հարցերի նախարարության կողմից պարգևատրվեցին գավաթներով և դիպլոմներով, որոնք մրցանակակիրներին հանձնեց ՀՀ Վայոց ձորի մարզպետ Հարություն Սարգսյանը:
ՀՀ Վայոց ձորի մարզպետ Հարություն Սարգսյանի ուղերձը Հանրապետության տոնի կապակցությամբ 27.05.2016
Սիրելի հայրենակիցներ: Ի սրտե շնորհավորում եմ բոլորիս Մայիսի 28-ի` Հայաստանի առաջին Հանրապետության տոնի կապակցությամբ: Մայիսը հայ ժողովրդի համար եղել է հաղթանակների ու նվաճումների ամիս: Այդ նվաճումներից մեկն էլ 1918 թվականին Հայաստանի առաջին Հանրապետության կազմավորումն էր, հայոց պետականության հաստատումը` պետականության յոթդարյա կորստից հետո: Պատմական ճշմարտություն է, որ Հայաստանի առաջին Հանրապետությունը գոյատևեց ընդամենը երկուսուկես տարի, սակայն այդ ընթացքում ստեղծված պատական կառույցը հիմք հանդիսացավ Հայաստանի Խորհրդային Սոցիալիստական Հանրապետության, որը հռչակվեց 1920թ-ին, իսկ այնուհետ` Հայաստանի Հանրապետության, որը հռրակվեց 1991 թվականին: Թեև մեր ժողովրդի պատմական կեսագրությունը եղել է նաև անկումներով, այնուամենայնիվ պատմությունն արձանագրել է մի շարք հերոսական վերելքներ, որոնցից մեկը 1918 թվականի հերոսամարտի արդյունքում ձեռք բերված պետականությունն է: Փառք ու պատիվ մաղթենք բոլոր նրանց, ովքեր կենաց ու մահվան կռիվ տվեցին, մեզ ավանդելով՝ այս մի բուռ երկիր և ապացուցեցին թշնամուն, որ 1918-1920թթ. Հայաստանի առաջին Հանրապետության գոյությունը մեր ժողովրդի ոչ միայն հայրենասիրության, այլև հայրենապաշտության վկայությունն է: Հարգելիներս,
Հնչեց Վերջին զանգը 27.05.2016
Այսօր՝ մայիսի 27-ին, դպրոցական զանգը վերջին անգամ հնչեց նաև Վայոց ձորի դպրոցների ավարտական դասարանների աշակերտների համար: Մարզի պետական կառավարման և տեղական ինքնակառավարման մարմինների ներկայացուցիչներն այցելել են դպրոցներ և մասնակցել դպրոցներում կազմակերպվող տոնական վերջին դասերին: ՀՀ Վայոց ձորի մարզպետ Հարություն Սարգսյանը ներկա է գտնվել Եղեգնաձորի ավագ դպրոցի > տոնական միջոցառմանը: Միջոցառմանը մասնակցում էին նաև մարզի ուժային կառույցների ղեկավարներ, ուսուցիչներ աշակերտներ և ծնողներ: Միջոցառման սկզբում ներակները մեկ րոպե լռությամբ հարգեցին արցախյան քառօրյա պատերազմում զոհված հերոս հայորդիների հիշատակը, իսկ միջոցառման մեկնարկը տրվեց Տերունական աղոթքով և Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանի բարեմաղթանքներով: Ավագ դպրոցում տոնական բարձր տրամադրություն էր տիրում: Բեմում հուզմունքից մի փոքր շփոթված, մի քիչ ամաչկոտ աշակերտների աչքերում նկատելի էր մեծ երախտագիտություն, որը երեխաները տածում են իրենց ուսուցիչների նկատմամբ: Մարզպետ Հ. Սարգսյանը շնորհավորելով ուսուցիչներին, շրջանավարտներին և նրանց ծնողներին >-ի կապակցությամբ, համոզմունք հայտնեց, որ մեր հայրենիքի ապագան գտնվում է ուժեղ, ամուր և կրթված մարդկանց ձեռքերում և ապրիլյան դեպքերը դրա վառ ապացույցն են: >,- իր խոսքում նշեց Հ. Սարգսյանը: Դպրոցական կյանքն իր հետաքրքիր և խենթ առօրյայով երբեք չի մոռացվում: Մեզանից յուրաքանչյուրի կյանքում դպրոցն այն ռուբիկոնն է, որն անցնելով մենք սկիզբ ենք դնում մի նոր ուղու, նոր ճանապարհի` ճանապարհ դեպի մասնագիտական կրթություն: Այդ ճանապարդը դժվար է, քարքարոտ ու պահանջկոտ: Միևնույն ժամանակ այդ ճանապարհը լի է վերելքներով, երջանիկ և անմոռաց պահերով: Նշենք, որ դպրոցական կյանքին հրաժեշտ տվեցին Վայոց ձորի մարզի 527 շրջանավարտներ, որոնցից՝ 31 միջնակարգ դպրոցների 370 և ավագ դպրոցների 157 շրջանավարտներ: Հաջողություն և նորանոր ձեռքբերումներ ենք ցանկանում մեր հանրապետության բոլոր շրջանավարտներին:
ՀՀ Վայոց ձորի մարզպետ Հարություն Սարգսյանի շնորհավորական ուղերձը Վերջին զանգի կապակցությամբ 26.05.2016
Սիրելի շրջանավարտներ: Սրտանց շնորհավորում եմ ձեզ դպրոցական վերջին զանգի կապակցությամբ: Այսօր տոն է ձեզ համար և առանձնահատուկ տոն է, քանզի դուք Անկախ Հայաստանի 25-ամյա հոբելյանական տարվա շրջանավարտներն եք, որն ավելի պարտավորեցնող է դեպի կյանքի առավել ինքնուրույն փուլ քայլ կատարելու և այդ փուլում՝ ավելի գիտակցորեն ու կազմակերպված անցնելու ետ դպրոցական կյանքի ձեր տարիները: Սիրելիներս, արդեն դուք լիարժեքորեն ինքնուրույն եք տնօրինելու ձեր կյանքը, անցյալում թողնելով ձեր վարդագույն մանկության, գունագեղ պատանեկության տարիների պատմությունը և դպրոցական կրթության անվերադարձ հեռացող ժամանակահատվածը: Այդ տարիներին ձեր երազանքները թևեր էին առնում ընտանիքում և ձևավորվում դպրոցում ձեր շուրջը պարուրված անկեղծ ու ջերմ մթնոլորտում: Դուք գտնվում էիք ձեր հոգատար ծնողների և ուսուցիչների հոգածության ներքո: Համոզված եմ, որ ձեր ընտանիքներից բխող ջերմությունը և սիրելի ուսուցիչների բարեմաղթանքներն ու խորհուրդները կօգնեն ձեզ, կյանքի գալիք ճանապարհը նույնպես անցնել արժանապատվորեն: Իսկ դպրոցում ձեռք բերած գիտելիքների ու հմտությունների շնորհիվ, դուք կարող եք հաղթահարել բոլոր դժվարությունները, լուծել հետագայում ձեր ճանապարհին հանդիպած ցանկացած խնդիր: Համոզված եմ նաև, որ մեր մարզի գալիք տարիների պատմությունը, զարգացման տեմպերը պայմանավորված են լինելու նաև ձեզանով: Ուստի ձեր ընտանիքի, դպրոցի, ծննդավայրի, մեր մարզի և մեր երկրի վաղվա օրվա բարօրության համար կարևոր է լինելու նաև ձեր ներդրումն ու, պատասխանատվությունը ստնանձնած գործի հանդեպ, ուր էլ որ դուք լինեք: Սիրելի շրջանավարտներ, կրկին շնորհավորում եմ ձեզ դպրոցն ավարտելու և պատանեկությունից կյանքի երիտասարդական շրջան ոտք դնելու կապակցությամբ: Մաղթում եմ ձեզ բարի երթ, խաղաղ երկինք և հաջողություններ հետագա ձեր բոլոր ձեռնարկումներում:
Ցուցահանդես նվիրված Հայաստանի Հանրապետության անկախության 25 ամյակին 26.05.2016
Մայիսի 25-ին Հայաստանի երիտասարդական հիմնադրամի Վայոց ձորի մարզային կենտրոնում տեղի ունեցավ > գեղանկարչության ցուցահանդեսի բացման հանդիսավոր արարողությունը, որին ներկա էին ՀՀ Վայոց ձորի մարզպետարանի աշխատակազմի համապատասխան ստորաբաժանումների ղեկավարներ, աշխատակիցներ, վայոցձորցի մշակութասեր հասարակությունը, աշակերտներ, ծնողներ, ուսուցիչներ: Նշենք, որ ծրագիրն իրականացվել է > և ՀԵՀ Վայոց ձորի մարզային կենտրոնի համագործակցության արդյունքում: Ծրագրի շրջանակներում մարզի դպրոցների աշակերտների կողմից ՀԵՀ Վայոց ձորի մարզային կենտրոն են ներկայացվել Վայոց ձորի պատմամշակութային հուշարձանները պատկերող գեղանկարներ, որոնք այսօր ցուցադրվեցին միջոցառման ընթացքում: Հարկ է նշել, որ նման ծրագրերի օգնությամբ պահպանվում են մեր ազգային արժեքները և պատմական ժառանգությունը, երիտասարդ սերունդը ծանոթանում է Վայոց ձորի պատմամշակութային հուշարձաններին, կոթողներին՝ դառնալով մեր հինավուրց ազգային արժեքների
