Վայոց ձորի մարզպետի աշխատակազմ

   Օրերս Վայոց ձորի մարզպետի տեղակալ Վասիլ Ասլանյանը մարզպետի աշխատակազմում հյուընկալել էր Եղեգնաձորի երաժշտական դպրոցի մի խումբ աշակերտների՝ տնօրեն Արթուր Կարապետյանի և դասատու Մարինե Սարգսյանի գլխավորությամբ։
   Դպրոցը Լեհաստանի Հանրապետությունում Հայաստանի Հանրապետության պատվավոր հյուպատոս, Ազգային և էթնիկ փոքրամասնությունների ու տարածաշրջանային լեզվի հարցերով համատեղ հանձնաժողովում հայկական փոքրամասնության ներկայացուցիչ Հրաչյա Բոյաջյանի հրավերով մասնակցել էր «Հայկական մշակույթի 5-րդ փառատոնին»: 8 աշակերտները հանդես են եկել «Հայաստանի երաժշտությունը» հատուկ համերգային ծրագրով՝ ներկայացնելով հայկական ավանդական երաժշտությունն ու ազգային նվագարանները:
Վասիլ Ասլանյանը շնորհավորեց նրանց, կարևորեց մարզի մշակութային կյանքը նաև միջազգային բեմերում պատշաճ ներկայացնելը, երիտասարդ երաժիշտներին նոր հնարավորությունների ընձեռումը, հայապահպանության և մշակութային կապերի ամրապնդմանն ուղղված ծրագրերի իրականացումը։
Մարզպետի տեղակալը հյուրերին հանձնեց Վայոց ձորի մարզպետի կողմից շնորհակալագրեր Լեհաստանի Հանրապետությունում տեղի ունեցած «Հայկական մշակույթի 5-րդ փառատոնի» ընթացքում գեղեցիկ և տպավորիչ կատարումներով հանդես գալու, Վայոց ձորի մարզը և հայկական երաժշտարվեստը լավագույնս ներկայացնելու համար